Блоги
Юлъязма. Дүртенче көн.
8 июль, һәм без Норвегиядә!
Финляндия белән Швеция табигате бер-берсенекенә охшаш булса, Норвегиядә ул башкачарак икән.
8 июль, һәм без Норвегиядә!
Финляндия белән Швеция табигате бер-берсенекенә охшаш булса, Норвегиядә ул башкачарак икән. Төп сәбәпчесе – кыялар! Һәм, әлбәттә, фьордлар! Хәер, алар турында бераз соңрак.
Норвегиягә керү белән үк үзеңне әкият дөньясына эләккәндәй хис итәсең. Бөтен җир матур! Бирегә без Нарвик шәһәре ягыннан килдек. Билгеле, бу – төньяк. Әмма һава җылырак. Хәтта бүген, ниһаять, кояшлы күкне күрү насыйп булды. Ә һаваның җылылыгы диңгездәге җылы агым – гольфстрим белән бәйле.
Норвегиядәге беренче тукталышыбыз – Лонгея утравына урнашкан Мюре исемле балыкчылар шәһәрчеге. Зур шәһәрләрдә дә, кечерәкләрендә дә халыкның тормышы бертигез дәрәҗәдә җитеш, яхшы. Биредә халык табигатькә зыян салмый, киресенчә, аның белән гармониядә яши.
Безне биредә пенсионер Торнберн абый гаиләсе кунак итә. Үзе – норвегияле, хатыны – филиппинлы. Күп еллар дәвамында килгән кунакларны, укучы балаларны, безнең кебек сәяхәтчеләрне үзләрендә кабул итә алар. Без аларны couchsurfiring аша таптык. Озаклап сөйләшеп утырдык. «Кешеләр белән аралашу офыкларны киңәйтә, ул безнең байлыгыбыз. Синең шәхси милкеңне урлап та китәргә мөмкиннәр, әмма бу байлыкны беркем урлап китә алмаячак», – дип сөйләде ул безгә. Аллага шөкер, юлда кемнәр генә очрамый! Шунысы белән кызыклы да инде мондый сәяхәтләр!
Йокларга ятар алдыннан безгә «Good night» дип теләделәр. Көпә-көндезмени – урамда яп-якты! «Хәерле төн!» бераз сәеррәк тә яңгырый әле.
«Кышкы чорда 2 ай дөм-караңгы була. Әмма без моңа күнектек. Йолдызларга карыйсың, Төньяк балкышны күрәсең. Уйландыра торган мизгелләр бу. Үзеңнең зур бер галәмдә никадәр кечкенә икәнеңне аңлыйсың», – дип, Торнберн абый фәлсәфи фикерләре белән уртаклаша.
Һава салкынча, 12 градус чамасы гына. Әмма тирә-як яшеллеккә чумган.
Калганнарын алдагы көннәрдә сөйләрбез. Күрәсе, беләсе әйберләр күп булыр дип уйлыйм.
-
Күңелеңә җыйма
Баккан ана...
Тапкан ана – ана түгел, баккан – ана...
-
Күңелеңә җыйма
Уйнаштан туган 8
Авылларда атасыз бала табучылар сирәк кенә булса да, очраштыра.
-
Дин
«Аллаһы Тәгалә ризалыгы өчен...»
«Мөхәммәдия» мәдрәсәсе остазы Ландыш ханым ИБРАҺИМОВА үзенең беренче тоткан уразасының кызыклы тарихы белән бүлеште, шулай ук ураза тотучыларга файдалы киңәшләр дә бирде.
-
Проза
Розалар кемгә тиеш?
«Мин сине кичке сәгать җиденче яртыда «Яз» кафесында көтәм. Икәүдән-икәү генә сөйләшәсе сүз бар! Роза чәчәкләрен онытма! Яратып, мин». Төшке аштан килүенә эш өстәлендә конверт эченә салып калдырылган хатны Вахит кат-кат укыды. Шаярту дисәң, беренче апрель инде үтеп китте. Чынлап дисәң, тагын аптыраган. «Син» дип кенә эндәшкән бит әле. Биш ел инде урынбасар булып эшләгәч, ничектер мәзәгрәк булып китте. «Вахит Гомәр улы», «сез» дигәнгә күнегелеп беткәнгәме? Аннан килеп, әлегә кадәр, гәрчә оешманың күп кенә хатын-кызларының аңа карата битараф түгеллеген сизенсә дә, тирәнгә керерлек сәбәп биргәне булмады.
-
Проза
Өянкеләр сере
Илсаф килеп төшкәндә, мәйдан ару гына кызып бара иде.
Комментарий юк