«ТАТМЕДИА» АҖ иң яхшы почтальоннарны бүләкләде

1 сентябрьдә илнең барлык почта бүлекләрендә 2016 елның беренче яртыеллыгына вакытлы басма матбугатка язылу кампаниясе старт алды. 
Декабрь ахырына кадәр каталогта тәкъдим ителгән15 мең басма арасыннан теләсә кайсы газета яки журналны сайлап алып язылырга мөмкин.

Язылу кампаниясе барышында «Россия почтасы» басмаларны тарату бәясен 2015 елның икенче яртыеллыгы дәрәҗәсендә саклаячак: почта бүлекләренә илтеп җиткерү, басма продукцияне аралау һәм абунәчеләргә таратуга тарифлар үзгәрмәячәк. 

«Россия почтасы» шулай ук халыкка һәм нәширләргә булган барлык ташламаларны саклый. Тиражы 220 меңнән арткан Федераль массакүләм мәгълүмат чаралары һәм тиражы 5 мең данә тәшкил иткән төбәк массакүләм мәгълүмат чараларына «Россия почтасы»нда басманы китереп бирүгә 17% лы ташлама каралган. 

Татарстан абунәчеләре басма матбугатны элеккечә өйләренә китереп бирүне хуплый, аеруча республика районнарында яшәүчеләрдә моңа ихтыяҗ зур. Яңа язылу кампаниясе алдыннан «ТАТМЕДИА» АҖның конкурс комиссиясе шәһәр һәм районнарның иң яхшы почтальоннарын, шулай ук иң яхшы почта бүлекләрен билгеләде. Җиңүчеләр түбәндәге номинацияләр буенча ачыкланды: «Иң яхшы авыл почтальоны», «Иң яхшы шәһәр почтальоны», «Кечкенә шәһәрнең иң яхшы почтальоны», «Иң яхшы почта бүлеге».

Узган яртыеллыктагы язылу кампаниясе тарифлар үсү күзәтелгән катлаулы шартларда узды, иң актив почтальоннар гына абунәчеләр санын саклап кала һәм арттыра алды.

Үз номинацияләрендә җиңгән почтальоннар – 15 әр мең, ә иң яхшы почта бүлекләре 30 мең сум күләмендә акчалата бүләккә лаек булды.

Апас районыннан Фирүзә Зарипова – «Иң яхшы авыл почтальоны», Мамадыш шәһәреннән Гөлгенә Гарипова –  «Кечкенә шәһәрнең иң яхшы почтальоны», Чаллыдан Неонила Кислинская –  «Иң яхшы шәһәр почтальоны», Чирмешән районы почта бүлеге «Иң яхшы почта бүлеге» дигән исемгә лаек дип табылды.

Алдагы язылу кампаниясендә «Сөембикә» журналына иң күп яздырган почтальоннарга «Сөембикә» журналы редакциясе үзе дә махсус бүләкләр әзерли. 

Исегезгә төшерәбез: журналыбызга (басма вариантына да, аның электрон версиясенә дә) хәзер өйдән чыкмый гына «Сөембикә» сайтында язылып була. Ул Pressa.ru сайтындагы шәхси кабинетыгызга (личный кабинет) киләчәк. Анда керер өчен регистрация узганда керткән электрон адресыгызны һәм паролегезне кабатларга кирәк («войти» кнопкасы өстә – «помощь» янында урнашкан.) iPad һәм iPhone кулланучылар журналның электрон версиясен App Store дагы «Pressa.ru» киоскына кереп, хатын-кызлар өчен журналлар арасыннан таба ала.    
  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4633
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13263
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2877
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11483
    13
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13902
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда