Корбан гаете ничәдә башлана, сарыкларны кайдан алып була?

Быелгы Корбан гаете 21 августка туры килә. Ул ел саен Зөлхиҗҗә аеның 10 нчы көнендә билгеләп үтелә.
Бәйрәм вәгазе Казан һәм Татарстан мәчетләрендә иртәнге 04.30 сәгатьтә башлана. Намаз үзе иртәнге 05.00 сәгатьтә укыла. Казанның Галиев мәчетендә укылган гает намазын «Татарстан Яңа Гасыр» каналы турыдан-туры трансляцияләп барачак.

Күп кешене корбан чалу, аның бәясе, кемнәргә тиеш булуы кызыксындыра. Быел нисаб күләме 18500 дип куелган икән. Ягъни, түләүләрен түләгәннән соң гаиләнең шуның кадәр акчасы кала икән, корбан чалдыру фарыз. Күпчелек кеше бәрән чалдыра. Аның бер яшьлек (яше тулмаса да зур һәм көр булса, аны да корбанга чалу ярый), колагы, койрыгы киселмәгән, аксак-туксак булмаган, печелмәгән булуы кирәген һәркем дә белә. Бәрәннән тыш, пар тояклы башка терлекне дә корбанга чалырга ярый: болар: кәҗә, сыер, дөя. Сыер – ике яшендә, дөя биш яшендә булырга тиеш. Сарыкларның уртача бәясе – 7000 мең сум. Корбан малын сатып алганда сатулашырга ярамый.

Быел Казанның 18 урынында корбан малын сатып алырга һәм чалдырырга була.

Махсус урыннар Чистайда – Ислам үзәге янында һәм «Әнәс» мәчетендә;
Түбән Камада  Үзәк мәчет янында;
Чаллыда Сидоровка бистәсендә һәм Әлмәт шәһәрләрендә бар.
Корбанлыкларга гаризаларны «Зәкят» фонды да кабул итә.
Телефоны: 225-33-22.

«Зәкят» фонды Гает алдыннан авыру балаларга ярдәм йөзеннән ел саен хәйрия чарасы да уздыра. Быел ул аутизм чиреннән интегүче Арсений Бурнин исемле малай өчен җыелачак. Гадәттә, җыелган акчалар берничә балага ярдәм күрсәтергә җитә икән. Ярдәм итү теләге булган кешеләр 7715 номерына САДАКА сүзе белән смс юллый ала. Акчаны 639002629014626229 (Әлмәтов И.М.) номерлы Сбербанк картасына да күчереп була.

Корбан бәйрәме алдыннан «Хозур» нәшрияты «Корбан» дигән китап чыгарган. Анда корбан чалу тарихыннан алып, кагыйдәләре, шартлары – барысы да бар.

Ел саен күпләрне гел бер сораулар бимазалый – корбанның эчен-башын, аяк-тоягын, тиресен кая куярга. Сөякләрен нишләтергә. Казандагы корбан чалу урыннарында эчәкләре, аяк-тояклары өчен махсус контейнерлар куелачак. Тиресен дә шунда калдырып була. Чөнки корбан малының тиресен үз хаҗәтең өчен кулланырга ярамый. Аны саткан акча да сәдакага гына тотылырга тиеш.
Кызганыч, Татарстанда тире җыю белән шөгыльләнү юк дәрәҗәсендә.
Ә менә үз хуҗалыгыңда чалган малның эчәкләрен, калыдк-постыгын, сөякләрен күмеп куярга кушалар. Аны чүплеккә ташлап, каргалар теләсә кайда ауната башласа, мәкрүһ була. Ә менә сөякләрен, калдык-постык итләрен йортта асралган этләргә бирсәң ярый, урам этләренә генә ашатырга ярамый.  

Корбан гаетендә бүләк бирешү, кунакка бару, кунаклар чакыру күркәм санала. Бигрәк тә балаларны шатландыру мактала. Корбан гаете 3 көн бара, ләкин корбанлыкны беренче көнне чалдыру хәерлерәк. Кояш баегач, малны чалмыйлар. Пәйгамбәрләрнең сәхәбәләре корбан итен өчкә бхлгәннәр. Бер өлешен үзләренә алып калганнар, бер өлешен туганнарына, бер өлешен мохтаҗларга биргәннәр. Болай эшләү – сөннәт.

Корбан чалганда дога кылуга килсәк, Пәйгамбәребез Мөхәммәд (с.г.в.) корбан чалганда түбәндәге доганы укыган: «Бисмилләһи Аллаһү әкбәр». Шулай ук, түбәндәге сүзләрне дә өстәргә мөмкин: «Аллаһүммә хәзә минкәвә ләкә» (Йә Аллаһ. Ул Синнән килгән һәм Сиңа (корбан чалабыз). Шулай ук, корбан чалган урында булырга кирәк, чөнки пәйгамбәребез (с.г.в.) кызы Фатыймага болай дигән: «Бар, корбан чалган урында тор, чөнки корбанның беренче кан тамчысы таму белән, гөнаһлар кичерелә башлый, һәм болай диген: «Иннәс- сәләти вә нүсүки вә мәхйәйә вә мәмәти лилләһи раббил галәмин лә шәрикәләһү вә бизәликә үмиртү вә әнә минәл мүснә».

Казанда корбан чалу урыннарының адреслары, телефоннары:
«Казан нуры»
Фатыйх Әмирхан урамы, 3. 523-16-55

«Салихҗан»
Бестужев урамы, 66а. 513-66-50

«Әл-Мәрҗани»
Каюм Насыйри урамы, 17. 293-36-86. +79372841902

«Гадел»
Оренбург тракты, 193. 269-50-37

«Ризван»
Хөсәен Мәүлетов урамы, 48а. 224-38-47

«Апанай»
Каюм Насыйри урамы, 27. 293-42-92

«Тынычлык»
Мелитопольская урамы, 15 (Тынычлык) +79272495667. +79047678161

«Әҗем»
Фәткуллин урамы, 15

Бертуган Петряевлар урамындагы комплекс
Бертуган Петряевлар урамы

«Ярдәм»
Серов урамы, 4 а
223-03-59, 223-03-66, +79047609950

«Рамазан»
Окольная урамы, 256. 260-03-13

«Мәүлид»
Селянская урамы, 23 (Залесный)

«Җомга»
Ильич урамы, 4

«Котдус»
Яснополянский тыкрыгы, 16 (Карьер) +79178591804

«Иман нуры»
Дорожная урамы, 32а (Нагорный)

«Дин-Ислам»
Чишмәле урамы, 17а. 262-30-88

«Билал»
Иркен урамы, 29 (Вознесенское)

Корбан чалу комплексы
Мамадыш тракты, 40

фото: https://pixabay.com/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9209
    10
    113
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9260
    8
    77
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4996
    4
    58
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    3462
    0
    37
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6213
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан