Йә дөньяны үзгәртәм мин бүген...

Бүген Казан федераль университетының Лев Толстой исемендәге Филология һәм мәдәниятара багланышлар институтында – бәйрәм! Халыкара туган телләр көне уңаеннан зур чара оештырганнар. Студентлар, ишектән үк кунакларны каршылап, Актлар залына озата. Язучылар, журналистлар, тел галимнәре, укытучылар, туган телне сөючеләр килгән. Туган тел бәйрәменең беренче өлешендә без Казан федераль университеты һәм Татарстан Республикасы Язучылар берлеге арасында хезмәттәшлек турында Килешүне имзалау тантанасының шаһитлары булдык. КФУ ректоры Илшат Рәфкать улы Гафуров университетның милли кадрлар, иҗат кешеләре, туган тел сагында торучыларны укытып чыгаруына басым ясап, аны зыялыларыбызны әзерләүче бишек дип атады. 90 процент язучылар – безнең университетның татар теле һәм әдәбияты бүлеген тәмамлаган дип ассызыклады. Татарстан Язучылар берлеге рәисе Данил Хәбибрахман улы Салихов шулай ук университет адресына җылы сүзләр җиткерде, киләчәктә бергәләп эшләү буенча яңа проектлар әзерләнүен әйтте. Документка кул куйганнан соң, чараның икенче өлеше башланды. Ул Татарстанның халык язучысы, Г. Тукай исемендәге дәүләт премиясе лауреаты, Татарстан Республикасы Дәүләт Советы депутаты, язучы, шагыйрь, драматург, күренекле җәмәгать эшлеклесе Разил Вәлиевнең 70 еллык юбилеена багышланган әдәби-музыкаль кичә булып дәвам итте. КФУ ректоры Илшат Гафуров Разил Исмәгыйль улының университетта узган юбилеен тикмәгә генә Туган тел бәйрәмендә үткәрелүнең символик мәгънәгә ия булуына да ачыклык кертте: «Разил Вәлиев – республикабызда туган тел өчен җан атып йөргән олы йөрәкле мөхтәрәм зат ул», – диде. Татарстан Дәүләт Советы Рәисе урынбасары Римма Ратникова, тел галиме Фоат Галимуллин, халык шагыйре Рәдиф Гаташларның котлау чыгышында Разил Вәлиев кеше буларак та, иҗатчы буларак та, дәүләткүләм зур вәкаләтләр үтәүче сәясәтче буларак та ачылды. «Ул туган авылы Ташлыкныкы гына да, туган төбәге Түбән Каманыкы гына да, Татарстанныкы гына да түгел, Разил Вәлиев бөтен Рәсәйнеке ул!» – диделәр. Татарстан Дәүләт Советының Мәгариф, мәдәният һәм милли мәсьәләләр Комитеты җитәкчесе булуы үзе генә дә күп нәрсә сөйли. «Ул Дәүләт Советының иң кайнар комитетында эшли!» – диделәр.
Кичә шагыйрьнең ялкынлы шигырьләре, романтика тулы лирикасы, халыкчан да, заманча да, патриотик та җырлары белән үрелеп барды. «Таң җыры», «Мин бит синсез торалмам», «Зинһар өчен, кермә төшләремә!», «Бәхетем башкаласы», «Сабантуй»лар җанны иркәләде.
«Йә дөньяны үзгәртәм мин бүген,
Йә булмаса үзем үзгәрәм!»
Шагыйрьнең артист Артем Пискунов укыган әлеге шигырь юллары студентлар кичәсенең лейтмотивы кебек яңгырады. Яшьлеккә хас максимализм белән сугарылган юллар үзеңә ышаныч, зур эшләргә алынырга, җиңәргә омтылыш бирде.
Кичә шагыйрьнең ялкынлы шигырьләре, романтика тулы лирикасы, халыкчан да, заманча да, патриотик та җырлары белән үрелеп барды. «Таң җыры», «Мин бит синсез торалмам», «Зинһар өчен, кермә төшләремә!», «Бәхетем башкаласы», «Сабантуй»лар җанны иркәләде.
«Йә дөньяны үзгәртәм мин бүген,
Йә булмаса үзем үзгәрәм!»
Шагыйрьнең артист Артем Пискунов укыган әлеге шигырь юллары студентлар кичәсенең лейтмотивы кебек яңгырады. Яшьлеккә хас максимализм белән сугарылган юллар үзеңә ышаныч, зур эшләргә алынырга, җиңәргә омтылыш бирде.
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
-
Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
-
Салават Илсөянең гомерен коткарып калган Җырчы Илсөя Бәдретдинова Салаватка: «Минем гомеремне коткарып калучым», – ди. Болай әйтүенең сәбәбе белән кызыксындык.
-
Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
Соңгы комментарийлар
-
25 февраль 2021 - 18:08Без имениУрыска кияъгщ чыкмаган инде ул , чыкса . ьщллщп тормас иде . Щнисе хат язган бит , алып кайтма авылга диеп . Димщк , рус егетенщ чыкмыйча , икенче берщъгщ , яратмаган кешесенщ чыккан кияъгщ дщ . Яратмаган кешесе булгач . улында яратмый инде , оныгында . Щ язылышы , чыннан да , килделе - киттеле . икенче тцрлерщк . матур итеп язарга була иде .Язмыш җиле
-
25 февраль 2021 - 05:31Без имениБик матур язылган. Нэжибэ апа шул. Э карт бик кызганыч. Ник балалары шулай михербансыз булган?!. Анлашылмый. Кузгэ яшьлэр килдеее.Тукталыш
-
24 февраль 2021 - 11:48Без имениХэзер шарлатаннар куп, элек настоящийлар булган«Фәрештәләр төшемдә дога өйрәтте»
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.