Укучылар белән – Суык Полюсына яки Су астыннан ниләр күренә

 

Казанның 165 нче мәктәбе укучылары Рус география җәмгыяте тикшеренүчеләре белән бергә Суык Полюсына «юнәлделәр».

Инглиз телен тирәнтен өйрәтүче әлеге мәктәптә ачылган фотокүргәзмә поляр киңлекләр темасына багышланганга, шулай дип әйтү һич тә дөреслеккә хилафлык булмастыр. Сәфәрләренең монысында А.А. Леонов исемендәге Рус география җәмгыятенең су асты фәни-тикшеренү отрядыннан Татарстан аквалангистлары ике тапкыр дөнья рекорды куйды, биологлар өчен бик кыйммәт булган фәнни материал җыйды, үзебездә җитештерелгән оборудованиене сынады, поляр киңлекләрдә – Арктика һәм Антарктидада су астына тирән чумлау методикасын төзүгә нигез булдырды. Суык Полюсы районындагы күлгә кадәр экспедиция әгъзаларын КамАЗ автомобильләре илтте. Татарстанда җитештерелгән йөк машиналары һәм аларның пилотлары өчен экстремаль түбән температура шартларында хәрәкәт итү авыр сынау булса да, алар авыр һәм озын юлны исән-сау кичеп, кире әйләнеп кайта алдылар.

Экспедиция барышында тикшеренүчеләргә нинди сынаулар кичергә туры килгәнне, Суык Полюсында кемнәрне очратырга мөмкин булуы һәм авыр шартларда ничек исән калу серләрен иҗади очрашу барышында 165 нче мәктәп укучыларына проектның авторы, Рус география җәмгыяте әгъзасы, биш экспедициядә катнашкан Антон Райхштат сөйләде.

«Безнең отряд хисабында алты дөнья рекорды. Поляр тел белән әйткәндә, бу әле айсбергның очы гына. Болар – булдыклылыкны күрсәтү өчен эшләнмәде, ә яңалык ачу һәм адәм баласының мөмкинлекләрен билгеләү өчен эшләнде.

Әле беренче экспедициягә җыенганда ук, бу мөмкин хәл түгел, дигәннәр иде. Ә без мөмкин булуын расладык һәм хәзер моны ничек тормышка ашырасын да беләбез. Сезгә кадәр инде барысын да ачканнар һәм без яшәгән дәвер географик ачышлар дәвере түгел, диләр икән, ышанмагыз. Һәм хыялланудан курыкмагыз! – диде ул, укучылар алдында ясаган чыгышында.

Бүген без тагын бер кызыклы проектны – Рус география җәмгыятенең экспедицияләре турында фотокүргәзмә һәм экспедициядә катнашучылар белән очрашулар циклын башлап җибәрәбез, бу белем бирүнең яңа бер формасына әвереләчәк, – диде 165 нче мәктәп директоры Айдар Шәмсетдинов. Әлеге мәктәп полилингваль үзәкнең нигезе булып тора. Күргәзмә дә белем бирү оешмасы таләпләренә туры китереп әзерләнде. Беренче тапкыр әлеге проект полилингваль булды – текстлар Казан Федераль Университетының Халыкара мөнәсәбәтләр институты һәм «Сөембикә» журналы редакциясе хезмәткәрләре тарафыннан өч телгә: рус, татар һәм инглиз телләренә тәрҗемә ителде. Күргәзмә мәктәп бинасында ике ай дәвамында эшләячәк, аннары аны А.А. Леонов исемендәге Рус география җәмгыяте су асты фәни-тикшеренү отрядының Антарктидага экспедициясе турындагы экспозиция алмаштырачак.

Автор турында: Антон Райхштат, журналист, фотодокументалист, алты экспедициядә катнашучы, Рус Географиясе җәмгыяте әгъзасы, Социология фәннәре кандидаты, Казан университеты доценты.


Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Шушы ук темага
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    9712
    4
    124
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    5601
    1
    76
  • 6566
    2
    45
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    7864
    1
    44
Реклама
Соңгы комментарийлар
  • 17 сентябрь 2020 - 09:00
    Без имени
    БИК шэп кинэшлэр.Истэ калдырырга кирэк эле.
    Әни кешенең өйләнгән улына киңәшләре
  • 17 сентябрь 2020 - 08:52
    Без имени
    Сонгы арада уйлый башладым, бу донья шундый куркыныч була башлады, ул супермаркетларда охранникларга бирелэ бит узлэре янында йортэ торган кнопкалар, полиция чакырта торган. Менэ шуны нигэ балаларга, гомумэн ботен кешегэдэ эшлэп чыгармыйлар? Куркыныч сизугэ, басасын кнопкага и якын тирэдэге полиция килеп алып китсенгэ. Баланы урамга алып чыгарга да куркырсын биллэхи. Бер яклау юк.
    ​Мәхәббәт «уеннары»
  • 17 сентябрь 2020 - 09:36
    Без имени
    Беренче чиратта гаилэ балалар булу Зур бэхет шулар дип яшисен
    Гаиләме, карьерамы? 
  • 17 сентябрь 2020 - 14:56
    Без имени
    Вот сантый килен.Югары ьелеме була Тороп, торорга урыны бар, бук чистартырга кайткан.Ирен икенче урынга Кучермасалар, улганче шунда кимсетелеп яшисен ьулган икан.Нерсе, узен акыллы итеп курсатасе килде ме икан? Андыйлар БН алар теленда сулашерга кирак шул.Узеннан да уздырыбырак кычкырса, узен куя белса, кайнанын теше утмас иде.Бу киленнен кылыгын хупламыйм.Кеше гомерга бер гена кила. Ярый ла шуннан фэхем алып, уз киленен кэмсетмаган. Э Ире боламык!!
    Инде минем чират...
  • 15 сентябрь 2020 - 08:53
    Без имени
    Бу турыда күршегезгә әйтмәгез. Безнең дә баштан кичте андый хәл. Нәтиҗәдә без гаепле булып калдык. Үз проблемаларын үзләре хәл итсеннәр
    Күршемнең ире йөргәнен белдем, миңа нишләргә?
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...