Петунияләр өчен тылсымлы препарат

Петунияләр көзгә кадәр чәчәк атарга сәләтле булсалар да, җәй урталарыннан алар «пеләшләнә» башлый, ботаклары озынаеп, чәчәкләре сирәкләнә. Аларны чын мәгънәсендә чәчәккә күмүнең бер сере бар. Бәясе 20 генә сум булган бу тылсымлы препаратны барыгыз да белә. 

20 сумлык ул тылсымлы препарат – бор кислотасы. Бор үсемлекләрнең чәчәк бөреләре барлыкка килүне стимуллаштыра. 
Үсемлеккә бор җитмәгәнен ачыклавы кыен. Бор кытлыгы аркасында аның чәчәк атуы, җимеш бирүе тоткарлана. Петунияләргә дә кагыла ул. Беренче билгеләр инде июнь урталарында ук күренә башлый. Петунияләрнең чәчәк бөреләре азрак ярала, ботаклар шәрәләнә. 

Бу проблеманы чишүе бик тиз. Моның өчен үсемлекне әледән-әле бор кислотасы белән ашлап тору да җитә. Борның суда эретелгән сыекчасын яфракларга да сиптерәләр, туфракны да ашлыйлар. 

Бор сыекчасын ничек дөрес әзерләргә? 
Бор кислотасы 10 граммлы пакетларда сатыла. Каптагы язуга игътибар итегез, борның концентрациясе 98 процент булсын. Сатуда 10–17 процентлылары да була. 

Бор кислотасы салкын суда эреми. Иң элек аны ярты литр кайнар суда эретергә кирәк. Үсемлекләргә сипкәндә 10 литр суга әлеге сыеклыкның 100 миллилитрын гына кушып кулланасы. Ә артып калганын җәй буена файдаланырга була.  
10 литр ашлама чәчәкләргә генә сибү өчен күп дисәгез, помидор, кыяр, борыч, җиләккә дә сибә аласыз. Бор алар өчен дә бик кирәкле микроэлемент. 

Тагын бер сер
Петунияләрнең чәчәк бөреләре азаеп, яфракларының төсе китсә, бу – хлороз. 
Мондый халәт күбесенчә кашпода, вазонда үскән петунияләрдә күзәтелә. Үсемлекләргә сибелә торган суда кальций тозлары күп, бу исә савытлардагы туфракны селтеләндерә. Андый туфрактан тамырлар файдалы микроэлементларны үзләштерә алмый.

Нишләргә? Бу очракта да арзанлы гына бер ысул ярдәмгә килә. Ул – лимон согы. 1 литр суга 10 тамчы лимон согы тамызып, чүлмәктәге 1 литр туфракка 50 мл күләмендә сибелә. Кашпо 10 литрлы булса, 500 мл сыеклык кирәк. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1906
    26
    209
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5747
    2
    81
Реклама
Соңгы комментарийлар
  • 19 октябрь 2021 - 19:01
    Без имени
    Бу бит кеше тугел, бу кешедэн ничек кирэк шулай котылырга кирэк. Бу бит русча эйтсэк "Урод"
    Мәхәббәттән нәфрәткә бер адым икән
  • 19 октябрь 2021 - 15:22
    Без имени
    Аңлый балалар күбрәк булсын иде,сирәктер шул.Кайберләре ата кыланганны эшли шул.
    «Кагыласы булма әнигә!»
  • 19 октябрь 2021 - 11:37
    Без имени
    Рәхмәт,бик яхшы хикәя
    ​ Ястык
  • 20 октябрь 2021 - 07:38
    Без имени
    Менэ шул инде ул,гонахларын очен бу доньяда ук жэзасын алу,балан да,гаилэн дэ юк.Картлыгында берузен каласын.Бу зина кылу дип атала,Раббым,узен сакла балаларыбызны,оныкларыбызны шундый гонахтан!!!
    Көтеп яшәү
  • 20 октябрь 2021 - 08:42
    Без имени
    Аллааа, бигрэк эчтэлекле хикэя
    ​ Ястык
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан