«Фәридә чишмәсе»

Сөмбел бүген редакциягә эчтән балкып, ниндидер бер якты нурга күмелеп  килеп керде. Бердән, ялдан соң эшкә чыгуы: сагындырган. Аннары туганнары белән бик изге эш башкарып килгәннәр – Кукмара районы Камышлы авылында «Фәридә» чишмәсен ачканнар.

Әлеге чишмә Свердловск өлкәсенең Березовский шәһәрендә туып, Камышлы авылында үскән галимә Гаффарова Фәридә Юлдаш кызы истәлегенә кызлары Ләйлә һәм Сөмбел иганәчелегендә авыл халкы тырышлыгы белән төзекләндерелгән.

Фәридә ханым – Казан дәүләт университетының тарих-филология факультетын тәмамлап, Г. Ибраһимов исемендәге Тел, әдәбият һәм тарих институтында,Татарстан Фәннәр Академиясенең Ш. Мәрҗани исемендәге Тарих институтында эшләп, үзен төпле фикерле, туры сүзле, ярдәмчел, олы җанлы галимә итеп таныткан зур шәхес. Хезмәттәшләре, дуслары, җитәкчеләре бик ярата, хөрмәт итә иде аны. Фәридә Гаффарованың гыйльми китаплары, фәнни мәкаләләре татар халкының мәшһүр шәхесләрен киң җәмәгатьчелеккә танытты. Алар – тарихыбызны яңарткан зур эшләр. Фәридә ханым – кандидатлык диссертациясен туган телебездә яклаган (1997 ел) беренче галимебез. 

Болар халкында кат-кат искә төшерәләр, матур хатирәләр сөйлиләр. 
«Ошбу чишмәгә килүчеләрнең ризалыгы, рәхмәт сүзләре татар халкы өчен җан атып яшәгән Әниебезнең рухына дога булып ирешә торсын иде. Амин». Ләйлә белән Сөмбелнең шул сүзләреннән, тәбрикләүләрдән соң, ал тасманы кисеп, чишмә суыннан авыз итәләр.

Тантанада район башкарма комитеты җитәкчесе Азат Гарифуллин, Березняк авыл җирлеге башлыгы Рөстәм Шәрипов, район мөхтәсибе Зиннур хәзрәт Сәмигуллин, Камышлы авылы имам-хатыйбы Рәдиф хәзрәт Тимергалиев, авыл халкы, кайткан кунаклар катнаша.

...Камышлы авылы халкын сөендереп, челтер-челтер чишмә ага. «Фәридә» чишмәсе. Ул Фәридәнең үзе кебек юмарт, армас-талмас, мәрхәмәтле.  

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2175
    28
    234
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5935
    2
    85
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан