Рөстәм Миңнеханов «Идел буенда Халыкара кыр көннәре» күргәзмәсен ачты

Казаннан ерак түгел мәйданчыкта - Татарстан авыл хуҗалыгы фәнни-тикшеренү институтының Лаеш муниципаль районындагы кырларында «Идел буенда Халыкара кыр көннәре» күргәзмәсе ачылды. Аны оештыручылар арасында - Татарстан авыл хуҗалыгы һәм азык-төлек министрлыгы һәм авыл хуҗалыгы һәм азык-төлек хуҗалыгы өлкәсендә яңа технологияләр үстерүдә, шулай ук Германия һәм башка илләрдә тәҗрибә таратуда махсулашкан Немец авыл хуҗалыгы җәмгыяте (DLG). 

Европа авыл хуҗалыгы оешмасы катнашындагы «Кыр көннәре» форматындагы күргәзмә Германия, Румыния, Польша һәм Төркиядә уңыш белән уза һәм агросәнәгать өлкәсендәге профессионалларны инновацияләр белән таныштыру, тәкъдим ителгән продукт һәм карарларны бәяләү, фәнни белем һәм алдынгы тәҗрибә таратуга юнәлдерелгән. Россиядә мондый форматтагы халыкара күргәзмә тәүге тапкыр үткәрелә. «Идел буенда халыкара кыр көннәре«  кысаларында Россия, аерым алганда Татарстан, Германия, Австрия, Франция, Финляндия, Норвегия һәм АКШтан 150дән артык компания һәм фәнни институт, дәүләт оешмалары һәм ассоциацияләре агросәнәгать комплексының төрле юнәлешләре: үсемлекчелек, авыл хуҗалыгы техникасы, терлекчелек буенча яңа төр продуктлар һәм технологияләр тәкъдим итә.

Күргәзмәнең үзенчәлеге аңа әзерлек һәм үткәрү форматында чагыла. Продукт һәм технологияләр кыр шартларында күрсәтелә. Әйтик, үсемлекчелек тәҗрибә кырының 43 кишәрлегендә тәкъдим ителгән, ә авыл хуҗалыгы техникасы стационар экспозиция, шәхси демонстрация һәм Россия һәм Европа бәйсез экспертлары шәрехләмәләре белән тематик күргәзмәләр форматында. 

Күргәзмәне ачуда ТР Президенты вазифаларын вакытлыча башкаручы Рөстәм Миңнеханов, республика Дәүләт Советы Рәисе Фәрит Мөхәммәтшин, Россия Авыл хуҗалыгы министрлыгының Үсемлекчелек, химияләштерү һәм үсемлекләрне саклау департаменты директоры Петр Чекмарев, РФ Авыл хуҗалыгы министрлыгының мелиорация департаменты директоры Данил Путятин, ТР вице-премьеры - авыл хуҗалыгы һәм азык-төлек министры Марат Әхмәтов, Немец авыл хуҗалыгы җәмгыяте (DLG) башкаручы директоры Петер Грокус катнашты.

Чарада катнашучыларны сәламләп, Рөстәм Миңнеханов Идел буенда Халыкара кыр көннәрен үткәрү - авыл хуҗалыгы өлкәсендәге заманча мәгълүмат һәм технологияләр белән танышу мөмкинлеге булуын билгеләп үтте. «Биредә 150 компания - дөнья лидерлары тәкъдим ителгән. Биредә үсемлекчелек, терлекчелек белән бәйле барлык мәсьәләләрне өйрәнергә һәм карарга була. Бу мәйданчыктан 6 меңнән артык кеше файдаланачак», - диде, аерым алганда, ТР лидеры.

Ул күргәзмәне оештыручылар һәм катнашучылар, шулай ук Россия һәм Татарстан авыл хуҗалыгы җитештерүчеләре белән озак хезмәттәшлек итүне максат итеп куйган чит ил партнерларына, республика агросәнәгать комплексына  ярдәм иткәне өчен Россия Авыл хуҗалыгы министрлыгына рәхмәт сүзләрен җиткерде. Ул күргәзмәдә тәкъдим ителгән инновацияләр Россия һәм Татарстанның авыл хуҗалыгы тармагында файдаланылыр дигән ышаныч белдерде. «Без әлеге яңа технологияләрне үзләштереп, аларны тормышка ашыру өчен пилот төбәк булып торабыз», - дип өстәде Рөстәм Миңнеханов.

Петр Чекмарев күргәзмәдә катнашучыларга Россия авыл хуҗалыгы министры Александр Ткачев сәламләвен укыды. Авыл хуҗалыгы министрлыгының Үсемлекчелек, химияләштерү һәм үсемлекләрне саклау департаменты директоры билгеләп үткәнчә, федераль министрлык 2016 елда «Россия Федерациясендә Халыкара кыр көннәре« халыкара күргәзмәсен үткәрү турында карар кабул иткән. Әлеге чараны үткәрү өчен төбәк әлегә билгеләнмәгән.

«Идел буенда Халыкара кыр көннәре« күргәзмәсенең эшлекле программасы кысаларында өч көн дәвамында башка зур чаралар да планлаштырылган, алар арасында - «Россиянең үзен-үзе тәэмин итүнең юлы буларак эшмәкәрлек» конгрессы. Анда РФ Авыл хуҗалыгы министрлыгы вәкилләре дә катнашыр дип көтелә.

Күргәзмә кысаларында Россия, Германия, Швеция, Польша һәм Чехия белгечләре катнашында көзге бодай үстерү технологяиләре буенча конкурс та узачак.        

сылтама:http://http://tat.tatar-inform.ru/news/2015/06/24/110695/
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6267
    7
    62
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    5665
    3
    49
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4056
    0
    42
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2678
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    8921
    6
    35
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда