2017 ел могҗизалары: кайсы артистның күрәзәчелек сәләте ачылган, кем кредитын япкан, кемнең улы туган?

Бу дөньяда һәркайсыбыз һич уйламаганда истәлекле вакыйгалар, чын могҗизаларга тарый. Күптәнге хыяллар мизгел эчендә тормышка ашса, сабый баладай сөенәсең! Менә эстрада артистлары да 2017 елда тормышларында булган могҗизалары турында Интертатка сөйләде.

Алсу Фазлыева: “Быел бер сәләтем ачылды. Әллә ул еллар үткәч өстәләме икән? Берәр нәрсә турында уйлап куям икән, шул мәсьәлә буенча шундук берәрсе шалтырата. Көннән-көн шаккатам, ничек шулай булырга мөмкин? Ул кешенең шалтыратасын сизәмме икән әллә? Көн дә шулай. Әллә күрәзәчелек сәләтем ачыла башладымы икән? Могҗиза бит!”



ИлГәрәй: “Минем өчен быел иң зур могҗиза – дүрт ел элек алган машинамның кредитын яптым! Хәзер мин әҗәтсез, кредитсыз яшим, Аллага шөкер! Тагын бер елы бар иде, Яңа елга кадәр капларга, 2018 елга чиста күңел белән керергә булдым. 2013 елда Volkswagen Jetta алган идем. Ул хәзер 1,3 млн. сум тора, ә мин 914 меңгә алдым. Акча җитмәгәч, 300 мең сумны кредитка алырга туры килде. Өч елга дип сораган идем, автосалонда эшләүче кызлар дөрес аңламау сәбәпле, кредитны биш елга бирделәр. Моның аркасында хәтта әйткәләшеп тә алдык”.



Зәйнәб Фәрхетдинова: “Бу тормыш – үзе бер могҗиза. Көн дә нәрсә булса да килеп чыгып тора. Быел мөһим вакыйга булды: “Язмыш сукмаклары” исемле газетам чыга башлады. Ул иҗат кешеләре һәм моңа кадәр беркая да язылмаган кызыклы язмышлар турында. Интернет заманасы дисәк тә, газета белән кызыксынучылар, теләп алучылар күп. Дөресен генә әйткәндә, газета чыгару турында күптәннән хыяллана идем. Ятып калганчы, атып кал, диләр. Минемчә, теләк булганда, эшләргә була!”



Әнвәр Нургалиев: “Могҗизалар күп булды. Быел беренче тапкыр Казанда 3 концерт бирдем. Бу минем хыялда гына иде. Хәтерлим, Уникста “Татарча солянка” вакытында “үз концертымны куярга иде ул”, дип буш залда хыялланып басып тордым. Мин бүгенге көнем белән бик канәгать! Уфада булсам да, Татарстанны сагынам. Татарстан халкы белән минем арада туган мәхәббәт - минем өчен менә шул могҗиза!”



Чулпан Йосыпова: “Чит илләрдә булу, матур җирләрне күрү – могҗиза булды. Быел Төркиянең Измир һәм Денезли шәһәрләрендә, Ташкентта, Астанада булдым. Астанага күп тапкыр барганым булды, ә башкаларына юк. Анда барысы да үзгә, аерыла. Икенче дөньяга эләккән кебек”.



Филүс Каһиров: “Быел тормышымда шатлыклы вакыйга булды – икенче улыбыз туды. Ул 16 мартта дөньяга килде. Аңа Рөстәм дип исем куштык. Минем өчен иң зур могҗиза шул!”



Айгөл Рәхимова: “Бик күп могҗизалар булды. Уйламаганда-көтмәгәндә Европага чакырдылар. Берлин шәһәрендә бик танылган һәм талантлы артистлар белән концерт куйдык. Икенчедән, минем иң зур хыялым чынга ашты – миңа беренче “Алтын барс”ым тапшырылды. ТМТВ премиясен алдым”. 



Эльмира Гыйлфанова: "3 апрель көнне сөйгәнем Рафил кияүгә чыгарга тәкъдим ясады. 15 июльдә гөрләтеп туй иттек! Бу - тормышымдагы иң зур могҗиза!"



чыганак: Интертат

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8930
    10
    104
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9014
    8
    73
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4726
    4
    55
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    5971
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан