Евразия язучылар берлеге рәисе "Татмедиа"да кунакта

Бүген "Татмедиа" бинасында Евразия язучылар берлеге рәисе Якуп Омероглы  белән очрашу булды. Чарада Татарстан каләм әһелләре, татар журналларының җитәкчеләре фикер алышты. Очрашу Россиядә әдәбият елы уңаеннан оештырылды.

Каләм әһелләре  татарларның төрки дөньяда тоткан урыннары хакында бәян иттеләр. “Кызганыч ки, без төркиләр бер-беребезнең әдәбиятыннан тиешенчә  дәрәҗәдә белмибез. Төркиядә гомер итүче татарлар да үз гаиләләрендә татарча сөйләшә, ә милли әсәрләрен төрек теленә тәрҗемә итеп балаларына тәкъдим итмиләр. Шәхсән мин үзем татар булсам, тәрҗемә кылыр идем,” - дип белдерде үз фикерен Якуп Омероглы.

Якуп әфәнде татарларның башка төрки халыкларга караганда укымышлырак икәнлегенә дә тукталды. Шулай да хәзерге заманда техник яктан зур мөмкинлекләр булган очракта да, аралашу, нәтиҗәле эш-гамәлләрнең сүлпән баруына да басым ясады. Бүгенге мөмкинлекләрдән элеккеге галимнәребез файдаланган булса, нинди гамәлләр генә майтармаган булырлар икән? Хәзер без бераз ялкауландык шикелле, дигән фикерләр дә яңгырады утырыш вакытында.

Тарихи романнар авторы, “Мәдәни җомга” газетасы мөхәррире Вахит ага Имамов уртак матбугат кирәклеге хакында әйтте. “Мондый журналыбыз булса, безгә аралашу, бер-берләребезнең әсәрләре белән танышып бару, тәрҗемә кылу эше дә күпкә отышлырак булыр иде. Мондый матбугатны фәкать бәйсез төрки дәүләт кенә тормышка ашыра ала", – дип үз фикерен җиткерде.

Язучы фикерен “Татмедиа” АҖ генераль директоры урынбасары Сөмбел Таишева да хуплады. Татмедиа тырышлыгы белән киләчәктә үзара хәбәр-агентлыгы оештырып төрки дөнья яңалыклары белән таныштырып бару аралашуны якынайтыр дигән өметтә ул.

Узган елның август аенда әдәби журнал мөхәррирләренең форумы Казанда булган иде. Әлеге форум барышында төрки телле журналлар порталы тәкъдир ителгән.

Татарстан язучылар берлеге рәисе урынбасары Данил Ибраһимов шушы көннәрдә Казанда баручы “Нәүрүз” төрки халыклар театрлары фестиваленең уңышлы проект икәнен искә төшерде. Яшь төрки язучылар формы, Төрки журналистлар берлеге корылтайларын уздыруны санап узды.

Олы кунак “Мәгариф”, “Идел”, “Гаилә һәм мәктәп” журнал редакцияләре белән танышты. Татар язучыларын төрек укучысы белән таныштыруда зур көч куючы тәрҗемәче Фатих Кутлу әлеге басмаларның эшен югары бәяләде.

Сылтама: http://intertat.ru/tt/multimedia-tt/item/45089-evraziya-yazuchyilar-berlege-r%D3%99ise-tatmediada-kunakta.html

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6264
    7
    62
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    5659
    3
    49
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4054
    0
    42
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2677
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    8919
    6
    35
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда