Оренбургта ят киемле хатын-кызлар

Бүген Оренбург шәһәрендә татар хатын-кызларының «Ак калфак» иҗтимагый оешмасының күчмә утырышы үзенең эшен башлады.

Кунаклар – «Ак калфак»ның урыннардагы оешма җитәкчеләре – Татарстаннан, Башкортстаннан, Казакъстаннан, Удмуртиядән, Самара, Пенза өлкәсеннән, Пермь краеннан килде. Аларны Оренбург өлкәсенең бөтен татар дөньясына атаклы булган Татар Каргалысы авылында каршы алдылар. Ханымнар авылның тарихы белән танышты, элеккегедән калган сәүдә рәтләре буйлап узды, борынгы зиратларын карады. Аннан өлкә белән танышуны Оренбург шәһәрендә дәвам иттеләр. Шәһәрнең үзәгендә урнашкан «Милли авыл» мәдәни комплексында, татар утарында да булдылар. (Милли кием-салым кигән калфаклы ханымнарга Оренбургта кая барсалар да, халык сокланып, гаҗәпләнеп, шаккатып карады. «Сез безгә кайдан килдегез?» – дип килеп сүз дәшүчеләр дә булды.)

Оренбург өлкәсендә 128 милләт яши. Бу парк-музейда аларның берничәсе күрсәтелгән. Милли авылларның һәрберсендә «Тарих һәм мәдәният» музее да эшли.

Татар утарындагы музейның хуҗабикәсе – Гөлйөзем апа Үлембәкова. Ул музейга куелган һәр экспонатның утарга килеп эләгү тарихын белә. Халык катнашында, халык тырышлыгы белән оешкан музей бит бу! Менә – «Саратский» яшел гармун.

– Бу гармунны бер ханым алып килде, – ди Гөлйөзем апа. – Русча гына сөйләшә. «Ирем татар иде минем... Гармунны ул сугышлардан кайткач, 1957 елны ясаткан иде. Ул вафат булгач, «Сат әле», – дип бик күпләр сорады. Хәтер-хатирәне сатмыйлар, дип җавап бирдем... Минем аны сезгә бүләк итәсем килә», – диде.

Минем үземә экспонатларның берсе – 1954 елда «Таткнигоиздат»ның матур әдәбият редакциясендә дөнья күргән «Халык җырлары» китабы шактый кызык тоелды. Аның зур гына бер бүлегендә дүрт юллыклардан торган халык җырлары тупланган. Әйтик, менә берничәсе:

Казан дигән каланың,
Санап чыктым урамын.
Сау бул, бәгърем, дигән идем,
Елап бирде кулларын.
Алма алсак, алыйк алын,
Хакын бергә түләрбез.
Ни күрсәк тә бергә күрик,
Үлсәк, бергә үләрбез.
Кемнәрдер өчен шактый кызык хәзинә бар монда!

Патефон, Фәридә Кудашева җырлары язылган тәлинкәләр, каләм савыты, чиккән сөлгеләр, алъяпкычлар, чиләк-көянтә, бала бишеге... Энҗе белән чигелгән бер гасырлык калфак! Экспонатлар байтак!

Татар утары эчендә музей ачылгач, Оренбург яшьләрендә яңа гадәт барлыкка килгән: өйләнешкән көнне алар хәзер бирә килеп, татар халкының гореф-гадәтләре белән танышалар, фотосурәткә төшәләр, Гөлйөзем апаның гаҗәеп матур теләкләрен тыңлыйлар икән.

Кичен кунаклар Татар Каргалысы авылының Мәдәният йортында авыл үзешчәннәре әзерләгән концерт карады. Шунысы игътибарга лаек, сәхнәгә чыккан җырчылар да, биючеләр дә, яшьләр дә, өлкәннәр дә – барысы да калфактан иде!

Форумның пленар утырышы иртәгә Оренбург татар драма театры бинасында дәвам итәчәк. Анда өч йөзләп делегат булыр дип көтелә.


P.S. Оренбургта Ак калфакны хәзер Альбина Әбсәләмова җитәкли. Аның турында биредә укып була: http://syuyumbike.ru/zaman-hem-bez/uspeh/?id=1348

Казан-Оренбург

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2714
    28
    251
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    7385
    2
    108
Реклама
Соңгы комментарийлар
  • 27 октябрь 2021 - 02:02
    Без имени
    Рэхмэт🙏🙏🙏👍👍👍
    "Хатын-кызларны күралмый башлаган идем..."
  • 26 октябрь 2021 - 21:51
    Без имени
    Урыс, татар, дип аермау - диннән ерак булудан килә. Милләт тә шулай югала инде.
    Язмыш шаяруы
  • 26 октябрь 2021 - 19:22
    Без имени
    Гомер буе үзе дә буталчык яшәгән, язма да шулай. Һәр кемнең үз юлы, язмышы. Киңәш сорар киләләр дип арттырып та җибәрәсез. Кем кемнән сорап чыга соң ул?! Сез ханым үәегезне бик диндар, акыллы, гел хәзрәт белән генә киңәш итеп яшәгән кеше шикелле кыланасыз. Язмагыз ышандырмады. Бәлки башка кешеләр язарлар
    Язмыш шаяруы
  • 26 октябрь 2021 - 15:49
    Без имени
    Экият
    Җәннәт... Иреңнең аяк астында
  • 26 октябрь 2021 - 12:46
    Без имени
    Нәфисә ханым да август аеннан бирле караңгы гүрдә..... Кабере нур белән тулсын.Бездән риза булып ятсын.
    Сыналган мәхәббәт
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан