Бәхет байлыкта түгел!


Алар Римнең туган ягына кайтырга дип кузгалганнар иде. Юл шактый озакка сузыласы. Көзге кебек ялтырап торган иномарка тигез асфальттан элдертә генә. Айзирәнең: “Ул кадәр кумасаң да ярар”, — дигән сүзләренә Рим дәшми генә елмаеп куйды: “Өр-яңа машина сынатып торырмы, оча бирсен, әйдә, руле ныклы кулларда ләбаса!”
Калганы өзек-өзек кенә булып истә калган: зур тизлек белән ыргылган машина, текә борылыш һәм... упкын.
Больницада аңына килгән Рим, иреннәрен көч-хәл белән кыймылдатып, “Айзирә!” дип эндәште. Янындагы шәфкать туташы бер­авык сүзсез торды, аннан: “Хаты­ныгыз юк инде... Улыгыз исә ниндидер могҗиза белән исән калган, зыян күрмәгән”, — диде.
Бетте, барысы да бетте... Үз куллары белән Айзирәсен юк итте Рим. Сынган сөяк кайчан да бер тө­зәлер, ә мәңгелеккә киткәннәр кире кайтмас.
Җиденче көн инде Рим үзенең Айзирә белән үткән кыска гына тормыш юлын күз алдыннан кичереп ята. Никадәр үкенеч җанда! Хаты­нына соклану һәм мактау сүзләре әйтүнең ни икәнен дә белмәгән тү­гелме соң ул? Ичмасам бер мәртәбә булса да Айзирә пешергән ризык­ларны мактый-мактый ашадымы икән? Юктыр, булса хәтерләр иде.
Кибетләргә чыккач, хатынының матур-матур киемнәргә, бизәнү әйберләренә кызыгып караганын сизсә дә, менә моны алып җибәрик, дип, беркайчан да сүз башламады Рим. Планнары зурдан иде шул аның: иркен фатир булдыру, зиннәтле җиһазлар, машина... Кешеләр аһ итәрлек булсын, янәсе! Бәхетнең байлыкта түгел, нәкъ менә икең дә янәшә, исән-сау килеш, бер-береңнең күзләренә генә карап яшәүдә икән­леген Рим бик соңга калып аңлады шул.
Яратмады түгел, яратты ул Айзирәсен. Тик менә хөрмәтләп, кадерләп кенә бетермәде бугай. Сөек­лесенең нинди хисләр, уйлар, хыяллар белән яшәгәнен сорашырга да Римнең вакыты җитмәде, дөнья куды да куды ул. Әнә, барысы да өелеп калды хәзер: зиннәтләр дә, өй, акча, байлык та. һәм шулар белән янәшә — ана назыннан гомергә мәхрүм булып сабые — Айраты да калды.
Ә Айзирә — китте. Тормыш, гаилә, кеше кадере турында ачылардан-ачы сабак калдырып, шул сабак бәрабәренә гомере белән түләп, кайтмаска дип китте...

Айгөл ӘХМӘТГАЛИЕВА.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (3)
Cимвол калды:
  • 28 июнь 2020 - 22:27
    Без имени
    Әйбәт язасыз! Гыйбрәтле хәлләр. Уңышлар!
  • 28 июнь 2020 - 18:55
    Без имени
    Яхшы машина,ирлэрнен "лицо"сы,дип мактанчык ирлэр генэ эйтэ.Э чынлыкта алар,кубесе чит хатыннар тозагына тошэ дэ,шулар аяк астында гомер буе чупрэк иргэ эйлэнеп яши.Уз семьясыннан акча жэллэп,балаларыннан жэллэп,узен курсэту очен ,узе очен бернэрсэ дэ кызганмыйлар,хавалы мескеннэр.Гаилэ кыйммэтен белсеннэр иде алар,урламасыннар иде,кеше бэхетен
  • 7 гыйнвар 2020 - 11:29
    Без имени
    Затлы машина алгансың, зато.... Кешене бар чагында кадерләргә кирәк, үлгәч соң инде! Байлык- бер айлык дип белми әйтмәгәннәр! Бик гыйбрәтле язма, рәхмәт. Язылышы да әйбәт, җиренә җиткереп язылган.
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    8199
    2
    55
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2487
    0
    40
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4793
    0
    38
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3902
    1
    33
  • Айгөл + Линар Бу язма – Татарстанның атказанган артисты Айгөл Бариеваның көндәлекләре. Аларда – ире Линар белән танышу тарихы, әнисен югалту ачысы, татар кызының ерак себердә дә үз юлына тугрылык саклавы, туган якка бөтенләйгә кайту шатлыгы. Ихлас, самими хатирәләр...
    4362
    2
    29
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда