Ирга: кемнәргә ашарга ярый, ә кемнәргә ярамый?

Бу көннәрдә ирга җимешенә дә тәм керде. Дөрес, аны без генә түгел, чыпчыклар да бик ярата: ирга куагына якынлашсаң, көтүләре белән очып китәләр. Әмма ирганың җимеше күп – ул безгә дә, кошларга да җитәр.
Ирга җыярга теләүчеләргә  иң беренче киңәш: юл кырыйларында, производство корылмалары булган җирдән бу җимешне беркайчан җыярга ярамый – ул үзенә токсиннарны һәм авыр металларны сеңдерү белән аерылып тора. 

Ирга кай ягы белән файдалы?
Аны төрле чирләрдән дәвалаганда да, профилактика максатында да еш кулланалар. Аның составында кеше организмына әйбәт тәэсир итә торган витаминнар һәм микроэлементлар күп.
Мәсәлән:
* фитостериннар (кан тамырларын ныгыталар);


*пектиннар (ашказаны-эчәк трактының эшен җайга салалар, аппетитны күтәрәләр, организмнан токсиннарны һәм канцерогеннарны чыгаралар);


* С витамины (инфекцияләр белән көрәшергә ярдәм итә, матдәләр алышынуын яхшырта, канда холестерин күләмен төшерә);


* Биофлавоноидлар (Р витамины) (канда шикәр күләмен нормада тота, тромблар барлыкка килүдән саклый, йөрәк эшчәнлеген яхшырта)
Р витамины азык-төлек составында бик сирәк очрый. Ирга исә – шундый сирәк җимешләрнең берсе. Аның кеше организмына файдасы шуның белән бәйле дә.


Ирга составында булган рибофлавин (В2 витамины) матдәләр алмашыну процессында турыдан-туры катнаша, май бизләренең эшен җайга сала, күзләрнең күрү сәләтен саклый. 

Халык медицинасында ирганың җимешен генә түгел, яфракларын, чәчәген һәм кабыгын да кулланалар. 

Ирга кай ягы белән зыянлы? 
Ирганың файдасы әйтеп бетергесез зур, әмма шул ук вакытта ул кеше организмына менә бу очракларда зыян да сала ала:  
* шикәр чире белән авырганда  (ирга углеводларга бик бай, шуңа күрә канда глюкоза күләмен кинәт арттырырга мөмкин);


    • май басканда  (ирганы күп ашау гәүдә авырлыгын тагын да арттырырга мөмкин);


    • түбән кан басымы белән интеккәндә (җимештәге кайбер компонетлар кан басымын төшерә);


    • тәнгә нәрсәләрдер чыгып интектергәндә (аллергиясе булган кешеләрдә ирга көчле реакция китереп чыгарырга мөмкин);


    • кан начар куерганда (ирга составына кергән матдәләр канны тагын да сыегайта);


    • эпилепсия белән авырганда (иргада күп күләмдә булган С витамины өянәкләр кузгатырга мөмкин) 


Кечкенә балаларга ирганы бик саклык белән генә бирергә кирәк: тәүлегенә 50 граммнан да күбрәк ашатырга ярамый – аллергия килеп чыгу ихтималы зур.


Ирганы сөт ризыклары белән бергә ашарга ярамый: ашкайнату системасы бозыла, эч күбәргә, китәргә мөмкин.


Ангина белән авырганда тамакны иргадан ясалган сок белән чайкау бик булыша.

 
Ирга – тынычландыру сәләтенә ия. Аннан ясалган чәйне, сокны күп эчү йокыны китерә, игътибарны киметә. Шуңа күрә ирга чәе белән артык мавыкмаска киңәш итәләр. 
Чәй ясау өчен ирганың яфракларын куллану әйбәтрәк. Бигрәк тә – яңа өзгән яфракларны. Булмаса, киптергәнен файдаланырга да була. 
Чәй болай ясала: берничә ирга яфрагы өстенә кайнар су коябыз һәм 15-20 минут төнәтәбез. 1 чәй кашыгы бал кушарга да мөмкин. 
Мондый чәйне йоклар алдыннан эчү әйбәтрәк: ул нерв системасын тынычландыра, йокыгыз күпкә яхшырак булачак. 

 

 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 8168
    4
    110
  • Яңа йорт Әлфия йокысыннан уянуга, янында яткан иренең чигә чәчләренә саклык белән генә кагылды да, аны уятудан куркып, иреннәре
    9788
    5
    72
  • Син мине гафу ит Экраннарга «Зөләйха күзләрен ача» фильмы чыккач, күпләр андагы кайнана образын кабул итә алмады. Татар карчыклары андый усал булмаган, дигән фикерләр дә ишетелде. Бүген язарга теләгән вакыйгам – геройларымның исемнәре үзгәртелсә дә, тормыштан алынган чын хәл. Арабызда Галимҗан Ибраһимовның Сабирасыдай («Татар хатыны ниләр күрми») усал кайнаналар әле дә бармы дигән сорауга җавап табарсыз сез анда.
    9505
    2
    62
  • Дәва Авылына кайтты. Авыл үзгәрмәгән, ул – үзгәргән. Хәтта исәнләшеп үткән авылдашлары да, танымыйча, артыннан карап калды. Нәфис гәүдәле, сара чәчле хатын ят иде аларга. Ә ул бер ел элек кенә дегет кебек кара чәчле, интегеп яшәгәне йөзенә чыккан Мәрсилә иде бит. Тик аның тормышындагы авырлыклар узды. Ак полосадан бара ул. Чәчен дә шуңа буятты...
    4990
    4
    51
  • 4302
    0
    38
Реклама
Соңгы комментарийлар
  • 6 август 2020 - 11:58
    Без имени
    Бик матур язгансыз Венера !Э чынлыкта бу булган хэл !Фэридэ ул чыннан да бик лаеклы ,хормэтле ,бик чибэр дэ унган да хатын -кыз !Исеме генэ узгэртелгэн .
    Күз яшьләрең булып мин тамам...
  • 6 август 2020 - 15:36
    Без имени
    Сабак алмаган бу хатын
    «Тасма теленә ышанып, аферистка 400 мең акча бирдем»
  • 6 август 2020 - 19:21
    Без имени
    Йозлэтэ чыгар ул аферисттан-узе генж тугел-7 буынына кадэр тошэр лэгьнэте!
    «Тасма теленә ышанып, аферистка 400 мең акча бирдем»
  • 6 август 2020 - 00:58
    Без имени
    Исән - сау Илдар! Тырыша- тырмаша Рузалиясе белән яшәп ята. Сәламәтлеге алга таба түгел, алай да бирешми. Һәр көнгә сөенеп, Аллага шөкер дип яшиләр. Юмористик хикәяләре һәрдаим "Татарстан яшьләре" битендә дөнья күрә. Биш китабы чыкты, алтынчысының табадан төшкәнен көтәләр.
    Мәхәббәт сурәте
  • 5 август 2020 - 20:19
    Без имени
    Ачыктан ачык ирегезгэ эйтегез, без кем сон сина дип. Нармальный хатын яшь баласы булган килененэ булышыр иде, сездэ узем эзерлэп идем дип. Юбилей бит диеп. Э малае аркылы эш йортмэс иде. Или узегез кайнана бн ачыктан ачык сойлэшегез. Акылы булса анлар. Э болай тавыш тын булмагач, сезгэ ошый дип уйлый. Ир кеше ойдэ нэрсэ бар нэрсэ югын белми ул. Тавыш чыга дип тэ курыкмагыз, бер чыгада бетэ ул. Э бала бн берни эйтмичэ, ачуыгвзны эчкэ йотып кайтып китеп, доресен эйтергэ кирэк. Алар ял итэсе килгэндер дип кенэ уйларга может.
    Көйсез кайнана хикмәтләре
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...