Павел Астахов «бәби-бокс»ларны хупламый.

Казанга эш сәфәре белән килгән Павел Астахов журналистлар белән узган матбугат очрашуында «бәби-бокс»ларга карата шәхси фикере белән уртаклашты.

Искәртеп узыйк: Федерация Советы әгъзалары Дәүләт Думасына Россиядә «бәби-бокс»ларны урнаштыру параметрларын закон тарафыннан рәсмиләштерүне күздә тоткан закон проектын керткән иде. Әлеге инициатива җәмгытьтә шактый ярсу бәхәсләр кузгатты.

Астахов фикеренчә, «бәби-бокс»ларны урнаштыру – нәтиҗәсез һәм юридик яктан гамәлгә ашырып булмаслык тәкъдим. «Мин үз фикеремне 2010 нчы елда ук җиткергән идем инде, аны Президент та хуплады. Шул вакыттан бирле үзгәрешләр юк. Баладан аноним төстә баш тартуны рөхсәт итүче бер генә закон да юк, юкса, баланың үз әти-әнисен, милләтен, туу урынын һәм вакытын белүгә, ата-анасыннан мирас варисы булуга хокукы бозылыр иде, дип белдерде Павел Астахов. Аның сүзләренә караганда, ата-ана бала тәрбияләү хокукыннан мәхрүм ителсә дә, балалар барыбер алардан калган мирас варисы булырга тулы хокукка ия. Бу мәсьәләдә кирәгеннән артык хисләргә бирелү күзәтелә, шуңа күрә «бәби-бокс»лар мәсьәләсенә реаль күзлектән чыгып бәя бирелми», дип саный ул. Павел Астахов Бөекбританиядә балаларны ташлап калдырган өчен һәм Бельгиядә «бэби-бокс»ларны пропагандалау өчен җинаять җаваплылыгы кертелүен билгеләп үтте. «Татарстанда «бәби-бокс» ник кирәк? Без социаль ярдәм чаралары белән күбрәк баланың гаиләдә калуына ирештек. Менә нәтиҗәлелек кайда ул! «Бәби-бокс» куя калсагыз, баш тартулар 70 түгел, 700 булачак бит!» – дип кисәтте Павел Астахов.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гафу итә алмыйм сине, әни! – Апа, әни акылдан шашкан! Көзнең яңгырлы салкын бер көне иде ул. Мәктәптән туңып кайтып кына кердем, каршыма башлангыч сыйныфта укучы сеңлем Айзилә йөгереп килеп чыкты да, колагыма әнә шулай дип пышылдады.
    13270
    3
    171
  • Әллә?! Завод капкасы төбендә сезне бер карчык көтә дигән хәбәрне ишетүгә, Фәрһадның йөрәге чәнчеп алды, зиһене чуалды, күз аллары караңгыланды.
    10934
    2
    115
  • Үкенечле үткәннәр... Якшәмбе булса да, иртәдән телефон шалтырады. Башкаларның иртәнге йокысы бүленмәсен дип, атлас халатын тәненә элеп кенә җибәрде дә, телефонын алып балконга йөгерде. Телефонның теге ягында карлыккан ир кеше тавышы ишетелде:
    8135
    2
    87
  • Балагызны үзем карап торам! - 1 Кызлары туганнан бирле Аида белән Тимурның иртәсе гел бертөрле башлана хәзер. Тимур иң беренче булып уяна да, нәни кызы белән төне буе бала караваты яныннан китмәгән хатынын уятмаска тырышып, аш бүлмәсенә чыга. Иртәнге ашны ашагач, кереп битләреннән генә пәп итеп ала да эшкә китә.  Подъез ишегеннән чыгуга телефоны пипылдаганына да ияләште ир. Ул беренче  катка төшеп җиткәнче, хатыныннан уңышлы көннәр теләп смс килеп җитә. Ә ул телефонын алып «Рәхмәт!» яза. Бүгенге иртә дә нәкъ шулай башланды.
    3617
    7
    74
  • Гафу итә алмыйм сине, әни! 2 Шулай да ул ЗАГСка килгән иде. Без машинадан төшүгә яныма килде. – Син ... монда? – гаҗәпләнүемне яшерергә дә теләмәдем.
    4172
    2
    65
Реклама
Реклама
Соңгы комментарийлар
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...