«Татар рухы һәм каләм» бәйгесендә катнашырга ашыгыгыз!

«Татар рухы һәм каләм» V Бөтенроссия журналистлар һәм массакүләм мәгълүмат чаралары конкурсына иҗади хезмәтләр кабул ителә.
«Татмедиа» Республика матбугат һәм массакүләм коммуникацияләр агентлыгы белән Бөтендөнья татар конгрессы Башкарма комитеты татар журналистлары һәм массакүләм мәгълүмат чаралары арасында «Татар рухы һәм каләм» V Бөтенроссия конкурсына материаллар кабул ителә башлавы турында игълан бирде.Конкурсны оештыру комитетыннан алынган белешмә буенча, журналистларны һәм медиа-киңлекне милли мәсьәләләрне киңрәк яктыруга этәргеч бирүне, милли өстенлекләрне пропагандалауны максат иткән конкурс нәтиҗәләре буенча бүләкләү 6 номинациядә каралган. Журналистик хезмәтләр татар халкының тормыш-көнкүрешен, гореф-гадәтләрен һәм йола-бәйрәмнәрен иң яхшы яктырткан өчен; үрнәк татар гаиләләрен иң яхшы яктырткан өчен; «Көрәш» татар милли спорт төрен иң шәп популярлаштырган өчен; балалар өчен иң яхшы журналистик материал; милли тарихи ядкарьләрне иң яхшы чагылдырган өчен аерым номинацияләрдә бәяләнә. Массакүләм мәгълүмат чаралары исә Бөтендөнья татар конгрессы эшчәнлеген яктырту буенча ярыша ала.
Конкурс нәтиҗәләре буенча журналистлар арасында һәр номинациядә 2шәр җиңүче, ә массакүләм мәгълүмат чаралары арасында 1 җиңүче билгеләнә, нәтиҗәдә, журналистларга 15әр мең сум, ММЧга 20 мең сум акчалата бүләк каралган. Химаячылар тарафыннан өстәмә бүләкләр тапшырылуы ихтимал, дип игътибарны юнәлтә конкурсны оештыручылар. Сайлап алынганнан соң, җиңүчеләргә тантаналы рәвештә дипломнар һәм кыйммәтле бүләкләр тапшырыла. Бүләкләү тантанасы, татар җәмгыятен борчыган мәсьәләләрне ачык әйтеп калу өчен зур мөмкинлек тудыра торган мәйдан булып таныла барган «Татар рухы һәм каләм» конкурсының элеккегеләре кебек үк, дөнья буйлап сибелгән татарларның башкаласы Казанда уздырыла.
Иҗади бәйгедә материаллары 2014 елның 1 гыйнварыннан 2015 елның 1 октябренә кадәр басылган, яки эфирга чыккан басма, электрон массакүләм мәгълүмат чаралары, радио, телевидение журналистлары, шулай ук башка төрле милек формаларының профессиональ массакүләм мәгълүмат чарасында Татарстан Республикасының ике дәүләт телендә басылган материал авторлары да катнаша ала. Авторлык эшләре, программалары да кабул ителә (шәхси яки коллектив). Аерым алганда, конкурс жюрие хөкеменә төрле жанрдагы материаллар кабул ителә: әңгәмә, репортаж, очерк, аналитик материаллар, проблемалы мәкаләләр, теле–радио язмалар, Web-сайт адреслары һ.б.
2015 елның 1 октябренә кадәр югарыда әйтелгән шартлар нигезендә теләге булган һәркем гаризасын һәм басылган материалларын оештыру комитетына тапшыра ала. Жюри әгъзалары конкурс эшләрен 3-20 октябрь көннәрендә тикшерә. Конкурсның нәтиҗәләре быел 30 октябрендә игълан ителүе ниятләнә.
Оештыру комитеты адресы: 420066, Казан ш., К.Маркс ур., 38/5 йорт, 312 һәм 313 кабинетлар. Бөтендөнья татар конгрессы Башкарма комитетының мәгълүмат-аналитика идарәсе.
сылтама: http://tat.tatar-inform.ru/news/2015/09/09/113311/
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Ике яклы хыянәт (хикәя)
-
Киткәннәрне нигә туктатырга? Гөлнара, матур төшләр күреп, татлы йокыга талган иде... Менә ул Камышлыкүл болынында яланаяк йөгереп йөри. Бу аның кыз чагы икән бит.
-
"Син безгә кыз килеш килмәдең..." Минем икенче балам ашыгыбрак – алты ай ярымнан ук туды. Нигә болай иртәләгәндер, андый сәбәп тә юк к
-
Бүләк Уфада яшәп иҗат итүче язучы Дилә Булгакова хикәяләрендә нечкә хис, драматик лиризм өстенлек итә, геройның иң тирән күңел кичерешләре ачыла. Укучылар аның шигырьләрен, нәсерләрен, балалар өчен язылган әкиятләрен дә яратып кабул итә. Ә аның шигырьләренә язылган «Кыр казлары», «Сагынам», «Үпкәләмә» кебек җырлары халык арасында бик популяр.
Соңгы комментарийлар
-
9 апрель 2021 - 13:51Без имениИрең иҗат кешесе булса, хатын-кыз үзе дә иҗат кешесе булса, беренче урынга ирен куя, балаларын куя. Бу минем дә баштан үтте дисәм һич арттыру түгел. Без - хатын һәм ана беренче чиратта. Первым делом - мужья и дети, а сама, а сама потом» диясем килә мәгълүм рус җырын бераз үзгәртеп. Мин дә Газинур хатыны булып чирек гасыр яшәдем, иҗат иттем. Без бер-беребезне тулыландырдык. Без әле картаймаган, иҗат кешесе картаймый ул. Гөлнурга да, Рузиләгә дә дөресен сөйләгәне өчен рәхмәт.Хатын-кызга ни җитми?
-
9 апрель 2021 - 15:15Без имениМин салаватнын яратам корарга мин айгол булам фатих кызыДанир Сабиров ике түрәнең мәҗлесен үткәрә (видео)
-
9 апрель 2021 - 15:16Без имениМин тоже жибергэ кирэк була мин тоже татарча билэмДанир Сабиров ике түрәнең мәҗлесен үткәрә (видео)
-
9 апрель 2021 - 15:17Без имениМин тоже башкамнын ризалашамДанир Сабиров ике түрәнең мәҗлесен үткәрә (видео)
-
9 апрель 2021 - 16:13Без имениМин яратам салаватнын мин тоже жибергэ кирэк булаДанир Сабиров ике түрәнең мәҗлесен үткәрә (видео)
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.