Мең дә бер чирдән дәва

Кешелек тарихында һәр нәрсә вакытлар узу белән яңадан кабатлана. Тарихи вакыйгалар гына түгел, әби-бабаларыбыз кулланган дәвалау ысуллары да күпмедер онытылып тора да, кабат халыкка кайта. Шундый дәвалау чараларының берсе — сөлек салу. Медицина телендә аны гирудотерапия дип йөртәләр. Сөлекләр турында берни белмәүчеләр генә аны кеше канын эчә дип уйлый. Чынлыкта исә бу алай түгел. Гирудотерапия белән дәвалану хакында халык табибы Алмаз Зарипов белән сөйләшәбез.
? Халык телендә, сөлек кешенең пычрак канын эчә, дигән сүз йөри. Сөлекнең селәгәе дәвалау үзенчәлегенә ия дип ишеткәнем бар. Моның кайсысы дөрес?
Сөлекләрне «тере барометр» дип йөртәләр. Тәҗрибә туплаган саен, аларның кеше энергетикасына да, кәефенә дә сизгер икәнен тоя башладым. Шундый акыллы җан иясе ничек итеп пычрак канны эчсен ди?! Дөрестән дә, аның селәгәендә кеше организмындагы авыруларны дәвалауга сәләтле 120 дән артык фермент матдәләре бар. Сөлекнең дәвалау сәләте шуннан гыйбарәт.
? Сез дәвалау өчен нинди сөлекләр кулланасыз, аларны кайдан аласыз?
– Сөлек салу ата-бабаларыбыз заманында киң кулланылган дәвалау чарасы иде. Хәзер ул ысуллар кире кайта. Казанда да сөлек салдыручылар арта бара.
Сөлекләрне табу хәзер чишелмәслек мәсьәлә түгел. Даруханәләрдән дә сатып алырга мөмкин. Аларны махсус биофабрикаларда үрчетәләр. Дөрес, шылтыратып тәкъдим итүчеләр дә шактый. Әмма андыйлардан алмаска тырышам, минем өчен сыйфат беренче урында. Бер кулланган сөлекләрне сырага яки тозлы суга салып торсаң, алар суырган канны кире чыгара. Алдап акча эшләүчеләр шундый сөлек тә сатарга мөмкин.
Даруханәләрдә сөлекне табиб язуыннан башка гына да алырга була. Әмма белгеч белән киңәшләшмичә эшләү аяныч нәтиҗәләргә дә китерүе бар.
? Сөлек ярдәмендә нинди авыруларны дәвалап була?
– Сөлек ярдәмендә дәвалану бик ерак гасырларга барып тоташа. Әйтик, Мисыр патшабикәсе Клеопатра, Юлий Цезарьга кияүгә чыккач, озак вакытлар балага уза алмый интегә. Кулланмаган чарасы, бармаган табибы калмый. Шуннан соң Клеопатрага берничә сеанс сөлек салалар. Патшабикә балага уза… Бу – бер генә мисал.
Чибәр күренергә теләгән кызлар колак артларына сөлек салдырган. Битләре алсуланып киткән. Урта гасырларда бирән чирен сөлек ярдәмендә дәвалаулары билгеле.
Хәзерге заманда сөлек ярдәмендә дәваларга мөмкин булган авырулар исемлеге бик озын. Йөрәк-кан тамырлары авырулары, ревматизм, ашказаны системасы белән бәйле авырулар, урология, тире авырулары... Йөрәк, кан әйләнеше системасына ярдәме әйтеп бетергесез зур.
? Ә нинди авыруларны дәваларга алынмыйсыз? Гомумән, сөлек салдыру кемнәргә медицина тарафыннан тыела?
– Яман шеш белән авыручыларны дәваларга алынмыйм, аларга сөлек салдыру килешмәскә мөмкин.
Авырлы хатын-кызларга, каны начар оешучыларга сөлек салу тыела. Кайбер кешенең организмы сөлеккә «каршы килергә» мөмкин.
? Сөлек салдырырга килгән кешегә аерым таләпләр куясызмы?
– Әйткәнемчә, сөлекләр бик сизгер. Канда ятрак нәрсә булса, шундук сизәләр. Әйтик, сөлек салдырыр алдыннан бер тәүлек чамасы кофе, спиртлы эчемлекләр-дән тыелып тору кирәк. Сөлекләр аерым исләрне дә яратмый.
Хушбуй сибенмәскә, төрле кремнар кулланмаска, исле гельләр белән юынмаска киңәш ителә.
Ашау, туклану мәсьәләсенә килгәндә, ризык аксымга бай булырга тиеш. Сөлек салдырыр алдыннан шикәрләп чәй эчү зарур.
? Сөлек салганнан соң, кешенең хәле үзгәрергә, начарланырга мөмкинме?
– Берсендә миңа бер ханым шылтырата. «Башка гомеремдә дә сөлек салдырмыйм, ул миңа инфекция кертте», – ди. Мин аннан тәфсилләп тәнендә нинди билгеләр булуын сорадым. Сөлек салганнан соң кычыту, шешү, температура күтәрелү, кызару еш күзәтелә.
Бу ханымда да шундый билгеләр иде. Тик ике-өч көндә аларның барысы да юкка чыга.
? Эчке органнарга массаж ясау һәм чүлмәк салу белән дә шөгыльләнәсез икән.
– Эчке органнарга массаж ясау элек тә булган. Аның ярдәмендә даруларсыз гына күп авыруларны җиңәргә мөмкин. Корсак тирәсенә ясалган массаж, мисал өчен, шул ноктадагы авыруларны гына дәваламый, ә күкрәк, аяк, баш, кул һәм аяклардагы кан әйләнешен дә яхшырта. Әйләнә-тирә мохит көннән-көн начарлана бара. Бу, әлбәттә, кешеләрнең сәламәтлегендә дә чагыла. Һава килеп җитмәү, файдалы матдәләрнең аз булуы күзәнәкләрнең үлүенә яки үз-үзләрен «агулауга» китерә. Шул сәбәпле, кан йөреше начарланырга, организмда матдәләр алмашы бозылырга мөмкин. Кан начар йөрү үзе үк организмның дөрес эшләмәвен күрсәтә. Массаж ясагач, лимфа кисәкчекләре һәм кан тәнчекләре тизрәк хәрәкәтләнә башлый. Шулай ук «эч төшү» кебек авырудан да эчке органнарга массаж ясау ярдәмендә котылып була.
? Ә чүлмәк салу хакында ни әйтә аласыз?
– Ул шулай ук «эч төшкәндә» бик нык булыша, эчнең зурлыгын киметергә дә ярдәм итә. Мисал өчен, бер сеансым 20-25 минут дәвам итә – шул вакыт эчендә 1,5-2 сантиметрга киметергә мөмкин.
Бу – ябыгыр өчен менә дигән ысул.
фото: http://pixabay.com
Татар хатын-кызлары өчен кызыклы язмаларны Сөембикә Telegram-каналында укыгыз
-
«Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
-
Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа.
-
Алсу тәрәзә Хикәя
-
Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
-
Сабырлык чиге 2 Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
-
7 февраль 2023 - 06:25Без имениКарыйсы килэ башлады инде. Бу эсэрне укыганым бар иде.Бала бишеге тибрәнүендә – чиркәү чаңы
-
3 февраль 2023 - 09:19Без имениРушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!Үләнче
-
4 февраль 2023 - 13:37Без имениГомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшикСабырлык чиге 5
-
3 февраль 2023 - 09:42Без имениИе ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде«Йөремсәк» хатын
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.