Иң тырыш почтальон Түбән Саснада яши
1 апрельдә 2016 елның икенче яртыеллыгына газета һәм журналларга язылу кампаниясе башлана. Агымдагы елның беренче яртыеллыгы нәтиҗәләре буенча “Татмедиа” акционерлык җәмгыяте Татарстанның иң күп подписка җыйган почтальоннарын бүләкләде.
“Татмедиа” акционерлык җәмгыяте генераль директоры Андрей Кузьмин почтальоннар арасында уздырылган бәйгедә җиңүчеләрне Казанга җыеп котлады. Йорттан йортка йөреп, кешеләргә почта тараткан, һәр подписка чорында газета-журналларга яздырган, еш кына җирле халыкның иң якын кешесенә әйләнгән почтальоннарга һәм, гомумән, бөтен почта бүлекләренә рәхмәтләрен җиткерде. Мәгълүм булганча, әлеге бәйгедә катнашу өчен подписка чорында “Татмедиа” җәмгыятенә караган район яки шәһәр газеталарына узган елдан күбрәк кешене яздыртырга кирәк. Бу күрсәткечне кимендә 5 процентка арттыру мәҗбүри иде. Шулай ук почтальон хезмәт күрсәткән җирлектә яшәүчеләр санына карап, аларның күпмесе газета-журналлар алдыруына да игътибар бирелде. 2016 елның беренче яртыеллыгына йомгак ясап, “Татмедиа” акционерлык җәмгыяте “Иң яхшы авыл почтальоны” дип Балтач районы Түбән Сасна авылында 26 ел почтальон булып эшләүче Гөлзилә Әхмәтҗанованы таныды. Аның тырышлыгы белән авылның 77 проценты газета-журналлар укый. Агымдагы ярты еллыкта авылда 208 кеше районның “Хезмәт” газетасын алдырта. Үткән елның беренче яртыеллыгы белән чагыштырганда, ул бу юлы 10 процентка күбрәк кешене яздырткан. “Мин инде пенсия яшенә җиттем, тик халык ялга чыгуымны теләми, тагын эшлә әле дип сорыйлар. Гомер буена шушы авылда хат ташучы булып эшләдем, көн саен җәяүләп биш чакрым юл йөрим. Халык та, җитәкчеләр дә хезмәтемне күрәләр, бәялиләр, район редакциясеннән, Россия һәм Татарстан почта идарәләреннән дә Рәхмәт язулары белән бүләкләделәр”, – дип сөйли Гөлзилә Әхмәтҗанова. “Иң яхшы кече шәһәр почтальоны” номинациясендә Буа шәһәреннән, 30 ел гомерен почта хезмәтенә багышлаган Надежда Майорова җиңде. Ул 20 чакрымны биләгән участок өчен җаваплы, әлеге җирлектәге хуҗалыкларның 75 проценты район газетасын ала. 2016 елның беренче яртыеллыгына Надежда ханым 450 кешене район газетасына яздыртып, узган подписка чорыннан 5,9 процентка күбрәк укучыны җәлеп иткән. “Иң яхшы шәһәр почтальоны” номинациясендә Түбән Кама шәһәреннән Вера Ефремова җиңү яулады. Узган подписка чорында аларның почта бүлеге 9,5 процентка үсеш күрсәткән. “Иң яхшы почта бүлеге” дип исә Кама Тамагы почтамтының Куйбышев Затоны почта бүлеге аталды. Биш кешедән торган, шул исәптән өч хат ташучы эшләгән почта бүлеге җитәкчесе Венера Истопленникова сүзләренчә, бу җиңү коллектив өчен куанычлы хәбәр. “Безнең коллективта яшьләр көч куя. Дус-тату эшлибез. Газета-журналларга язылу чорында кешеләргә аңлатабыз, яздыртабыз. Соңгы елларда газеталарны урта һәм өлкән яшьтәгеләр алдырта, ә яшьләр интернетка береккән, аларны да газета укырга тартырга теләгебез зур”, – ди Венера Истопленникова. Бәйгедә җиңгән почтальоннарны “Почта России” предприятиесенең филиалы – “Татарстан Почтасы” идарәсе башлыгы урынбасары Светлана Гришина да тәбрикләде. “Татарстан Россиянең башка төбәкләре белән чагыштырганда, әле дә иң күп укый торган төбәк булып кала. 2016 елның беренче яртыеллыгы нәтиҗәләренә караганда, безнең республикада 1 мең кешегә яздырылган 339 данә вакытлы матбугат туры килә. Бер елда “Татарстан почтасы” халыкка 45 миллион данә газета һәм журнал тарата, шуларның 20 миллионы – “Татмедиа” басмалары. Димәк, “Татмедиа” җәмгыяте почта хезмәтенең төп хезмәттәше икәне аңлашыла. Без бер-беребезгә терәк. Киләсе подписка чорында да бергәләп уңышлы эшлик, тиражларны саклау һәм үстерү өчен тырышыйк”, – дип теләде Светлана Гришина. 2016 елның икенче яртыеллыгы нәтиҗәләре буенча да алдынгы почтальоннарны бәяләячәкләр.
Татар хатын-кызлары өчен кызыклы язмаларны Сөембикә Telegram-каналында укыгыз
-
Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
-
Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
-
Хыялдагы ир-ат Үсмер чакта ук ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак.
-
Галим – Кире әйләнеп кайтасың булма, эзең дә булмасын! – дип ярсып кычкыра иде хатын. Бу сүзләрне ишетүгә Галим башын тотып чүгәләп утырды. – Барысы да искә төште, Гөлсинә... – диде ул.
-
27 май 2022 - 11:00Без имениБик матур язгансыз, узегезнен йэзегездэ дэ эбиегез чалымнары барЯлындырам, янәсе...
-
27 май 2022 - 19:14Без имениЗаманасы шундый,ипташем 6 бала гаилада ускеннар,бер берсе белен йорешмилар,ваатсаптан салам жибарешеп яшилер Чаллыда.Бай туганыбыз туенда кадерсез кунаклар булдык
-
26 май 2022 - 20:32Без имениУкып торасым да килми, ташладым. Уз рэхэтеннэн китеп, кайнанайны курэ-ишетэ торып, ниемэ кайтырга иде? Бала карар, ашарга пешерер дип ометлэнеп? Уз тарткан картасы, тарта-тарта ашасы. Чык та китИнде минем чират...
-
27 май 2022 - 06:58Без имениБезнен, тормышлар уртак та кебек автор белан. Мин дэ иремне дэ, баламны да Ходайдан сорадым. Хэзер аллага шокер баламда туды, иремдэ бик эйбат кеше.Мин аны Ходайдан сорап алдым
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.