«Иреңне берәүгә дә бирмә!»

Гөлнур Сафиуллина

Корбан гаете көнне алдым мин бу хәбәрне. Еракта яшәүче бер танышым ватсаптан сөйләп җибәрде аны миңа. Күрешүләребез берничә тапкыр гына булса да, без аның белән телефоннан еш аралашабыз: бер-берсен аңлаган җаннар ничектер шулай табыша бит ул...


Ул миннән өлкәнрәк, бу тормышта бик күпне күргән. Югалтулары да байтак. Шуңа күрә аның киңәшләрен, тормыш тәҗрибәсен һәрвакыт рәхәтләнеп тыңлыйм, күңелемә салып куярга тырышам. 
Бу көнне әлеге темага нигә кереп киткәнен аңламый да калдым. Бәйрәм көннәрендә ялгызлар үзләрен тагын да ялгызрак хис итә диләр бит. Бәлки шул сәбәп булгандыр... Бәлки ниндидер бер очрак бөтен хатирәләрен кузгаткандыр... Белмим... Әмма аның миңа сөйләгәннәрен, үзеннән рөхсәт алып, сезгә дә ишеттерәсем килә. 
Салып куегыз күңелегезгә. Буй җитеп килгән кызларыгызга да укыгыз – иң кирәк мизгелдә, бәлки, исләренә төшәр. Һәм дөрес карарга килергә булышыр! 

– Гөлнур, синең Аллага шөкер, гаиләң бар, ирең. Балаларыгызны бергә тигезлектә үстерәсез. Әмма тормышта төрле хәлләр булырга мөмкин... Тик нинди генә хәл булса да, ирегез белән ике арада нинди генә аңлашылмаучанлык чыкса да, зинһар өчен, сакла гаиләңне. Теләсәң нәрсә эшлә, әмма кичер. Дөньяда кичерми торган бернәрсә дә юк! Аны кичерерлек сәбәпне барыбер эзләп тап. Бирмә беркемгә дә үзеңнең хәләлеңне!.. Арагызда нәрсә генә булса да! Бәлки сезнеке булмастыр да... Әмма ир белән хатын арасында башка төрле аңлашылмаучанлыклар да гел чыгып тора бит. Зинһар, акыллы булып кала бел. Менә мин заманында үзем чыгарып җибәрдем. Тәкәбберлегемне җиңә алмадым... «Булды, җитте, кит!» – дидем. Эчемнән шайтан сөйләттемени?! Тып-тыныч итеп басып тордым, үзем эчтән уйлыйм: «Мин әйтәмме соң бу сүзләрне?» – дим. Ул да шулай диде: «Син, чынлап та, шулай уйлыйсыңмы? Син хәзер ялгышмыйсыңмы?» – дип сорады. Ирләр без әйткәнне турыдан кабул итә бит алар. Минеке дә шулай аңлады. Мин юкта өйдән әйберләрен җыеп чыгып китте... 
Шуннан соң минем интеккәннәрем... Аларны сөйләп кенә бетереп булмый. Менә бүгенге көнгә кадәр үкенгәннәрем... Бер дигән ирне үз кулларым белән башкага бирдем. Хыянәтне кичерә алмыйм дип. Азгын, булдыксыз, җүнсез марҗа хатынына тоттырдым... Менә бакча төзеп ятам. Барысын үзем ташыйм. Тегесен эшлим, монысын... Печән чапкан булам. Нидер утыртам. Анысына тотынам, монысына... Ул янымда булса болай азапланыр идемме? Монысы бер ягы гына әле... Мин бит өч баламны ятим калдырдым ул вакытта. Ярый идемени миңа бу адымга барырга?! Алар бит, чыннан да, ул чакта ятим калган. Мин шуны да аңламаганмын... Хәзер әнә: «Әнием, син генә бит гаепле без әтисез калганга», – диләр. Ун елдан соң әтиләре белән яңадан аралаша башладылар. Күрсәң ничек сөйләшкәннәрен: әтием дә әтием... Ике сүзнең берендә! Ә алар ун ел буе аның белән теш арасыннан гына аралаштылар. Мине борчырга теләмәделәр... Үзләре әни булгач та кызларыма әти шундый кирәк булган икән бит! Алар аны ничек юксынганнарын, кирәксенгәннәрен хәзер генә аңлыйм... 
Ул чакта миңа акыл бирүче булмады. Хәтта психиатр да: «Кит, бөтенләйгә кит», – дип әйтергә кушты. Ә икенче бер табиб, психиатрия бүлеге мөдире: «А что, тебе жалко что ли?! С другими тоже надо делиться, милочка!» – диде. Чәчен сап-сарыга буяган марҗа хатыны иде ул. Мин алар өйрәткәнне эшләдем, алар әйткәнне кабатладым... Берәр акыллы кеше юлыма очрамады шул. Шушындый ирне башка кешегә бирергә ярамый, түз, сабыр бул димәде... 
Ул вакытта хәзерге акылым булсамы?!.. Иремнең хыянәтен бик авыр кабул иттем. Күз алдына да китереп булмый торган коточкыч әйбер итеп. Дөньям җимерелде... Әле дә исемдә. Өйдә үземә урын тапмыйча, урамнарга чыгып китә идем. Яз. Кояш... Һәм мин барам. Дөньяның иң бәхетсез бәндәсе. Илереп-илереп эчтән кычкырам: «Ничек соң кояш шулай яктырта ала, минем хәлем шундый авыр бит, – дим. – Ничек кошлар сайрый? Ничек инде бу дөнья шуның кадәр матур була ала?» Ә кайчакта төнлә йоклый алмагач, балконга чыгам да җаным авыртуга түзә алмыйча кычкырам. Шундый авыр көннәр кичердем... Мин ул чакта үлеп терелдем. Беркемгә дә теләмим андый әйберләрне. Үзем дә тилмердем, балаларны да тилмерттем. Мин интеккәне күреп: «Әтине беркайчан гафу итмибез», – диделәр... Ә алар аны шундый яраталар иде. Әйткәнемчә, моны аңлар хәлдә түгел идем шул. Психиатриягә эләктем, үлгәннән калдым... Мине антидепрессантлар белән тутырдылар... 
Әллә нинди исерек, булдыксыз ирләргә дә ябышып яталар. Ул бит нинди генә булса да, балаларыңның әтисе. Миңа да кичерергә, онытырга кирәк булган. Диндә әниеңне үтергән кешене дә өч көннән соң гафу итәргә кирәк дигән сүз бар. Ә мин җүләрлек ясадым... 
Кемдер сынауларны лаеклы гына уза, икенчеләр сына, эчә, йөри башлый. Кызганыч... Күпме хатыннар шулай әрәм була. Менә дигән хатыннар... Минем дә шулай эчтән әрнеп, интегеп, үкенеп яшәгәнне бик сирәкләр белә. 
Матур парларны күргәндә эчтә ниндидер бер дулкын күтәрелә. Көнләшү дә түгел ул, белмим, нәрсәдер... Ирем хәрби кеше иде. Хәрби шәһәрчектә торганда, балалар белән урамга йөререргә чыккач, гел бер парны күзтә идем. Кузнецовлар иде алар. Ире озын, ябык кына, ә хатыны кечкенә, юантык апа. Гел җитәкләшеп йөрерләр иде шулар. Хәзер дә күз алдымда... Без дә алар кебек картайсак иде дия идем. Насыйп итмәде... Моңа үземне генә гаеплим... Башкалар минем ялгышны эшләмәсен иде... 

 

Поделиться:
Комментарийлар (20)
Cимвол калды:
  • 25 ноябрь 2022 - 00:24
    Без имени
    Ғәфү итергә булыр ине, әгәр ҙә ирегеҙ ғәфү һораһа, бик үкенһә,башҡа ҡабатланмаясаҡ тип һүҙ бирһә, ант итһә. Алдығыҙҙа торҙомо тубыҡланып, баш эйеп. Юҡ. Юҡ бит!!! Ул ғүмер буйы йөрөр ине, һеҙ ғүмер буйы яфаланыр инегеҙ, әле һеҙ бер ауырып алғанһыҙҙа һауыҡҡанһығыҙ, ә ирегеҙ менән йәшәһәгеҙ сәләмәтлегегеҙ ҡаҡшар ине, йөрәк ауырыулы булып ҡалыр инегеҙ. Балаларығыҙ әтиһеҙ, әммә тыныслыҡта үҫкән. Көн һайын талашлы- ыҙғышлы өйҙә йәшәү тамуҡҡа тиң булыр ине барығыҙ өсөн дә. Был осраҡта ғаиләне һаҡлап ҡалыу дөрөҫ булмаҫ ине.
  • 24 ноябрь 2022 - 13:01
    Без имени
    Ирегез чыгып кит дигэн сузне котеп кенэ торган инде, анын чыгып китергэ дигэн уе куптэн булган, сез тизлэткэнсез генэ. Всё равно китер иде, икенче жае чыгар иде. Сез, узем куып чыгардым диеп узегезне гаеплэп яшисез. Ирегезгэ шулай жайлы булган балалар алдында да.
  • 24 ноябрь 2022 - 11:41
    Без имени
    Мин балаларым алдында нык гаеплемен шундый атай белән үскәннәренә. Аерылышу элек оят иде.
  • 24 ноябрь 2022 - 09:46
    Без имени
    Хыянәтне бернәрсә белән дә аклап булмый. 40 ел үтте хыянәтенә, менә кичә булган кебек кенә. Йөрәктән китми. Кабат бәрепләр үтерәсе килә. Сез ханым, ялгыз калгансыз хәзер, шуңа кичерәсе калган, дип уйлыйсыз. Ләкин кире кайтара торган хәл түгел бит инде. Гел уйлап тагын психушкага китәсез бит. Вакытыгыз күп мени шулай?
  • 24 ноябрь 2022 - 01:13
    Без имени
    Корьэннен кай жирендэ ул ананны утергэн кешене кичер дигэн аят. Язасыз инде,суз югында суз булсын.
  • 19 май 2021 - 14:54
    Без имени
    Эгэр, ир дип атасан,ул ана лаеклы тугел,Аллахе Тэгалэ ирлек достоинствосын биргэн икэн,ул кыз баланын бэхетен урлап,бутэн маржалар,сояркэлэр белэн син пешергэн ризыкны ашап,син юган киемне киеп чыгып китеп,шулар белэн лэззэтлэнеп кайта икэн,син ойдэ анын очен кем? ХЕЗМЭТЧЕ,КОЛ,АСРАУ!!!Кияугэ чыгып,яратылып яшэмэгэч,сине кешегэ санамагач,сине шакшы аяклары белэн таптагач,ир дип эйтеп буламы моны?Шул шакшыны юган урын-жирендэ йоклаткач,телэсэ нинди шакшы ялап кайткан падальщикны ничек яратырга,ничек гафу итэргэ кирэк?Ул маржага да риза булып яшэмэгэндер,икесе ике якта йореп ятканнардыр.Бернинди дэ кичеру булырга тиеш тугел,акылыгызга килегез,хатыннар,энэ балалар усеп житэ дэ,чыгып китэ,алар да кайтып карамый,чонки ул азгын падальщик очен асрау,кол булып яшэгэн,балалары да аны кол итеп кенэ саный.Уз башларына тошеп житкэч кенэ ислэренэ тошэ.
  • 19 май 2021 - 10:09
    Без имени
    Минем дә әтием күп эчте, сугышты, көнләште. Нигә торасың, әни, дип әйтүебезгә, мин әти дип әйтергә тилмереп яшәдем, сезне дә ятим итәсем килми, дип ж,авап бирде.(Әтисе сугышта үлгән). Тагын бер мисал, таныш апам сөйләде. Аның ире эчкәнгә, хатыннар белән күп чуалганга, аерылам, дип, башка танышына әйткән. "Ярар, аерыл. Бер хатын юындырыр, киендерер, култыклап урамда йөрер, ризамы шуңа", дип әйткәч , аерылмадым , диде таныш апам
  • 5 март 2021 - 13:55
    Без имени
    йоремсэк ирлэр. дэ. йоремсэк. хатыннар да. мэнге. гафу. итэ алмаслык. кешелэр. алар. кеше. дип. атап. булса
  • 5 март 2021 - 08:21
    Без имени
    Эш узгач укенудэн файда юк. 3 балагызны ятим итеп, этисез устереп ялгышкансыз билгеле. Гафу итэргэ кирэк иде. Мин гафу иттем. Хэм укенмим. Горурлык , дигэннэн. Мин аптырыйм, яратып кияугэ чыккач, ник кирэк артык горур булырга. Кыз кешегэ генэ килешэ горурлыкны саклап йору. Гаилэ коргач беренче урында "гаилэм" булырга тиеш.
  • 4 март 2021 - 21:40
    Без имени
    Укенеп уз узeнне бетермаска булган сезга, мин уземнен тормыштан чыгып эйтам, мин яшь вакытта ирнен изменаларын кичереп килдем,яра инде,балалар бар,бала хакы дип, шунда УК сезнен кебек кутареп сугарга булган, олыгайгач пенсияга чыккач барыбер чыгып китте ,сезнен ипташегез кебек эйберларен жыеп,азгын кеше барыбер азгын була,курасен, хазер инде минда Бер узем яшап ятам, сезда шул кадар кайгырмагыз ,узегезне бетермагез,балаларыгыз исан булсын
  • 4 март 2021 - 21:12
    Без имени
    Ничек балаларынны иреннэн азрак яраттынмы эллэ? Ир хыянэт итте яки ташлап китте дип, балалар турында уйламыйча ,узенне генэ кызганып, улэргэ житеп,балаларны борчып ягэргэ ярвймы.Аллага шокер итеп,исэн саулар дип яшэргэ иде.Бу узенне генэ ярату, ирне дэ, балаларны да тугел.
  • 4 март 2021 - 18:12
    Без имени
    Бу хатын кеше киңәшеннән чыгып ирен җибәрүен ялгышлык саный. Инде үзе башка берәүгә киңәш бирә. Бәлки, аның киңәшен тоткан кеше дә соңрак үкенер, кем белә. Ничек кемнедер, шулай ит, болай ит, дип өйрәтеп була соң ул?! Һәркемнең үз тормышы, үз язмышы. Аннары, башыңнан көлгән кеше белән яшәү яшәүме соң?! Ялгыз калгансың икән, ялгызлыкны һичшиксез бәхетсезлек итеп кабул итәргә дигәнмени?
  • 4 март 2021 - 11:13
    Без имени
    Ко то барыбер китәчәк иде Сездән . Иртәме, соңмы бу хәл булачак иде. Мин 35 ел гаиләмне саклап калу өчен чын мәгънәсендә көрәштем. Ул йөри торды, мин кичерә тордым. 35 елдан соң баоыбер аерылыштык, ул китмәде, мине куды. 53 яшемдә Бомж булып калдым. Фатирым да , өем дә юк . Югалмадым. Аллага шөкер , фатир алдым, дөрес бурычларым куп әле, саулыгым бар өч эштә эшлим , тулим Алла теләсә . Кешегә бирмим диеп бикләп куялмыйсың бит, алар җаен таба. Бурене буреккә салсаң да урманга кача. Куршегә “бирдем" көрәк-сәнәк биреп торалар бит, шуның шикеллерәк килеп чыкты ??‍♀️Пока курше куллана, сынгач или куршенең эше беткәч кире китереп ташлар әле. Балаларым бар, оныкларым бар Аллага шөкер . Мине хөрмәт итәләр , но аларга комачаулвп яшисем килми, узем кайнана-кайната белән яшәдем, алар улгәч кирәгем калмады. Кайнатам бик мәрхәмәтле кеше иде , кайнанам да әйбәт булды , урыннары җәннәттә булсын.
  • 4 март 2021 - 11:12
    Без имени
    Гомер буе йорде бер ир... Картаеп кабергэ барыр вакыт життеп урын остенэ калгач кына туктады, но хатыныда китмэде.. Узе дэ чыгып китмэде.. Ике тормышны алып барды... Курэчэклэр итмэ.. Кургэннэргэ куркэм сабырлык бир аллам.... Бик бик газаплы хэллэр ул аллам сакласын...
  • 4 март 2021 - 10:09
    Без имени
    Бик кызык язма. Ботенлэй икенче торле фикер йортучелэр дэ бар. Гомер буе интегеп яшэп, сэлэмэтлеклэре беткэч " ник яшь чакта аерылмадым икэн " диючелэр дэ. Балалар да "нигэ безне тилмереп яшэрттен бу эти белэн" диючелэр дэ бар. Хэр очракта кеше узе генэ хэл итэ ала. Кеше сузенэ карап тугел. Аерылган вакытта "тукта алай эшлэмэ" дигэн кешелэргэ упкэлэр йореп иде.Аллахы Тэгалэ ни язган шуны курэбез. Синен язмышына язылган икэн Бер кая китэ алмыйсын.
  • 4 март 2021 - 08:26
    Без имени
    Ник вакытында аерылмадым дип гомер буе зар елап, психушка юлында уздырыр идең гомерңне. Үзеңне аяк астына салып таптаган ир белән ничек гомерңне үткәрер идең. " Хатын качмый ул" дип гомер буе өстеңнән йөрер иде.
  • 28 сентябрь 2020 - 09:42
    Без имени
    Бер йөрөгән ир һәр ваҡыт йөрөй кәкерене ҡәбер генә төҙәтә,ул ғүмер буйына йөроәсәк үҙеңде камһетеп ниңә ул ир менән йәшәргә
  • 28 сентябрь 2020 - 08:29
    Без имени
    Бу очракта, хатын кызга тормыш иту авыр булган, укенеч шуннан гына кебек. Хыянэт бит ул, бер булган икэн, гел кабатланып торачак. Андый очракта изелеп яшэудэн мэгьнэ юк. Ышаныч беткэч тэ яшэу бик авыр, ике арада шул маржа тора кебек. Ирнен эйткэн бер сузенэ дэ ышанып булмый. Димэк аралашудан мэгьнэ юк.
  • 15 сентябрь 2020 - 22:45
    Без имени
    Бу апа, минемчэ, бик дорес эйтми. Узенэ ниндидер хыял уйлап чыгарган да, шунын белэн яши кебек. Була кайвакыт: кеше узенэ булмаганны идеаль итеп курэ. Имеш, эгэр ире белэн бергэ калса, бэхетле булыр иде. Э бит ире ана тагын ничеклэр хыянэт итэр иде, алдагы тормышы ничек булыр иде - билгесез. Буш хыял бу, узен нахакка гаеплэу...
  • 10 сентябрь 2020 - 21:47
    Без имени
    Язма бик кызыклы. Куплэрнен игътибарын жэлеп итэ. Актуаль тема кутэрелгэн. Лэкин элеге ханымнын фикере белэн тулысынча килешэ алмыйм. Татар хатын-кызларын гомер буе баш иеп, ир-атны Аллага санап яшэргэ ойрэтэлэр. Бу дорес тугел. Бала хакына диеп тэ, хыянэт иткэн ирдэн аерылмау, хэм ин куркынычы узенне гаепле санау, дорес тугел. Мондый гаилэдэ ускэн бала психик яктан дорес булмый. Узе дэ дорес гаилэ кора алмый интегэ. Шуна курэ, чын йорэктэн кычкырып дэшэсем килэ: Татар хатын-кызы! Горурлык, узенне ярату ише эйберлэрне искэ тошерергэ вакыт. Сез узегезнен кадерегезне белергэ тиеш. Ир, бала, алар икенче планда. Бэхетле хатын-кыз булган ойдэ, тынычлык, соенеч булачак. Хыянэтне кичерергэ ярамый. Берничек тэ ир-атны бу эше очен яклап чыгарга да ярамый. Шуны анласалар иде...
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    15543
    1
    85
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5920
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5707
    3
    48
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    7918
    0
    35
Реклама
Соңгы комментарийлар
  • 2 февраль 2023 - 13:13
    Без имени
    Бәлки бала табып карарғалыр. Иптәшең бәпесте күреп үзгәрер ине. Сабыр итергә кәрәк. Эсеп, Тукмап йөрөгән ир түгел бит.
    «Бала теләмәгән ирдән качарга кирәк!»
  • 1 февраль 2023 - 17:08
    Без имени
    Бик күркәм хәситә. Ясалышы гади генә булса да, отышлы күренә. Идея өчен авторга зур рәхмәт.
    ​Милли бизәкләр – хәситә
  • 31 гыйнвар 2023 - 16:29
    Без имени
    Дөрес эшләгәннәр, дип язучыга җавап бирәсе килә. Аларны яратмаган кешегә өйләнергә, кияүгә чыгарга кем мәҗбүр иткән? Яратмыйча яшәгәч, нигә шул гомер яшәгәннәр? Нигә баштарак аерылмаганнар? Бу очракта азгынлык бу! Әгәр алар бер-берсе бн очрашканчы мәхәббәтсез яшәү авыр, дип аерылган булсалар, аңлап булыр иде. Ә бу очракта хыянәт бу! Димәк, азгынлык!
     «Мин аны  сыйныфташлар очрашуыннан алып кайттым...» 
  • 31 гыйнвар 2023 - 13:57
    Без имени
    Хыянэт итмэгэн ирлэр бар микэн ул? Мин иремэ шулай дип эйткэч, э ирлэр кемнэр белэн хыянэт итэ сон хатыннарына,хатын-кыз белэн тугелме диде. Монда ирлэрне генэ дэ гаеплэп булмыйдыр, муеннарына асылынгач, постельгэ сойрэп яткыргач, нишлэсен инде алар? Ир-ат табигатьтэ нэсел калдыручы, самец бит инде ул. Э хатын-кыз тотнаклырак булса, хыянэтлэр дэ булмас иде. Уз ирлэре белэн яши алмаган, азып-тузып йоруче хатын-кызлар( хатын-кыз димэсэн, хэтерлэре калыр) этэрэ ир-атларны хыянэткэ. Ойлэнгэн ир икэнен белэ торып, анын белэн очрашып йору бернинди кысаларга да сыймый.
    «Йөремсәк» хатын
  • 31 гыйнвар 2023 - 18:16
    Без имени
    Аллаһ Тәгалә сынауларның ин олысын биргэн,димэк ин яраткан колларыннандыр...Куркэм сабырлык белэн уткэреп жибэрергэ насыйп булсын.Мэрхэмэтле,шэфкатьле иманлы кеше тап итсен.Ялгызлыкка караганда,янэшэндэ яхшы кеше торса,авырлыкны жинэргэ жинелрэк булыр.Балаларның уз юлы. Аллаһ хэерле юлын узе курсэтер ин ша Аллаһ.
    Киләбез дә китеп югалабыз...