Рөстәм Миңнеханов: “IT – ул киләчәк, һәм без аңа йөз тотабыз”

Татарстан икътисадын үстерүнең иң перспектив юнәлешләренең берсе – IT-тармак. Республика бу юнәлештәге уңышларын арттырырга ниятли, дип белдерде Татарстанның әйдәп баручы электрон ММЧлары мөхәррирләре белән традицион очрашуда ТР Президенты Рөстәм Миңнеханов.

“Без һәрвакыт үзебез өчен ниндидер яңалык эзлибез. Менә бездә иң мөһиме – нефть сәнәгате бар. Аллаһы Тәгалә биргән, һәм безгә кадәр эшләгән кешеләр нефть сәнәгатен булдыра алганнар. Алга таба киләсе адым – ул, билгеле, нефть эшкәртү, нефть химиясе кластеры. Машина төзелеше кластерлары – вертолетлар, самолетлар – ул эш урыннары да, кешеләр интеллекты да һәм башкалар, энергетикабыз, башка юнәлешләр. Бу юнәлешләрне үстерәбез, нефть сәнәгате, нефть эшкәртү тармагы үсештә булырга тиеш. 2018 елда тагын бер завод эшләтеп җибәрәчәкбез, шул ук вакытта яңа нәрсә дә эзләргә һәм безгә шуңа керешергә кирәк. Шундый юнәлешләрнең берсе – IT, - дип билгеләп, Татарстан Президенты мәгълүмати технологияләр тармагының хәзер кеше эшчәнлегенең бөтен юнәлешләренә дә актив керешүен билгеләп үтте. Медицина, хокук саклау эшчәнлеген мисалга китерде. - Элек эзләүче һәм өйрәтелгән эт булган, аларга өстәп, хәзер камералар, акыллы технологияләр эшкә җигелгән. Мәдәнияттә дә яңа мөмкинлекләр. Ниндидер китап сатып алу өчен элек каядыр барырга кирәк булса, хәзер – юк. Мәгариф системасын алыйк. IT – ул киләчәк, һәм без аңа йөз тотабыз. Ләкин кулланучы буларак түгел, ә шушы IT-хезмәтләрне эшләп тәкъдим итүче буларак. Файдаланган өчен акча түлисе. Ә аның белән ничек акча эшләргә? – дип сорау куйды Рөстәм Миңнеханов һәм үзе җавабын да бирде. - Бездә куәтле университетлар, урта махсус уку йортлары, шуңа күрә федераль дәрәҗәдәге көчле IT-кластер булдыру юлын сайладык. Моның өчен, “Иннополис” проекты булдырылган өчен Хөкүмәтебезгә, Президентыбызга рәхмәт. Бер нәрсә дә үзеннән-үзе пәйда булмый, шуңа күрә безгә тырышып эшләргә кирәк. Илебез бүген күп кенә программа продуктлары саттып ала, алар ел да үзгәреп тора, һәм ел саен без нәрсәдер сатып алырга мәҗбүр. Ә нишләп әле аны үзебездә чыгара торган итмәскә? Силикон Үзәнендә, Һиндстанда безнең кебек үк кешеләр эшли. Безнең интеллектуаль дәрәҗә, белем дәрәҗәсе бер дә ким түгел, шуңа күрә безнең бурыч республикабыз өчен стратегик җәлеп итүчән итү, һәм без бу мәсьәләдә дәвамчан булачакбыз”.

Татарстан Президенты фикерен дәвам иттереп, болай дип билгеләп үтте: “Иннополис булдырылды, без инде икенче ел рәттән магистрлар укытып чыгарабыз. Россиядә Карнеги Мелон программасы буенча андый белгечләр юк иде. Ул IT-университетта беренче санала. Алар анда белем алды, киләсе елга - зур гына чыгарылыш. Россиядә кабул итү дәрәҗәсе буенча 7-8 позиция бу, ягъни шул кадәр җитди. Чит илләрдән, ерак чит илләрнең 8ләбеннән килеп укыйлар. Белем инглиз телендә бирелә, бу дөнья күләмендәге уку йорты”.

Татарстанның IT-юнәлешен үстерү моның белән генә чикләнми, дип өстәде республика лидеры. “Безнең федераль университет, Техник, Технологик университетлар – гаять зур көч-куәт. Шул ук вакытта яшьләребезгә акча эшләү мөмкинлеге дә. Алар бу өлкәгә эләгә, һөнәр ала. Белмим, Европада, Америкада бәхет эзләргә кирәкме икән? Синең бәхетең менә монда, перспективалы Казан шәһәрендә, Иннополиста, Чаллыда. Яшә, эшлә генә. Менә шундый бурыч-максат”, - дип, Рөстәм Миңнеханов бу теманың үзебез өчен җәлеп итә торган һәм перспективалы булуына игътибарны юнәлтте.

сылтама - http://tatar-inform.tatar/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 29 октябрь 2020 - 12:06
    Без имени
    Алланын кахаресе тошкэн нэрсэ ул сихерчелэр йорэк бэгерлэргэ утте алар ..тэмуг кисэулэре..узлэре ясый белмэгэне ясатып кайта белмэгэне улэ бетэ интт..ан ойрэнэ ..
    «Сихер бозды...»
  • 29 октябрь 2020 - 09:35
    Без имени
    Әдәби. Әсәр шундый була ул. Кайберәүләр көнаралаш гаибәт язалар да, оялмыйча хикәя дип куялар. Укыган, талантлы кеше язган әдәби әсәр ичмасам. Рәхәтләнеп укыдым. Ике авыл хатыны көтү куганда сөйләшеп торган гаибәт тибындагы нәрсәләрне чыгармасагыз яхшы булыр иде. Менә шушындый әсәрләр чыгарыгыз!
    Умырзая
  • 29 октябрь 2020 - 17:45
    Без имени
    Уйлый белмилэрдер, Уйлый белсэлэр энилэре бауга менмэс иде.
    Үкенечләр - урман...
  • 29 октябрь 2020 - 20:22
    Без имени
    Аллага тапшырдык донья ни кадэр рэхэт булса да кешелэр каты бэгъерле
    Үкенечләр - урман...
  • 29 октябрь 2020 - 21:32
    Без имени
    Сез нигэ балаларын гына гаеплисез олы кешенен акылыда китергэ момкин бит Белмичэ кешегэ гаеп ташламагыз елауларында гаепкэ алмагыз узегезне алар урыны на куеп карагыз башта
    Үкенечләр - урман...
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...