Логотип
Яңалыклар

Казанда III Республика «Мәдәниятләр мозаикасы» фестивале узды

Кичә, 16 октябрьдә Казанда – Идел буе физик культура, спрот һәм туризм академиясендә «Мәдәниятләр мозаикасы» дип аталган III республика этноконфессия фестивале узды. Чараның мәртәбәле кунаклары арасында Бөтендөнья Яшьләр һәм студентлар фестивале делегатлары да бар иде. Бәйрәмне оештыручылар сәгать ярым эчендә кунакларга Тататарстанда яшәүче 173 милләтнең гореф-гадәтен, йолаларын күрсәтеп өлгерергә тырышты.

Концерт башланырга бер сәгать кала академия холлында делегатларга милли кием-салым, зиннәт әйберләре, халык сәнәгате үрнәкләре белән танышу мөмкинлеге булдырылган иде. Шушында ук теләгән кеше татар халкының күн мозаикасын кулланып «Өчпочмак» чигү, чуаш хатын-кызларының баш киемен тегү, чынаякка бизәк төшерү, удмуртларның киез якаларын ясау, русларның курчак-бөтиләрен тегү, татарларның калфак-кәләпүшләрен чигү буенча мастер-классларда катнаша алды.



Яшьләр фестивалендә катнашучылар милли йолалалар белән генә танышып калмадылар, милил ризыклардан да авыз иттеләр. Холлда мари һәм удмурт диаспорасы милли ризыклардан табын әзерләгәннәр иде. Делегатларны сәламләп, Татарстанның Дәүләт Советы рәисе урынбасары Римма Ратникова: «Безнең Татарстанда 173 милләт яши. Бу күп, без, илебез кебек үк, гаять тә күпмилләтле республика. Республикабызда яшьләр күп, шулай ук фәнни үзәкләр, югары уку йортлары да җитәрлек. Бездә укырга Россиянең төрле төбәкләреннән генә түгел, хәтта чит илләрдән дә киләләр. Казанда яхшы һәм сыйфатлы белем алып була. Өстәвенә Казанда тыныч, монда беркем дә беркемне тән төсе, күз уемы яки милли киеме өчен кимсетмәячәк. Һәм бу безнең яшәү рәвешебез, без моның белән горурланабыз» , – диде ул.

Бәйрәм концерты Бөтендөнья яшьләр һәм студентлар фестиваленең төбәк программасына нисбәтләп узды. Исегезгә төшерәбез, 14-22 октябрь көннәрендә Сочига дөньяның төрле илләреннән 20 меңгә якын яшьләр җыелды. Кунакларны Россиянең 15 төбәге, шул исәптән Татарстан белән дә таныштыру каралган.



фото: Рамиль Гали
 

Следите за самым важным и интересным в Telegram-каналеТатмедиа

Комментарий юк

Хәзер укыйлар