​ Кышны яхшы кәеф белән каршылау серләре

Кыш – салкын тию һәм вируслар чоры. Монна кала, якты көннең кыскаруы, витаминнар җитмәү дә иммунитетка тәэсир итми калмый. Сәламәтлекне саклау өчен организмны салкыннарга алдан ук әзерләргә кирәк. Моның өчен гадәтләнгән тормыш рәвешен бераз гына үзгәртәсе.  


Рационга аксым һәм майлар кертегез 

Салкын тиюдән бик күптөрле ысуллар белән сакланып була. Тик ул безнең тәлинкәдән башланырга тиеш. Табиб-диетологлар салкын вакытларда аксым һәм майларны җитәрлек күләмдә  ашарга киңәш итә. Иммунитетны ныгыту өчен һәр көнне 1 аш кашыгы җитен мае һәм 2 капсула балык мае кабул итегез. Ак майдан баш тартмагыз. Олы кеше өчен аны көнгә 10-15 г ашау зарур. Көн саен ярты килограммга якын яшелчә ашау файдалы. Ул – витаминнар һәм микроэлементлар хәзинәсе. Ак-яшел төстәге яшелчәләргә өстенлек бирегез. Аларны томалап пешереп ашау отышлырак. Салкын вакытларда чөгендер, кабак, помидор, шалкан ашау файдалы.  

Диеталар хакында онытып торыгыз 

Салкыннарга кергәч, организм авыр һәм баллы ризык таләп итә башлый Бу нормаль күренеш. Безгә энергия кирәк, ә аларны организм без ашаган ризыктан ала. Табиблар кыш көне катгый диеталарда утырырга киңәш итми. Салкын диетик салатлар артык авырлыкны киметер дә, тик иммунитетны гына күтәрә алмас. Бу теләсә ничек ашый башларга мөмкин дигән сүз түгел. Һәрнәрсәнең чамасы булырга тиеш.  

Спорт белән шөгыльләнегез 

Галимнәр тарафыннан күптән расланган: актив тормыш рәвеше сәламәтлекне ныгыта. Әгәр сез тренажерлар яки спортзалда шөгыльләнергә яратмыйсыз икән, йоклар алдыннан саф һавада йөреп керү гадәте булдырыгыз. Офиста һәм көне буе утырып эшләүчеләр өчен бу бигрәк тә файдалы.  

 Көн яктысын озынайтыгыз 

 Көз-кыш вакытларында яктылык җитмәү серотонин гормонын эшләп чыгаруны киметә. Нәтиҗәдә, апатия башлана, һәрвакыт йокы килә.  Иртәнге 6.00–10.00 сәгать арасында урамда  йөреп керү мөһим. Ул сезне депрессиядән коткарыр. Иртән иртүк урамга чыгасыгыз килми икән, тәрәзә каршына басып, кояш чыкканы булса да күзәтеп торыгыз.  Кояш энергиясен күбрәк алырга тырышыгыз. 

 Тирә-ягыгызны ачык төсләргә баетыгыз 

 Көз төсләре – кызыл, кызылсары, алтын төсләр. Кызылсары хәл калмаганда булыша дип исәпләнә, кызыл эшкә тотынырга ярдәм итә, сары төс кәефне күтәрә. Әлеге төсләрне көнкүреш тормышыгызга кушыгыз. Кызыл шарф, төрле төстәге хризантема гөлләмәре, эштә төрле төстәге папкалар – кәефне күтәрә, депрессиядән дә саклый.  

Аромалампа яндырыгыз 

 Ароматерапия салкын тиюдән, күңел төшенкелегеннән саклый. Шуңа күрә эфир майлары кышны ныклы иммунитет һәм яхшы кәеф белән каршыларга теләүчеләрнең тугры дуслары. Көз-кыш айлары өчен цитрус, эвкалипт, ылыслы агачлар, лаванда, бөтнек майлары файдалы. Аромалампага һәрберсеннән 3-4 тамчы тамызыгыз. Һәр иртә 1-2 тамчы бөтнек, эвкалипт майлары белән ингаляция эшләү – томан төшүдән менә дигән профилактика.  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 22 сентябрь 2021 - 22:45
    Без имени
    Оятсыз йэштэр! Иномарка, ял итеу хэзэр проблема тугел. Хаман Ата инэ елкэхендэ йэшэргэ оят бит хезгэ. Узегез генэ елкэ кимереу етмэйме ни, тыумаган балагызга урын Таба алмай ятахыгыз
    Тумаган килеш балама урын юк
  • 23 сентябрь 2021 - 06:38
    Без имени
    Башка кешегез булгач, ник хатыныгыз белән дә йокладыгыз соң? Баланы җил ясамагандыр бит?
    Авырлы хатынны ташлап китү – ир эшеме?
  • 23 сентябрь 2021 - 09:47
    Без имени
    Молодец,көрашче.Бу бәхет күпләргә эләкми.Бәхет телим сезгә һәм сәламәтлек.
    Синең мәхәббәтең коткарды
  • 21 сентябрь 2021 - 20:37
    Без имени
    Гаиленен нигезенде ярату хем хермет булса гаиле бехетле була, ЭХМЕТ абый Фэния алдада Аллахы фатихалап торсын гаилегезне бэхетле булыгыз.
    Әхәт белән Әхмәт
  • 21 сентябрь 2021 - 18:35
    Без имени
    ...телсез калдым. Көтеп алынган оныкка урын юк ((( Хәлегездән килә бит, үзегезгә фатир алыгыз.Арендага акча түләгәнче, ипотекага түлибез, ди, хәзер яшьләр.
    Тумаган килеш балама урын юк
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан