Гарәб Әмирлекләрендә яшәүче милләттәшләр Интернетта Тукай әсәрләрен уку буенча конкурс уздыра

“Бөек шагыйребез Габдулла Тукай шигырьләрен сөйләүчеләр арасындагы бәйгедә катнашырга чакырабыз!” – Берләшкән Гарәб Әмирлекләрендә яшәүче бертуган Рузалин, Руслан һәм Рим Хәмидуллиннар социаль челтәрләрдә шундый видеоигълан белән мөрәҗәгать итте. Кул көрәше батырлары буларак танылу алган татар егетләре Тукайның “Туган тел” шигырен сәнгатьле итеп укуны бәйге шарты итеп куйганнар.

12 яшькә кадәрге балалар арасында үткәрелә торган әлеге иҗади бәйгене шушы конкурсның төп химаячысы, Берләшкән Гарәп Әмирлекләрендә яшәүче татар эшмәкәре Исмәгыйль Шәнгәрәевнең улы Сәлим башлап җибәргән. Инде дистәләп видеоязма урнаштырылган. Алардан күренгәнчә,Тукайның Туган тел”ен берничә бала гына укый алган, Тукайның “Шүрәле”, “Кышкы кич” һәм башка шигырьләрен укучылар исә шактый җыелган. Балаларның берсе “Таян Аллага” шигырен мәчет эчендә тәэсирле итеп яттан сөйли. Конкурстан тыш, осталык дәресе сыйфатында “Ана догасы” тәкъдим ителгән.

Конкурста катнашу өчен Габдулла Тукай шигырен сөйләгән видеоязманы #татарбэйгесе хэштэгы белән Инстаграм яисә Вконтакте челтәрләренә 2016 елның 5нче июленә кадәр урнаштырырга кирәк. Баштарак беренче урынга лаек дип табылучыга 5 000 сум, икенче урынга 3000 сум, өченче урынга 2000 сум акча биреләчәк, дип вәгъдә ителсә, хәзер приз фондын арттырырга булганнар – бу хакта видеомөрәҗәгать бар. Шулай ук алар химаячы сыйфатында шушы мактаулы эшкә кушылырга өнди.

Жюри составында: Исмәгыйль Шәнгәрәев, Руслан, Рузалин һәм Рим Хәмидуллиннар. Жюри беренче урынга лаеклыны үзе сайлый, икенче һәм өченче урыннарны билгеләгәндә социаль челтәрләрдә күп лайк, комментарий, репост җыючылар исәпкә алыначак.

“Кеше кайда гына яшәмәсен, кайда гына эшләмәсен, тамырларын онытмаска, милләтен яшәтер өчен тырышырга тиеш. Дөнья буйлап таралган татарларга бу аеруча кагыла. Гомумән, милләтемә, аның үсеп килүче яшь буынына әз генә булса да файда китерәсе килде”, - дип җавап бирде Исмәгыйль Шәнгәрәев "Татар-информ" хәбәрчесенең әлеге бәйгенең максатлары турындагы соравына.

"Башка кәвем арасында гомер иткәч, балаларыбызның теле бозыла, туган телебезне өйрәнергә кызыксындырырга, үзләре кебекләр белән виртуаль дөньяда да таныштырырга кирәк санадык. Конкурста катнашкан балаларның чыгышларын бәяләү авыр булачагын инде аңладык, беренче генә шундый эшкә алынуыбыз", - дип сөйләде үзе дә 11 бала атасы һәм 7 сабыйның дәү әтисе булган Исмәгыйль Шәнгәрәев. “Эшеңнең нәтиҗәсен күрсәң, хезмәт бик зур канәгатьлек китерә. Ә балалар – ул гаять зур бәхет, алар турында кайгырту, алар белән булу шатлык кына. Балалар - тормыш бизәге, Аллаһы Тәгаләнең бүләге. Бөтен тормышың, уңышлы булса бигрәк тә, балаларга багышланырга тиеш дип саныйм. Бәйге оештырып, балаларда милләтебезгә, телебезгә карата горурлык орлыгы саласы килде, анда күбрәк бала катнашсын иде”, - дип билгеләп үтте милләттәшебез.

чыганак

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2196
    28
    234
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5958
    2
    86
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан