Яңалыклар

Балалы гаиләләргә ярдәм итәләр

автор, 18 гыйнвар 2016 - 00:00
749
0
0
Ел саен 1 гыйнвардан пособиеләр берникадәр арттырыла. Федераль һәм республика законнары тарафыннан расланган социаль түләү күләмнәре агымдагы елда да үзгәрде. Бала тугач бер тапкыр бирелә торган пособие күләме хәзер 14 497 сум тәшкил итә (2015 елда 13 742 сум иде).
Яшь ярымга кадәр бала караган әниләргә айлык пособие күләме артты. Әйтик, беренче баланы караган өчен - 2 718, икенче һәм аннан соңгы баланы караган өчен - 5 436,67 сум.

Ана капиталы озайтылды, әмма индексацияләнмәде

2016 елда тәмамланырга тиешле «Ана капиталы» программасын, өстәмә чыгымнарны күтәрү никадәр кыен булуга да карамастан, тагын ике елга озайтылар. Әлеге программадан 6,5 миллион гаилә (Татарстанда – 193 мең) файдаланган инде. Алга таба да бу башлангыч табигый үсешкә ярдәм итәр дип көтелә.

Әмма агымдагы елда ана капиталы күләме беренче тапкыр индексацияләнмичә калды. Аның күләме былтыргы кебек (453 мең 26 сум) сакланды. Әти-әни бу акчаны, элеккечә, торак шартларын яхшыртуга, баланы укытуга һәм ананың хезмәт пенсиясенең тупланма өлешен формалаштыруга юнәлтә ала. Быелның тагын бер яңалыгы – әлеге сертификатны инвалид балалар ихтыяҗларына тотарга рөхсәт ителде.

Бакча кыйммәтләнә, субсидияләр саклана...

Быелның 1 гыйнварыннан Татарстанда балалар бакчасы өчен ата-аналар түләргә тиешле акчаның күләме артты. Бу үсеш 8 процент - 180 сумнан 270 сумга кадәр тәшкил итте.

Түләүләр оешманың төренә, эш вакытына һәм сабыйның яшенә бәйле. Әйтик, бүген 3 яшьтән зуррак баланы бакчага йөрткән өчен ата-аналар 2563 сум түләсә, киләсе елның гыйнварыннан ул 207 сумга артып, 2770 сум тәшкил итәчәк.

Түләүләрнең артуы мәктәпкәчә мәгариф оешмаларын финанслауга чыгымнарның үсүе, балалар бакчалары персоналының хезмәт хакы, азык-төлек бәясе арту белән бәйле. Шул ук вакытта бала карау чыгымнарының күп өлешен – 70 проценты чамасын дәүләт үз өстенә ала.

Шул ук вакытта ата-аналар өчен барлык ташламалар һәм компенсацияләр саклана. Беренчедән, һәркемгә федераль субсидия тиешле: беренче балага – 20, икенчесенә - 50, өченчесенә 70 процент кире кайтарыла. Икенчедән, республика казнасыннан да өстәмә компенсация түләнә. Кереме җан башына 20 мең сумнан артмаган һәр кеше әлеге төбәк ярдәменә өмет итә ала.

Моннан тыш, күпбалалы гаиләләргә ташламалар саклана. Физик мөмкинлекләре чикләнгән, туберкулез интоксикацияле балалар, ятим һәм ата-ана тәрбиясеннән мәхрүм сабыйлар балалар бакчаларына бушлай йөри.

сылтама: http://intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Төркәлү
Cимвол калды:
Реклама
Хәзер укыйлар
  • Татар гаиләсе / килен-кайнана
    «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4557
    11
    115
  • Күңелеңә җыйма
    Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13173
    2
    90
  • Татар гаиләсе / килен-кайнана
    «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2827
    9
    88
  • Күңелеңә җыйма
    Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11336
    13
    75
  • Күңелеңә җыйма
     Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13783
    4
    73
Реклама
Соңгы комментарийлар
Реклама
Фотогалерея
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Барлык язмалар
© 2011 - 2022. Сөембикә. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Сөембикә
№ свидетельства о регистрации СМИ, дата: Эл № ФС77-67913 от 6.12.2016 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Маликова Лариса Николаевна
Адрес редакции: 420066, г. Казань, ул. Декабристов, д. 2
Телефон редакции: (843) 222-09-77
E-mail редакции: suumbike@tatmedia.com, ssuum@yandex.ru
Для сообщений о фактах коррупции suumbike.dir@tatmedia.com
Учредитель СМИ: АО «ТАТМЕДИА»
Политика о персональных данных
Антикоррупционная политика
Телефон АО «ТАТМЕДИА»: (843) 222 09 84
Яндекс.Метрика
16+