Начар күрүчеләргә... начар күрүчеләр ярдәм итәчәк

«Ярдәм» милли ислам хәйрия фонды Россия Федерациясе Президентының гражданнар җәмгыятен үстерүгә юнәлтелгән грантлар бәйгесендә җиңеп чыккан. Бу хакта бүген «Ярдәм» милли ислам хәйрия фонды тернәкләндерү үзәгенең конференц-залында узган матбугат конференциясендә хәбәр иттеләр. 

Узган ел Россия Федерациясе Президенты Владимир Путин шушы максатка 7 миллиард сум акча бүлеп биргән булган. Быел бу сумма тагын 1 миллиардка арткан. Һәм шул акчаның 4 миллиарды коммерциячел булмаган оешмаларга бирелгән. 

Татарстаннан әлеге бәйгедә быел социаль яктан әһәмиятле 58 проект җиңү яулаган. Җиңүчеләр арасында, әйткәнемчә, «Ярдәм» хәйрия фонды да бар. Аларның «Йөрәк белән күрәбез һәм ишетәбез» дип аталган проектларына бирелгән грант арада иң зурысы – ул 9 миллион сумнан артык. Фонд җитәкчеләре әйтүенчә, бу аларның эшен федерация дәрәҗәсендә тану да булып тора. 

«Йөрәк белән күрәбез һәм ишетәбез» социаль проекты рәсми рәвештә 2018 елның 11 июнендә инде башланып киткән һәм киләсе елның сентябренә кадәр дәвам итәчәк. Ул күрмәүчеләр һәм начар күрүчеләр өчен белем бирү, тернәкләндерү һәм тернәкләндерелгәннән соң кирәк булган чараларны үз эченә ала. Шушы вакыт эчендә 5 группа  – барысы 225 кеше тернәкләндерү курслары узарга өлгерәчәк. «Ярдәм» фондының белем бирү-тернәкләндерү үзәге директоры, «Йөрәк белән күрәбез һәм ишетәбез» проекты җитәкчесе Мәликә ханым Гыйльметдинова: «Аларга бу вакыт эчендә белем бирү, психологик  һәм медицина ярдәме белән беррәттән рухи ярдәм дә күрсәтеләчәк, – диде. –  Күрмәүчеләр һәм начар күрүчеләрнең күбесе үзәккә депрессия хәлендә килә. Аларга аралашу җитми. Бездә алар шул бушлыкны тутырачаклар. Хәтта үзләре кебекләр белән гаилә кору мөмкинлеге дә барлыкка киләчәк».

Проектта катнашу бәхетенә ия булучылар Казаннан кире киткәндә Луи Брайл системасы буенча укырга өйрәнеп, махсус программа ярдәмендә компьютерда аралаша алырлык булып китәчәкләр. Аларны үзләре яшәгән тирәлеккә җайлашырга да өйрәтәчәкләр. Йорт эшләрен үзләре алып барырга, гади генә булса да ризыклар әзерләргә, яшелчәләр, җиләк-җимешләр чистартырга, плитә өстеннән түкмичә, пешмичә кайнар кастрюльләрне ничек алырга икәнен белеп китәчәкләр. 

Аларга дәресләрне кайчандыр шушы үзәктә тернәкләнү узган кешеләр алып барачак. Шундый остазларның берсе – Камәрия Тарасова. 

– Мин тумыштан күрмим, – дип сөйләде ул. – Ун ел элек Казанның Левченко бистәсендә урнашкан «Сөләймания» мәчетендә начар күрүчеләр өчен реабилитация узу мөмкинлеге барын ишетеп килгән идем.
Күзләре күрмәгән бала кыенлыкны сабый чактан ук белеп үсә. Гарип баланы бөтен кеше яратып тормый, кабул да итә алмый. Ачы язмыш сине гомер буе озата. Туксанынчы еллар җиткәч, эшсез дә калдым. Аяк астында җир шуышкан кебек иде ул көннәрдә...
Ул чакта мине мәчеттә Мәликә ханым каршы алды. Мин аңа: «Әни», – дип дәштем. Яшен чамаламагач соң... Коръән укырга өйрәндем. Аннан минем дә үзем кебекләргә булышасым килде. Һәм мин хәзер аларга ярдәм дә итә алам. 

Проектны гамәлгә куючылар курслар вакытында  күрмәүчеләр һәм начар күрүчеләргә юридик ярдәм дә күрсәтеләчәк диләр. Хәтта соңыннан аларга эшкә урнашырга да булышачаклар.  

Фото: Гөлнара Сагиева

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8473
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8747
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8511
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4110
    2
    48
Реклама
Соңгы комментарийлар
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
  • 22 июль 2021 - 11:16
    Без имени
    берниге дэ борчылма. ускенем. Вакытында. белгенсен. шунысына. соен. борчвылма. Узеннен чын. тормышын. алда. эле. Андыйларны. Аллахе. тагэлэ. кичерми. жэзасын. алыр. борчылма.
    Егетем... ике бала атасы икән инде
  • 23 июль 2021 - 11:25
    Без имени
    Бик аянычлы,котычкыч хэл.эх өлгермэгэн шул ана.рэхмэт Физэлия,уңышлар сезгэ.
    Киселгән муел  агачы
  • 22 июль 2021 - 20:00
    Без имени
    И это пройдёт.. Дигән бер акыл иясе. Тормыш тәҗрибәсе шулай туплана инде ул. Кешегә ничек ышанмыйсың... Андый подоноклар да бар инде ул. Елама дип әйтү җиңел лә ул. Син ела, ләкин аңардан файда булырмы дип уйла. Шулай булгач, яшеңне әрәм итмә. Ә ул киләчәктә барыбер бер кирәген алачак. Андыйлар гомергә үзгәрми. Бәхет телим сиңа.
    Егетем... ике бала атасы икән инде
  • 19 июль 2021 - 22:04
    Без имени
    Табаң юк мени, әзрәк башын "сафландырып" алырга. Нинди чит хатын белән язышу ул, син дә аның иренең номерын тап та языша башла. Белми дип тыныч кына йөрмәсеннәр. Син әдәп саклаганда алар мәхәббәт уенын башларлар. Котырту түгел, баштан үткәнгә язу. Сөйләшәсе килсә, ире белән сөйләшсен. Чит ир әйбәт инде. Гаилә алып бару түгел бит. Син юганны киеп, ашатып эчертеп чыгарасың,. Тәтиегет тапкан. Үзенекен тәти итеп тотсын да сөйләшсен. Язып җмбәр үзенә, иреңә язам дип.
    Ирем телефоннан башка хатын белән языша
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан