Кишерне кайчан алырга? 

Чөгендер белән кишерне гадәттә бер үк вакытта алалар. Ләкин кишернең иртә өлгерешле сортлары һәм көздән утыртып калдырганын бик соңга калдырмыйча алырга кирәк. Өлгергән кишерне туфракта тотуның файдасы юк, ә зыяны бар – аның үзәге агачлана, кишер ярыла, аннары шул урыннан чери башлый. Кишернең өлгерүен кайдан белергәме? 

Иң төгәл билгесе – утырткан көннән алып бүгенгәчә ничә көн узганын исәпләп чыгару.  Һәр сортның үз өлгерү вакыты бар. Иртә өлгерешле сортлар 3 айда инде казып алырлык була. Ләкин алар кыш көне яхшы сакланмый. Уртача өлгерешле сортлар өчен исә үсеп туярга 100–110 көн вакыт кирәк. Май башында утырткан булсагыз, кишернең уртача өлгерешле сортларын август ахыры – сентябрь башыннан да калдырмыйча алырга кирәк инде. 

Икенче билгесе – кишернең яфрагы. Өлгергән кишернең яфрагы саргая, корый башлый. Әгәр дә ул әле ямь-яшел килеш утыра, корыган сабаклары юк икән – димәк, кишер өлгереп җитмәгән. Шулай да яфракларының тәмам саргаеп беткәнен көтәргә кирәкми, югыйсә кишер картая. Картайган кишер баллы, сусыл булмый. 

Өченче билгесе – кишернең зурлыгы. Моның өчен берничә кишерне йолкып карарга кирәк. Әгәр дә ул инде үз сортына хас зурлыкта үскән, вак кына ак тамырчалар җитбәрә башлаган икән, димәк, казып алырга вакыт. 

Халыкта кишерне кырау төшкәч кенә казырга кирәк дигән дә фикер яши. Имеш, кырау төшкәч, ул тагын да баллырак, тәмлерәк була. Ләкин кыш саклау өчен кишерне салкын кыраулар төшкәнче казып алырга кирәк, өсте туңып киткән кишер озак сакланмый, чери башлый. 

Кишерне казып алып, берәр сәгать түтәлендә килеш киптерәләр. Аннары сабакларын төбеннән үк кисеп, караңгы, салкынча урынга салалар. Казып алынган кишерне кояшта озак тотарга ярамый, ул бик тиз шиңә. Сабагын кисүне дә озакка сузмагыз, ул да кишернең дымын үзенә суыра. Кышка дигән кишерне юмыйлар, юмаган килеш ул яхшырак саклана. 

Ә менә кишерне саклау ысуллары хакында кабат бер язарбыз әле. 
 Иң популяр сортларның өлгерү вакыты:
«Витаминная» – 75–100;
«Лосиноостровская» – 80–90;
«Нантская» – 90–120;
«Шантане» – 90–130
«Королева осени» – 117–130 көн.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    7858
    1
    100
  • 8482
    2
    56
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9499
    1
    54
Реклама
Соңгы комментарийлар
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...