Дини үзаң мәктәптән, гаиләдән башланырга тиеш

Гаилә кыйммәтләре, иман ныклыгы, сәламәт күңел – болар хакында бүген “Татмедиа” агентлыгында узган очрашуда сөйләштеләр. “Татар-информ” уздырган "Татарстанда халыкның дини үзбилгеләнүе" дигән темага матбугат очрашуы вакытында явыз көчләр тарафыннан оештырылган секталар эшчәнлеге, вахаббитларның чын йөзе, балаларга мәктәп бусагасыннан ук дини тәрбия орлыкларын җиткерү мәсьәләләре хакында Татарстанның дин әһелләре, галим-социологлар фикер алышты.

"Казан төбәкара экспертизалар үзәге" автоном-коммерцияле булмаган оешманың башкаручы директоры Вадим Козлов, фәлсәфә фәннәре докторы, КФУның дин белеме кафедрасы мөдире Лариса Астахова, Татарстан мөфтиенең беренче урынбасары Рөстәм Батыров, Казан епархиясенең миссионер бүлеге рәисе, протоиерей Сергий Титов күпмилләтле, күпдинле Татарстанның дини асылына басым ясадылар.

Соңгы дистә елда бездә дини үзбилгелүнүгә игътибар артты. Гәрчә, ХХI гасырда яңа, башка кыйммәтләр өстен алыр шикелле иде, әмма дини үзаң кискен көчәеп китүе күзәтелә. 2015 елгы социаль тикшеренү нәтиҗәләре күрсәткәнчә, республикада 80 процент кешенең үз динен яратуы, аны якын итүе расланды. Татарларның, мәсәлән, 80 проценты үзен этник мөселман дип атый, ә русларның 79 процентының үз дин йолаларына хөрмәт белән каравы ачыкланды.

Сүз дә юк, хәзерге шартларда дини тәгълиматны явыз максатларда кулланырга тырышучылар да күзәтелә. Татарстан Диния нәзарәте вәкиле Рөстәм Батыров андыйларның күп очракта исламннан, гомумән, дини кыйммәтләрдән бөтенләй ерак торуларын белдерә. “Россия – ул бер зур дәүләт кенә түгел, Россия – циливизация. Без - төрле дин вәкилләре бер түбә астында юкка гына җыелмаган... Традицион булмаган дин тарафдарлары асыл динебезне үзенең яман максатларында кулланмасын дисәк, дини үзаң, белемне арттырырга кирәк. Рухи кыйммәтләрне барлау, кешелек тарихында тупланып килгән мирасыбызны саклау - ул безнең төп максатыбыз булып кала бирә”, - диде Рөстәм хәзрәт Батыров.

Казан епархиясенең миссионер бүлеге рәисе, протоиерей Сергий Титов исә: “Иманыбызны саклауда нәкъ менә гаилә кыйммәтләре хәлиткеч роль уйный. Без берләшкән очракта гына көчле. Әзерлекле, иманы нык булган яшьләр тәрбияләүне мәктәптән үк башларга кирәк. Дөрес мәгълүматны вакытында җиткереп тору мәслихәт”, - дип саный. Ул, шулай ук, югары уку йортларында да дини белем бирү мәсьәләләрен хәл итәргә чакырды.

сылтама: http://intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гафу итә алмыйм сине, әни! – Апа, әни акылдан шашкан! Көзнең яңгырлы салкын бер көне иде ул. Мәктәптән туңып кайтып кына кердем, каршыма башлангыч сыйныфта укучы сеңлем Айзилә йөгереп килеп чыкты да, колагыма әнә шулай дип пышылдады.
    13227
    3
    171
  • Әллә?! Завод капкасы төбендә сезне бер карчык көтә дигән хәбәрне ишетүгә, Фәрһадның йөрәге чәнчеп алды, зиһене чуалды, күз аллары караңгыланды.
    10910
    2
    115
  • Үкенечле үткәннәр... Якшәмбе булса да, иртәдән телефон шалтырады. Башкаларның иртәнге йокысы бүленмәсен дип, атлас халатын тәненә элеп кенә җибәрде дә, телефонын алып балконга йөгерде. Телефонның теге ягында карлыккан ир кеше тавышы ишетелде:
    8108
    2
    87
  • Балагызны үзем карап торам! - 1 Кызлары туганнан бирле Аида белән Тимурның иртәсе гел бертөрле башлана хәзер. Тимур иң беренче булып уяна да, нәни кызы белән төне буе бала караваты яныннан китмәгән хатынын уятмаска тырышып, аш бүлмәсенә чыга. Иртәнге ашны ашагач, кереп битләреннән генә пәп итеп ала да эшкә китә.  Подъез ишегеннән чыгуга телефоны пипылдаганына да ияләште ир. Ул беренче  катка төшеп җиткәнче, хатыныннан уңышлы көннәр теләп смс килеп җитә. Ә ул телефонын алып «Рәхмәт!» яза. Бүгенге иртә дә нәкъ шулай башланды.
    3584
    7
    74
  • Гафу итә алмыйм сине, әни! 2 Шулай да ул ЗАГСка килгән иде. Без машинадан төшүгә яныма килде. – Син ... монда? – гаҗәпләнүемне яшерергә дә теләмәдем.
    4121
    2
    63
Реклама
Реклама
Соңгы комментарийлар
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...