Безне нинди үзгәрешләр көтә?

Безне быел нинди үзгәрешләр көтә? Нәрсәгә әзер булып торырга? Күп балалы әниләрнең, өлкәннәрнең, физик мөмкинлеге чикле кешеләрнең хәле тагын да катлауланмасмы?
Берсеннән-берсе уйландырырлык сорауларны Татарстан Республикасының хезмәт, мәшгульлек һәм социаль яклау министры Эльмира Әмир кызы ЗАРИПОВАга юллыйбыз.

Ниһаять, быелның гыйнвар аеннан әле 2013 елның 28 декабрендә үк кабул ителгән «Россия Федерациясе гражданнарына социаль хезмәт күрсәтү нигезләре турында»гы федераль закон көченә керде. Шуның нигезендә «Татарстан Республикасы гражданнарына социаль хезмәт күрсәтү өлкәсендә кайбер мәсьәләләрне көйләү турында» Татарстан Республикасы законы һәм берничә норматив-хокукый акт кабул ителде. Бездә пенсиясе аз булган пенсионерларга бушлай социаль хезмәт күрсәтү каралган. Әгәр дә ул элек кереме 5709 сумнан түбән булган кешеләргә генә күрсәтелсә, хәзер инде андый кадер-хөрмәтне кереме 8563,5 сумнан түбән пенсионерлар да күрәчәк. Шушы уңайдан кертелгән яңалыкка гына игътибар итик: элек ата-аналарга 15 яшькә чаклы булган авыру баланы караган өчен пособие түләнсә, бу елның 1 гыйнварыннан ата-аналар балага 18 яшь тулганчы пособие алачак. Балалы гаиләләргә күрсәтелә торган ярдәмнең артуын да әйтик: бала тугач та бер мәртәбә бирелә торган ярдәмнең күләме хәзер 14497,8 сум тәшкил итә; баласы яшь ярымга җиткәнче өйдә утыручы әниләргә ай саен: беренче балага – 2718,3 сум, икенче һәм аннан да күбрәк балалы әниләргә – 5436,7 сум акча бирелеп барылачак. Әйтергә кирәк, Ана капиталының суммасы да артты – ул 453026 сумга җитте. Россия Федерациясендә иң аз хезмәт хакы 5965 сум булса,

Татарстанда ул икътисадның казнаныкы булмаган секторларында эшләүчеләр өчен 6420 сумны тәшкил итә. Күп булмаса да, аермасы бар һәм ул безнең файдага.
Язманың дәвамын «Сөембикә» журналының гыйнвар саныннан укый аласыз.