«Мин һаман да күктән йолдыз чүплим» яки Роберт Миңнуллин апгрейд ясый

“Мин яшимен сезнең арагызда...” – 12 октябрьдә Кәрим Тинчурин театрында халык шагыйре Роберт Миңнуллинның 70 яшьлегенә багышланган кичә шулай дип аталды. Түгәрәк даталарны билгели торган кичәләрдән форматы белән дә, стиле белән дә иң аерылып торганы булгандыр ул, мөгаен. 

Формат дигәннән, Роберт тагын мөгез чыгарамы әллә, дип уйлый күрмәгез. Мөгез чыгармады: шул ук сәхнә, шул ук зал, шул ук Роберт абый, шул ук укучылар. Әмма ул залда да, сәхнәдә дә иде. Һәм кайтырга чыккач, транспортта вакытны бушка уздырмас өчен (һәм тотрыклы гадәт буенча) инстаграмга керүгә – анда да. 

Әнә, бер генә түгел, ә берьюлы дүрт шагыйрь (шагыйрьләр образында Кариев театры артистлары Булат Гатауллин, Илфат Гыйбадуллин, Илназ Хәбибуллин һәм Идел Кыямов) шигырьләр укый. Шигырьләре безгә таныш хикмәтле телдә, хәтта патетикасы да шул ук, әмма моңа кадәр бик күп мәдәни һәм шәхси кабул итү катламнары астында калган тагын бер – төпкел катламы бу дөнья каршына киндер күлмәк, киндер ыштан киеп, яланаяк чыгып басуы белән – көтелмәгәнчә.  

Аның мәхәббәт лирикасы да моңа кадәр монолог итеп кенә тыңлана иде. Искиткеч диалог. Шагыйрьне гашыйк иткән ул хатын-кыз әкият дөньясында яши торган гүзәл түгел, ә гап-гади җир кызы (Кариев театры артисткасы Гөлназ Галимуллина башкарды). Мәхәббәттә диалог булу бу җирдә яшәтә торган бәхет ачкычы түгелмени? 
Татар шигъриятендәге туган авылны, әниләрне сагыну, аның табигатенә дан җырлау мотивлары соңгы вакытта модада түгел (хәзер шигырьдән асфальт исен эзлиләр) йә булмаса хайпта түгел дип әйтик инде. Ә Роберт абый нәкъ шушы темаларны лирик планда да, патетика белән дә укучыларына җиткерә тора һәм оттырмый. Инстаграмдагы аккаунтын бүген 19 меңгә якын кеше юкка гына карап бармый бит.  

Мәйдан тота торган шагыйрьләрне бездә әле, рус әдәбиятына ияреп, трибун дип атау гадәттә. Төркиләрдә аларны чичән, диләр. Роберт абыйны да без 90 еллардан соң бигрәк тә хрестоматик образда чичән шагыйрь итеп күрергә ияләшкән. Билгеле, чичәнлеккә мәйдан кирәк, халык кирәк. Шуңадырмы, Роберт абый бүгенге көндә иң актив инстаблогерларның берсе булып китте. Шагыйрь анда безнең өчен бөтенләй яңа яктан ачылды. Ул “чалбарын пычратып бетергән тиен” белән дә үз итеп сөйләшә. Мондый яңаруны хәзер апгрейд, диләр. Һәм шагыйрь Роберт Миңнуллинның юбилей кичәсе нәкъ шушы апгрейдка корылган иде (сценарий авторы – Луиза Янсуар, режиссеры – Әминә Миндияр). Шуңа да анда иске җырларның яңача башкарылышы да, иске авыздан яңгыраган яңа сүзләр дә, Дәүләт җыр һәм бию ансамбеленең классик “Татар биюе” белән ассоциацияләргә корылган яңача бию дә, юмор белән җитдилек тә гармониядә иде.  

Юбилейга бүләк итеп, гадәттә, орден-медаль яисә Рәхмәт хаты бирелә. Роберт Миңнуллинны  Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил ШәйхразиевТатарстан Президенты Рөстәм Миңнеханов исеменнән котлап, машина ачкычы тапшырды. 

Ул кичтә Роберт абый шундый төрле һәм шундый таныш иде. Ул гүя “Күрдегезме мине, миңа болай рәхәт, сезгә ничек?” – диде. Һәм һәйкәл түгел, тере шагыйрь иде ул...  
                                       

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 9 август 2022 - 17:46
    Без имени
    Хатын кыйнаган кешенен туктаганын кургэнегез бармы?! Хатынга бер суккан кеше беркайчан кыйнаудан туктамый! Беркайчан! Донья кургэн эти эни буларак сез моны анларга тиеш. Картая картая кул белэн уйный торган кеше эшэкелэнэ генэ сэбэпле-сэбэпсез кул кутэрэ. Сез нинди генэ суз эйтсэгездэ тозэтеп була торган тугел! Кызыгыз яшьлеге белэн генэ белгертмэскэ,ярарга тырыша, тозэлер дип омет итэ. Димэк эти энигэ бергерткэн очен тагын кыйнаган?! Белгертэсе килмэсэ дэ кешегэ беленми кала торган эш тугел бу. Эле кызнын таянырга эти энисе тигез. Шуны белэ торын кияу кыйный. Эти энисез яклаучысыз калгач ни кыланачак бу кияу?! Бу кеше белэн яшэсэ алдагы гомерен кыйналып яшэячэк кыз. Кыйнап имгэтэчэк хичшиксез иртэме сонмы. Имгэнгэн хатын иргэ кирэк тугел! Кешедэн ким булып яшисе килми. Белгертэсе килми. Парлы матур тормышта яшисе килэ. Цена вопроса кызыгызнын сэлэмэтлеге. Эти эни якламаса кем яклар?!
    Кияү кызыбызны кыйный?
  • 9 август 2022 - 23:11
    Без имени
    Кем нэрсэ язасы килэ шуны яза, без укыйбыз вахыт эрэм итеп
    Асылташ
  • 9 август 2022 - 09:35
    Без имени
    Ряхмят!Бик яхшы язасыз
     Гомерем усал кайнана, исерек ир белән үтте 5
  • 9 август 2022 - 11:39
    Без имени
    Бигерәк күп күргән сез. Кайтмаска иде, үсәр иде бала. Ййй язмышлар
     Гомерем усал кайнана, исерек ир белән үтте 5
  • 8 август 2022 - 12:19
    Без имени
    Ирегез белән барып, утырып күзгә күз карап сөйләшәсегез калган.Телефо6ан решать итеп буламыни
    Кияү кызыбызны кыйный?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда