Нурсөягә медаль

Фәнис Яруллинга – 80 яшь. Халык шагыйре Фәнис Яруллинга дияргә дә, Тукай премиясе лауреаты шагыйрьгә дә дип яза башлыйсым килде. Әмма күңелдә  «Рухи бөеклек мисалы Фәнис Яруллинга» диясе килү хисе өстенрәк иде. «Кайберәүләр шушы уттан  таныр, Ул бит аның уты, диярләр» дигән шигъри юллары миннән  бер тотам калмый ияреп йөрде сыман. Әйе, Фәнис Яруллинны ул калдырган уттан, ул калдырган эздән танырлар. Татар дөньясы бу исемне Тукай исеме белән янәшә куеп хәтерләде.  Без – авылдашлары гына түгел бәлки бөтен татар халкы Фәнис Яруллин образы белән горурлана. Бүтән халыкта мондый кеше булса, аңа күрсәтелгән дан-дәрәҗәнең чиге-чамасы булмас иде. Фильм төшерелер, махсус туристик маршрут эшләнер иде. Ә ул исә  үзен шундый горур кеше итеп тотты – аны ничектер аерым бер урынга кую, дәрәҗәгә менгерү хакында уйланылмады да бугай. («Татнефть»нең  ул вакыттагы җитәкчесе Ринат Галиев Фәнис Яруллинның «Горур булыйк» дигән шигырен куен кесәсендә йөртә иде. Язучының язган бер әсәре китап булып дөнья күрүдә дә аның роле зур булды). Дөрес, туган төбәге Баулыда да, Казанда да аның исемен йөрткән урамнар бар. Баулыда һәйкәл дә куелды, Кызылъяр авылында  кызлар кулъяулыклары белән бизәлгән уникаль музее эшләп  тора. Биш дистәдән артык китабы  мәдәни мирас сагында. Ә бит Фәнис Яруллинның тормыш юлын, иҗатын татар бренды дәрәҗәсенә күтәрү мөмкин булыр иде. Аның «Чәчәкләр моңы» дигән үзәк өзгеч әсәре рус теленә дә, инглиз теленә дә тәрҗемә ителгән иде. Темасы да  яңгыраш ала торган, киң диапазонлы, гади бер татар хатынының тыйнак фидакарьлек үрнәген дөньяга таныту өчен гаҗәеп бер китап бу. Шуны, төрле юлларын табып, Нобель премиясенә тәкъдим итәсе дә бит. Олы йөрәкле, әдәбиятны вакытлы чүп-чардан аера белүче эш башлап йөрүчеләр җитми.



Олы йөрәк дигәннән, армия сафларыннан туган йортына – ятакка кайтып егылган егетне күтәреп алыр чакта андыйлар табылган иде. Нәкъ менә шул кешеләр Фәнис абыйны якасыннан җилтерәтеп дигәндәй, әдәбият мәйданына алып керделәр. Әй ул заманда, Кызылъяр авылы Фәнис абый тормышы белән яшәп тә куйды соң. Аның ятагы янына бастырып пионерга алулар да, концерт куеп кайтулар да калмады. Бер гыйбрәтле хәлне хәтерлим әле. Фәнис Яруллинга ерактан хат килгән. Хат язучының фамилиясе әллә Шолохов шунда, әллә Шишмарев иде. Авыл икегә бүленде: Шолохов тикле Шолохов хат язган булса, зур дәрәҗә инде. Икенче яртысы хат авторының мәшһүр нейрохирург булуын, аның егетне аякка бастыруын тели...
 
Бер көн килеп, теләкләр, хыяллар чәлпәрәмә килеп, тормыш чынбарлыгы өстен булып калды. Фәнис абыйга – Кояшка үреләм дигәндә егылып төшкән егеткә хәзер инде шигырьләренә тотынып, яңа сыйфатта яшәү өчен көрәшәсе икән.  Җир йөзендә исә әкият, барыбер, бар. Урынга береккән шагыйрь егет тормышына килеп кергән Нурсөяне без әкияти мисал итеп кабул иттек.


 
Филармония бинасында  9 февраль кичендә уздырылган юбилей кичәсенең каһарманы да менә ул – әкияттән михнәтле тормыш чоңгылына чумган Нурсөя булды. Фәния Яруллинның якташлары – район хакимияте башлыгы Рамиль Гатиятуллин, аның урынбасары Ренат Газизулла улы, «Россельхознадзор» башлыгы Нурислам Хәбипов  сәхнәгә йөзләгән ак розалар күтәреп чыкканда бөтен зал нәфис хуш-искә күмелде. Шагыйрьне соңгы минутларына кадәр кайгыртып яшәгән бу кешеләр хәзер инде аның җәмәгатен кадердән төшерми. Рәхмәт аларга.
 
Кичәгә килгән тамашачы юбилее билгеләп үтелә торган шәхес иҗатыннан кайбер өлгеләр белән генә таныша алды. Ягъни җырлары, шигырьләре яңгырады. Ә бит әле аның сәхнә әсәрләре, бәян-хикәяләре дә биниһая күп. Димәк, Баулы районында гына түгел, Казанда да елны Фәнис Яруллин иҗатына багышларлык матди, рухи байлык бар. 
 
Кичәнең иң истә калырлык урыны Нурсөя ханымга «Фидакарь хезмәт өчен» медаль тапшырылган мизгел булгандыр. Лаек, бик лаек ул бу хөрмәткә!
 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 15 апрель 2021 - 20:48
    Без имени
    Икесе дэ соклангыч кешелэр.
Хәзер укыйлар
  • Киткәннәрне нигә туктатырга? Гөлнара, матур төшләр күреп, татлы йокыга талган иде... Менә ул Камышлыкүл болынында яланаяк йөгереп йөри. Бу аның кыз чагы икән бит.
    6561
    0
    96
  • "Син безгә кыз килеш килмәдең..." Минем икенче балам ашыгыбрак – алты ай ярымнан ук туды. Нигә болай иртәләгәндер, андый сәбәп тә юк к
    9187
    0
    73
  • 4316
    0
    49
  • Бүләк Уфада яшәп иҗат итүче язучы Дилә Булгакова хикәяләрендә нечкә хис, драматик лиризм өстенлек итә, геройның иң тирән күңел кичерешләре ачыла. Укучылар аның шигырьләрен, нәсерләрен, балалар өчен язылган әкиятләрен дә яратып кабул итә. Ә аның шигырьләренә язылган «Кыр казлары», «Сагынам», «Үпкәләмә» кебек җырлары халык арасында бик популяр.
    3435
    3
    37
Реклама
Соңгы комментарийлар
  • 15 апрель 2021 - 10:33
    Без имени
    Йомшак күңелле балалар үзләре башлап сөйләшергә дә белмиләр шул. Минем дә бердәнбер улымның йөрегән кызлары үзеннән олы була. Ахрысы, кызлар үзләре кыюрак минем улымнан. Берни дә әйтеп булмый. Үзе тормышын үзе корсын, дип, барысына да риза мин.
    Улыбыз өч балалы хатын алган...
  • 15 апрель 2021 - 08:49
    Без имени
    Мескен апа, жылап укыдым. Рэхмэт Фагилэ
    Сания апа бәхете
  • 15 апрель 2021 - 09:13
    Без имени
    Тиле Бергена торле булмый шул! Анны биргэн акчаларын нык жыеп тоталар иде..узендэ берэр торып урын кара Иден бу кон килэчэге кон кебек ачык иде лэбаса!
    Бумеранг законы 
  • 15 апрель 2021 - 06:36
    Без имени
    Кайчандр улда бит хатыныкы г-на булган син аны аертп алдын.алай бэхетле булп буламы. Тап башканы буйдак аерылганны. Хэм яшэ гаилэ короп балан булгач бэлхем иялэшерсен. Купме хатын ялгыз тормош алып бара. Авыр булсада. Баласы дип Яши. Парлы матур гаилэне бозоп аерп яшэмэгез. Гел тормош ак полосадангна тормый. Ометлэнеп яхшы хыяллар, эчкерсезлек уцсезлек б, н яшэргэ кирэк. Кешегэ хэттэ дошманынада яхшы телэк телэсэ, узендэ унай ягы б, н кайтр.
    Бумеранг законы 
  • 15 апрель 2021 - 06:49
    Без имени
    Гомер буе матур тороп булмый, аннан баланы сонга калп тапсан, устеруе читен. 35 тэ2 табалар.ул барбр хатынын ташламый, тормош алып баррга ул яхшы, балалары очендэ яхшы эни. Атнага 1 Ир курэм дип ят инде. Ялгзак булып. Анлаш. Анын б, н. Яшьлек утэ сизмисен олгайганны. Хатыны белсэдэ дэшми. Топле. Ул бары синен назын рэхэтлеген алыр оченгнэ килэ бит. Утрып чэйдэ эчмэгэч. Бу ярату тугел. Э син куркасын авырлыктан тормош алып бара алмам башка б, н дип. Акча эз булсада житэ. Куп булсада бетэ. Парлы булып анлашп яшэгэндэ житэ.
    Cөяркәм фатир бүләк итте
Реклама
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи