​Кунакка барабыз!

Сине кунакка чакырдылар
«Тагын кемнәр килә?» — дип сорама. Әйе, син ошатмаган кешеләр була ала анда. Зинһар, кунакта бу беленмәсен. Ул кеше белән исәнләшмәсәң, өй хуҗаларын хөрмәт итмисең булып чыга.

Швециядә
Кунакка чакырганнар икән, димәк, сине бик хөрмәт итәләр. Теләсә кемне өйгә чакырмыйлар.

Кытайда
Күчтәнәчкә балык алып килсәң, бик сөенәләр. Балык байлык китерә бит!

Австралиядә
Алекс: «Дуслар күңел ачарга дип, өйләренә чакырдылар. Башта мин шаккаттым — кайда монда тәмле ризыклы өстәл?! Әсәре дә юк! Аннары аларның чиратлары килде шаккатырга — мин үз-үземне сыйларга берни алып килмәгәнмен икән!»
Сөйләшеп куйыйк: кунакка соңга калу — итагатьсезлек (ярар инде, 15 минутка соңга калу рөхсәт ителә). Билгеләнгән сәгатьтән алда килү — тагын да зуррак әдәпсезлек: син килдең, ә хуҗалар әле өстәлләр куеп, ашларын кайгыртып йөри…

Бүләк мәсьәләсе
Хуҗаның туган көне түгел. Бүләк кирәк микән дип аптырыйсыңдыр. Булмаса да ярый, алай да, балаларга күчтәнәч яисә чәйгә берәр нәрсә алып барсаң, хуҗаларны сөендерерсең.

Япониядә
Бүләгеңне тапшырганда тыйнак бул, болайрак дисәң була: «Бәлки, сезгә ошамас та…», «Кечкенә генә булган бүләгемне кабул итсәгезче…» Эреп китәләр инде!
әлегә кайнар ризык ашыйсың килми икән, хуҗабикәгә: «Соңрак ашармын», — димә, ризыкны синең өчен генә җылытып йөрмәс бит инде, әйеме?
 
Кунакта
Япониядә
Дөгене таякчыклар белән ашыйсың икән, шуны онытма: таякчыкларны дөгегә кадап калдырырга ярамый — кешене соңгы юлга озатканда гына «аның өчен» әзерләнгән табакка таякчыкларны  шулай төртеп кую гадәте бар. Таякчыклар белән кешегә дә ишарәләмә!
Берләшкән Гарәп әмирлекләрендә Гадәттә, кул белән ашыйлар. Кунаклар килгәч, чәнечке-кашык та куялар.

Диетада булуың сөйләшү темасына әйләнмәсә дә бик хуп. әйтмә моның турында. Игътибар җәлеп итмичә генә кечерәк порция бирүләрен үтен. Теге яки бу ризыкны яратмавың турында да бөтен өстәлгә җиткерү кирәкми.

Кытайда 
Башта кунакларның иң өлкәненә иеләләр, аннары гына — башкаларына. Шундый ук чиратта чәй ясыйлар. Чәйнекнең борыны кунакларның берсенә дә карамаска тиеш! Әгәр дә карый икән, димәк, ху-җалар ул кешегә ышанмыйлар…

Көнчыгышта
Ризык хөрмәт ителә. Ризык китерелүгә өстәл артындагы сөйләшү әкренләп тына.
Берәр ризыкны мактасаң да була. Ничек әзерләнгәне белән кызыксыну — зур комплимент. әмма хуҗабикә бик теләп җавап бирмәсә, аптыратма, бу аның «үзенеке генә» итәсе килгән ризык булырга мөмкин.

Кытай һәм Кореяда
Ризык кисәкләрен идәнгә төшерү, соусны ялгыш күршеләреңә сиптерү, чапылдап ашау — нормада. өстәлдәге ашъяулык пычранып бетсә, пешекченең башы түбәгә тияр — әзерләгән ризыклары сиңа бик ошаган!!! (Япониядә үзеңне алай тота күрмә.)
Сине төшке аштан соң кофе эчәргә дәштеләр, ди. Онытма: хуҗаларның кичкә үз планнары булырга мөмкин. Кичке аш вакытына табарак, кайтам дип, талпынып кара. Аларга кушылу-ыңны тәкъдим итәләр икән, моны кабул итә аласың. 
Юк икән, саубуллашасың. үпкәли күрмә тагын, бары да дөрес: хәтереңдәме, сине кофега чакырдылар.

Голландиядә
Кунакка чакырганнар икән, димәк, сине бик якын күрәләр! Аден: «Мине дә шулай якын күрделәр — кофе эчәргә чакырдылар. Рәхәтләнеп сөйләшеп утырганда кичке ашка үз гаиләләре белән генә җыелачак-лары турында нәзакәтле итеп әйтеп куйдылар. Чыгып китәргә мәҗбүр булдым.  Мин шаккаттым, ә алар өчен бу бик гадәти икән…»

Берләшкән Гарәп Әмирлекләрендә
Диванда, кәнәфидә утырганда аяк табаныңны күрсәтә күрмә — дошманга әйләнерсең!
Син вазаны төшереп җибәрдең… Хуҗаларга акча тәкъдим итмә. Гафу үтен дә башка ваза алып бирәчәгеңне әйт. (Соңыннан вәгъдәңне онытма тагын!) Бозылган әйберне исә ремонтка дип ал. Хуҗаларның «юк-юк!» диюләренә карама.

Төркиядә
Чәй эчәргә тәкъдим итәләр икән, дөрестән дә, чәй алып килерләр. Кечкенә генә чынаякта. Кайвакытта янында печенье дә булыр-га мөмкин. «Миңа ачык чәй», — дип әйтмәсәң, куп-куе чәй эчәрсең. (Берсен эчеп бетергәч, олы хөрмәт йөзеннән, тагын берне алып килерләр.)
Телевизорга ябышма: кунак икәнсең, аралашырга кирәк. әгәр дә инде бик кызык тапшыру көтелсә, моның турында бер тапкыр гына әйтеп кара, хуҗаларда бу кызыксыну тудырмаса, әлеге тапшыру турында оныт. Карарга ризалашкан очракта, башкалар кызыксынып караганда, тапшыруның сине ялыктыруы турында чаң сугу урынсыз…
 
Куна калу
Куна калу планнары белән дусларыңа килү ярый торган эш түгел. (Дустың  бик якын булып, ул сиңа ахирәткәчә андый рөхсәт биреп куйган булса гына ярый.) Башка шәһәрдәге танышларыңның өенә куну уе белән килгәнсең икән, ул мәсьәләне шунда ук сөйләшеп хәл итегез.

Грузиядә
Кунакларны бик яраталар. Элек төнлә берәр авыл аша узып барганда, теләсә кайсы ишекне кагарга мөмкин булган. Хәзер алай ук түгел…
Гомумән, алдан шылтыратмыйча, рөхсәт алмыйча, кешенең өенә килергә ярамый. Алай да, бик мөһим эш чыгып, килүең турында әйтә алмагансың икән, кыс-ка итеп кенә гафу үтен, сүзеңне дә кыска тот. Тагын бер тапкыр гафу үтен дә кит. (Хуҗаларның елмаюларына алданма — алар нишләсен инде?) өстәл янына чакыруны кабул итмә — ризык өйдәгеләргә генә әзерләнгән булуы мөмкин.

Китүнең дә рәте бар
Кинәт кенә бик мөһим эшең бар икәнен искә төшердең, ди. Хуҗалар белән саубуллашканда китүеңнең сәбәбен аңлат. (Башта сөйләш, аннары гына киен!) Кунаклар бик күп булса, хуҗалар белән генә хушлашырга да ярый. Бу «инглизчә китү» була!

Англиядә
Саубуллашмыйча гына юк булу — «французча китү» дип атала.

Бөекбритания, АКШ, Италия, Франциядә
Кунакка барып кайтканнан соң, тагын бер тапкыр рәхмәт сүзләре әйтер өчен хуҗаларга шылтыраталар.
Соңгысы бик матур гадәт бит — үзебезгә дә кертәбезме?

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7085
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4432
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2898
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9538
    6
    35
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4615
    0
    34
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда