Татарстанның нәни шаһинәләре

 

«Татарстанның нәни шаһинәләре» фестивале әледән-әле үткәрелеп торучы кункурс-фестивальләрдән күпкә үзгә. Форматы гына түгел, мактасы да бүтән аның. Фестиваль исеме белән аваздаш балалар төбәк иҗтимагый оешмасының президенты Наталья Киселева әйтүенчә, әлеге фестивальдә җиңелүчеләр юк, кызчыкларның барысы да – шаһинә, аларның барысы да тәкыяга лаек, һәм ул тәкыя катнашучы барлык кызларга кидерелә дә. Шуңа күрә фестиваль «Татарстанның шаһинәләре» дип атала да инде.

Фестивальнең тагын бер үзенчәлеге – бу күлмәк күрсәтү, кызларның йөз-бит матурлыгын бәяләү конкурсы түгел. Монда катнашырга теләүче кызның иң беренче чиратта йөрәгендә мәрхәмәт уты янарга, күңеле изгелеккә битараф булмаска тиеш. Үз талантларын күрсәтү белән бергә, ә ул җыр-бию генә түгел, тегә яки чигә белү, башка төрле иҗади эш тә булырга мөмкин, фестивальдә катнашырга теләк белдерүче һәр бала жюрига үзенең хәйрия проектын да тәкъдим итә.

Мондый төрдәге башка чаралардан тагын бер аерымлыгы – сәламәтлеге зәгыйфь, авырдан йөрүче кызчыклар да үзләрен Татарстанның бәләкәй шаһинәләре дип таныта алалар. Мәсәлән, быел фестивальдә шундый дүрт кыз катнашырга гариза калдырган.

Быел беренче сайлап алу туры 13–14 майда 15 сәгатьтә Казанның «Горьки–Парк» сәүдә үзәгендә узачак. Татарстан буенча финал 4 июньдә «Корстон»да булыр дип ниятләнелә. Ә халыкара масштабтагы финал исә сентябрьдә узачак.

Конкурстантлар – биштән алып унбиш яшькәчә булган кызлар. Төп таҗ ияләре 4 номинациядә билгеләнәчәк.

Узган еллардан истә калган (фестивальнең менә инде 10 ел рәттән үтүен дә әйтеп китик) чыгышлар бармы, дигән сорауга, «Татарстанның нәни шаһинәсе–2013» җиңүчесе Эллина Зиновьева бер кызның тамашачы алдында үз кулы белән картина ясавы истә калуын әйтте. Ә менә фестивальнең 2009 елгы җиңүчесе, һәм быелгысының хореографы Елизавета Ефремовага исә бик сәнгатьле итеп шигырь укучы кыз көчле тәэсир иткән.

Фестивальне уздырган 10 ел дәверендә инде шактый бай тәҗрибә тупланган. Бәләкәй шаһинәләр фестивальдә катнашты да, шуның белән эшләре тәмам түгел, алар – волонтерлар сыйфатында – республикабызда узган күп кенә хәйрия акцияләрендә катнаша, үзләре дә төрле чаралар оештыра. Шундый игелекле чараның берсе – «Цветик-семицветик».

Мәсәлән, быелгы финалда алар үз куллары белән ясалган әйберләрдән хәйрия ярминкәсе уздырачак. Моннан тыш, ун елга беренче тапкыр фестивальнең финалына билетлар түләүле булачак (200 сум, диделәр). Җыелган акчалар быел юл һаләкәтенә очрап, әтисез калган, әниләре белән өчесе дә авыр хәлдә хастаханәдә ятучы апалы-сеңелле Нурдинова Камилә һәм Айгөлне дәвалауга тотылачак.

Фестивальгә әзерләнүче балалар олыларның да шушы изге ниятле эшкә катнашуларына, кулдан килгәнчә ярдәм итүләренә өметләнә.

Ә инде кабат 13 һәм 14 майда «Горьки–Парк»та көндезге өчтә узасы чарага әйләнеп кайтсак, фестивальнең сайлап алу турыннан тыш, биредә «Татмедиа»ның гаилә һәм балалар өчен нәшер ителә торган журналлары да киләчәк. Шулар исәбендә без – «Сөембикә» журналы да. Берочтан журналларга язылу да оештырылачак. Сүз уңаеннан, 11 майдан 21 майга кадәр яраткан журналыгызга 10 процентлы ташлама белән язылырга мөмкин. Көтәбез сезне!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 9 апрель 2021 - 08:33
    Без имени
    Гел көйсез тормыш турында укып, бәхетсез хатыннар турында укып туеп беткән идем. Бу язмадагы гаиләне мин матур яшәгән семья дип укыдым.
    Кияүгә сүз әйтмәгез!
  • 8 апрель 2021 - 23:04
    Без имени
    Уффф! Квартираны узеңе тиң егеткә кияугә чыгып та бергә алырга була. 50 мең дә башка сыймаслык куп акча тугел. Бәхетсез син!
    Cөяркәм фатир бүләк итте
  • 9 апрель 2021 - 00:34
    Без имени
    Рустам сокландыргыч КЕШЕ!!! Анын турында кино тошеру бик дорес булыр иде!!!
    Рөстәм Нәбиев федераль каналда
  • 8 апрель 2021 - 19:30
    Без имени
    Хэр нэрсэнен уз вакыты.50 яшьтэн узгач,хатын-кызнын йоз-кыяфэте генэ тугел,тавышы да картая.Узешчэн жырчылар рэтендэ йоргэнче,шигырь уку килешэрэк тошэр кебек.Габделфэт узе кутэрелгэндэ,сине икенче планга калдырган.Мактанчык ирлэр хэрвакыт хатыннарын ойдэ хезмэтче урынына файдалана бит,узеннэн уздырып жибэрмэсен,узенен дэрэжэсе хатынныкыннан остен булсын очен.Зэйнэп-Зофэрлэр,Жэвит-Золфиялэр,хэзерге парлы жырчылар да бик куп,алар да бер-берсен хормэтлэп,бер-берсе белэн житэклэшеп яши сэхнэдэ.Син чыннан да иреннен дэрэжэсе булсын очен,анын аяк астында яшэгэнсен.Югыйсэ ул сэхнэ икегезгэ дэ житкэн булыр иде,шул вакытта габделфэтнен дэрэжэсе дэ зуррак булыр иде.Бу минем фикерем.
    Хатын-кызга ни җитми?
  • 8 апрель 2021 - 15:07
    Без имени
    Рузилә ханым, сез зур талант иясе: искиткеч матур җырлыйсыз, сезнең килеш-килбатегез, тавышыгыз, жырларыгыз башка берәүгә дә иярмәгән, үзенчәлекле. Турысын язганга ачуланмагыз: Габлелфәт әфәнде жырчы буларак хезмәт юлының ахырына якынлаша, ә сез яңа ачылып киләсез. Нәкъ җырдагыча: "мин сискәнеп күзем ачтым әле яңа гына". Сезгә иҗат уңышлары, сәламәт лек, гаилә бәхете телим.
    Хатын-кызга ни җитми?
Реклама
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи