Кем диктант язарга тели – әзерләнегез!

3 ноябрь көнне Россиянең барлык регионнарында, якын һәм ерак чит илләрдә: Әрмәнстанда, Әзербайҗанда, Белоруссиядә, Казакъстанда, Кыргызстанда, Молдовада, Тадҗикстанда, Төрекмәнстанда, Үзбәкстанда, шулай ук Абхазиядә һәм Көньяк Осетиядә «Зур этнографик диктант» үтәчәк. Бу хакта бүген «Татар-информ» мәгълүмат агентлыгы уздырган матбугат конференциясендә хәбәр иттеләр.

Күршебездә кемнәр, нинди халыклар яши, аларның мәдәнияте безнекеннән  нәрсәсе белән аерыла? Диктант сораулары, башлыча, шушыларны күздә тотып төзелгән. Аларга җавап бирү өчен галим булу кирәкми, дөньяга кызыксынып  карау да җитә. 
– Узган ел Татарстанда бу акциягә 1500 кеше кушылган иде, – диде Татарстан Республикасы Мәдәният министры урынбасары Гүзәл Шәрипова. – Без Россия буйлап иң зур нәтиҗәне күрсәттек: уртача баллыбыз  – 81,3. Быел да сынатмаска иде. 

Берничә җөмлә белән:
  • Диктант 3 ноябрь көнне иртәнге сәгать 10 да башланачак. Ул 45 минут дәвам итәчәк.
 
  •  Диктант вакытында 30 сорауга җавап бирергә туры киләчәк. Шул сорауларның унысы үзебезнең регион белән бәйле булачак. 
 
  •  Акцияне уздыру өчен Татарстанда 22 мәйданчык әзерләнгән: Әгерҗе, Азнакай, Аксубай, Әлмәт, Арча, Байлы, Бөгелмә, Алабуга, Яшел Үзән, Минзәлә, Кукмара, Чирмешән, Балтач, Чүпрәле, Тәтеш, Нурлат, Лениногорски районнарында, Чаллыда, Түбән Камада. 
 
  • Казаннар Диктантны ике мәйданчыкка килеп яза ала: Халыклар дуслыгы йортында (Павлюхин урамы, 47) һәм Казан федераль университетында (Сульяк Болак урамы, 44). 

  • Мәйданчыкларда теркәү иртәнге 9да башлана. Үзең белән ручка алырга онытмаска кирәк. Кулыңда документ булу мәҗбүри түгел. Һәр катнашучыга сертификат тапшырылачак. 
 
  • Диктантка җавапларны өйдән чыкмыйча, интернет аша гына да бирергә мөмкин. Бу очракта да моның өчен 45 минут вакыт бирелә. 
 
  • Нәтиҗәләр 12 декабрь көнне ясалачак. 
 
  • Узган ел әлеге акциядә Казанда күбрәк студентлар катнашкан.
 
  •  2016 елда Россиядә «Зур этнографик диктант»ны 90 мең кеше язган. Шуның 35 меңе – мәйданчыкларга килеп җавап биргән, 50 меңнән артыгы онлайн юлны сайлаган.
 
  • Диктантка катшаучыларның иң яше Ульян өлкәсеннән булган. Ул кызга 12 яшь. Ә иң өлкән катнашучы – Мордовиядән. Әлеге ир-атка 80 яшь.
 
  • Ил буенча былтыргы уртача балл – 54. 

 
фото: http://tatar-inform.tatar/news/2017/10/25/151001/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2511
    28
    243
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    6423
    2
    94
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан