Элвин Грейга сорау: “Радик, сиңа кем дип эндәшим икән – Радик дипме, Элвин дипме?” Җавап: “Бурундук дип дәш!”

Ниһаять, татар юморына яңа сулыш өрделәр! Бу тамашадан соң мин әнә шундый нәтиҗәгә килдем. Аерым юморист булып йөрүгә караганда, театр булып оешу күпкә отышлырак лабаса! Образлар төрлелеге белән дә, артистларның вакыйганы бербөтен булып тасвирлый алуы белән дә. 

Танылган татар юмористларының концертларына күп йөрергә туры килә. Кызганыч, күбесеннән канәгатьләнү хисе алмый кайтып китәм. Минем тамашаны тәнкыйть күзе белән каравымнан килә бу. “Рәвешләр” юмор театрының Казанда үткән концертларына да “һаман да шул ук бер балык башы булыр инде” дигән уй белән барган идем. Тик тамашаның беренче минутларыннан ук тәнкыйть күзлегемнең төшеп китүен үзем дә сизми калдым.  Эзләнсәң, заман белән бер адымнан барсаң, көләрлек әйбер күп икән татарда! Билдән түбән төшмичә, һаман да шул Салават белән Айдар Галимовка гына пародия ясамыйча да халыкны көлдерергә була икән.

 


Тамаша “Җонлы концерт” дип аталуы белән күпләрдә кызыксыну уятты. Нигә җонлы? Әбри Хәбриев моңа ике төрле аңлатма бирде. “Беренчедән, концертны яз көне, бөтен терлек җон койган вакытта куябыз. Икенчедән, үземнең дә чәчләрем коела башлады. Бөтенләй пеләш калудан куркып шулай атадык”, - ди ул. Уен-көлке белән, билгеле. Чын мәгънәсендә исә “җанлы концерт” дип әйтерлек әлеге тамашаның бер интерпретациясе бу!


“Рәвешләр” нәрсәдән көлде?


Әлбәттә, бүгенге көннән!!! Юк, сәхнәгә авыл исереге дә, чыр-чу килеп йөргән авыл апайлары да, оятсыз нәрсәләр турында сөйләгән клоуннар да чыкмады. Яшьләрнең көлү объекты башка – социаль челтәрләр, район башлыкларының үз җирлегендәге проблемаларны белмәве, ир белән хатын мөнәсәбәте, эчке эшләр органнарындагы вәзгыять, акчага корылган татар эстрадасы.

 


Әйтик, ай буе шәһәрдә торып кайткан бабай карчыгына “Инстаграм” һәм “ВКонтакте” серләрен төшендерә. Иреннәрне кабартып селфи ясарга өйрәтә. Бу өзектә хезмәт белән көн күреп яшәгән, мал-туарын бетерергә мәҗбүр булган авыл кешесенең дә әкренләп виртуаль дөньяга күчә баруы ассызыклана.


Район башлыгы иптәш Алдагановның җирле хастаханәгә эләгүе – шулай ук көнүзәк мәсьәлә. 15 ел буе төзекләндерү эшләре барган бинага эче авыртып килеп керә ул. Биредә аңа көлкеле “ярдәм” күрсәтелә.


Тамашаның пародияләр өлешен аерым әйтеп узарга кирәктер. Ул сәхнәдә моңарчы куелмаган образларның килеп чыгуы белән аерылып торды. Дөресен әйтергә кирәк, Салават, Җәвит һәм Зөлфия Шакировлар, Айдар Галимов, Бәширә Насыйрова, Нәфкать Нигүмәтуллиннарга ясалган пародияләр тәмам туйдырган иде инде. “Рәвешләр” башка җырчыларны да кәмитләп күрсәтеп булуын дәлилләде. Өзектә элекке җырчыларның онытыла баруы, аларга алмашка килгән яшь башкаручыларның эстрада дилбегәсен үз кулларына алуы тасвирлана. Асаф Вәлиев образына Филүс Каһиров, Фирдүс Тямаев, Радик Юльякшиннар капма-каршы куелды.





Пилмәннәрдән ким түгел!
“Уральские пельмени” шоу-тамашасыннан ким булмаган, үз тамашачысын яулый бара торган заманча коллектив дип атар идем мин “Рәвешләр”не.


Афәрин, егетләр! Казан тамашачысы алдында яхшы имтихан тоттыгыз! Бүген “Инстаграм” тамашадагы көлкеле өзекләр белән шыплап тулган. Тамашачының сезгә куйган “5”ле билгесе ул! Алга таба да шулай кыланыгыз, үз бинагызны булдыру теләгегез дә тормышка ашсын!

чыганак: http://intertat.ru/tt/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    11353
    5
    142
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    6974
    1
    92
  • 7953
    2
    53
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    8990
    1
    50
Реклама
Соңгы комментарийлар
  • 25 сентябрь 2020 - 01:53
    Без имени
    Мин Дэ нэкъ шулай 32 яшемдэ 2 кызым белэн ялгыз калдым,ирем бер хатын бн чыгып китте ,1 елдан кире кайтты, гафу итэ алмадым,шартлатып араны оздем.Ул хатыннан-хатынга йореп,45 яшьтэ асылынып улде,чыгып киткэн хатын 10 еллап, психбольницада яши.Э мин ,Аллага шокер ,ирлэр булдыра алмаган ирлэр эшен эшлэп,кызларымны устереп,эле Дэ исэн- сау эшлэп ятам.Хатын-кыз ялкау булмаса,беркайчан да югалмый,аларга АллахеТэгалэ безгэ коч бирэ.
    Бәясен белгән хатын-кыз көчле ул...
  • 25 сентябрь 2020 - 02:10
    Без имени
    Минем кияу Дэ нэкъ шулай качып-посып ,никах укытып,узенен классташы белэн 5 ел инде яшэп ята.10 еллык классташлар очрашуыннан сон айный алмады.Бик тырышып яшерсэ дэ,тэжрибэле кузгэ куренеп тора.Ул да шуннан сон дин юлына кереп китте.Имеш диндэ 4 хатын да рохсэт ителэ.Узлэре бугенге кондэ БИК рэхэт яшэсэлэр дэ,ата-ананын азгынлыгы очен балалар узлэренен авырулары,газаплы тормышлары ,улемнэре белэн жавап бирэ.Чонки рэнжу,куз яшьлэре узенэ тошмэсэ,балаларга тошэ.Хэр кеше шуны онытмасын Иде.Алар бит ойгэ кайтасы акчаны,гаилэнен зур ойлэр салып,иркен тормышта яшисе доходларын илтеп икенче хатынга бирэ.Гаилэдэ беркайчан да артык акча булмый.Ойдэге хатын белэн бергэлэп эшлэп,чит хатынны содержать итэлэр.2 нче хатын булып яшэргэ ризалык бируче хатыннар,акылыгызга килегез,ул ирлэрнен акчасы тозлы куз яшьле,рэнжешле акчалар,беркайчан сезгэ бэхет китермэячэк,авырлык,авырулар белэн корэшу очен тотылып бетэчэк.
    Бәясен белгән хатын-кыз көчле ул...
  • 23 сентябрь 2020 - 15:08
    Без имени
    👍👍👍
    ​ Адашкан шәүләләр
  • 23 сентябрь 2020 - 19:18
    Без имени
    Великовозрастный балаларны карарга жигелергэ кем кушты? Узегез гаепле бит!!!
    Ана рәнҗүе төшәргә дә мөмкин
  • 23 сентябрь 2020 - 15:25
    Без имени
    Шундый тәрбияви әсәрләр иҗат итүчеләр бик сирәк шул.Урының җәннәт түрләрендә булсын иде,Туфан абый
    Сиңа дигәне...
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...