Балалар бакчасына түлəүлəр арта

Кими, дисəлəр гаҗəплəнер идек. Ə түлəүлəр артуга күнеккəн инде без. Əле ярый узган ел һəм аннан алдагы еллар белəн чагыштырганда, арту күлəме əллə ни күп түгел – 4 процент. Татарстан Мəгариф һəм фəн министрының беренче урынбасары Илсур Һəдиуллин əйткəнчə, быелның 1 гыйнварыннан булачак мондый үзгəрешлəр балалар бакчаларын тотуга чыгымнарның үсүе, азык-төлек продуктларына, хуҗалык-көнкүреш товарларына бəялəрнең, бакчада эшлəүче персоналга эш хакларының артуы белəн аңлатыла. Баланың нинди төркемгə керүенə, ничə яшьтə булуына һəм эш режимына карап, түлəүлəр 104 сумнан 187 сумга кадəр артачак. Мисалга, Казан шəһəренең гомумүсеш юнəлешендəге балалар бакчаларында тəрбиялəнүче 3 яшьтəн 7 яшькəчə (ун сəгать ярымлык эш режимы белəн) балалар өчен бу арту 120 сум тəшкил итəчəк.

Шунысы яхшы: түлəүлəргə федераль һəм республика дəрəҗəсендəге ташламалар һəм компенсациялəр шул килеш, ягъни үзгəрешсез кала. Əйтик, «Росссия Федерациясендə мəгариф турында»гы закон нигезендə, инвалид балалар, туберкулез интоксикациясе булган балалар, ятимнəр һəм караучысыз калган балалар бакчага бушлай йөри. Күп балалы гаилəлəр, республика билгелəгəн ташлама буенча,
күрсəтелгəн сумманың яртысын гына түлилəр. Ə инде калган əти-əнилəр бакчага йөргəн беренче баласы өчен – 20 процент, икенче баласы өчен – 50 процент, өченчесе өчен 70 процент компенсация алалар. Ул гаилə кеременə карамый, һəркемгə түлəнə. Бакчада ун сəгать ярым булган 3 яшьтəн 7 яшькəчə балалар өчен компенсация күлəме түбəндəгечə: гаилəдəге беренче балага –314,4 сум; икенче балага – 786 сум; өченче һəм аннан соңгы балага – 549,5 сум.


Муниципаль дəрəҗəдə билгелəнгəн компенсациянең тагын бер төре... Анысы гражданнарның кеременə бəйле. Моңа кереме җан башына 20 меңнəн кимрəк булган гаилəлəр өмет итə ала. Керем азрак булган саен, компенсация күбрəк. Əлеге дə баягы ун сəгать ярым эш режимы белəн эшлəгəн бакчага йөрүче 3 яшьтəн 7 яшькəчə балаларга өстəмə компенсация күлəме: кереме җан башына 10 меңгə кадəр булган очракта, гаилəдəге беренче бала өчен – 932,4 сум; икенче балага – 1146,5 сум; өченчесенə – 650,9 сум. Кереме җан башына 10 меңнəн 15 мең сумга кадəрге гаилəлəрдə беренче балага 620,7 сум; икенчесенə – 990,6 сум; өченчесенə – 448,26 сум. Ə инде кереме җан башына 15 меңнəн 20 мең сумгача булган гаилəлəр беренче балага – 309 сум; икенче балага – 678,9 сум; өченче бала өчен 183,23 сум компенсация алачак. Мəсəлəн, кереме җан башына 10 мең сумнан да азрак булучы гаилəлəргə беренче бала өчен федераль закон нигезендə 314,4 сум һəм өстəмə рəвештə 932,4 сум республика компенсациясе бирелəчəк. Шулай итеп, аена 3117 сум акча түлəп, əти-əни 1246,4 сум күлəмендə компенсация алачак. Чынында, гаилə өчен бакча чыгымы бер балага 1870,2 сумга төшəчəк.

фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 5 август 2022 - 21:22
    Без имени
    Хикәянең теле матур.Минемчә,төп тема--мәхәббәт.Ул яшәешнең нигезе. Яратмаган кеше белән гомер кичерү--бәхет түгел инде. Шулай ук яшьләр белән өлкән буынның аңлашып яшәве дә мөһим.Балалар да алар үрнәгендә тәрбия ала.
    Кешенеке – кештәктә
  • 7 август 2022 - 06:12
    Без имени
    Сокланып ,соенеп укыдым. Алдагы гомерегездэ бэхеттэ ,тынычлыкта утсен.
    Бәхет йорты
  • 7 август 2022 - 17:50
    Без имени
    Узебез белу турында суз дэ юк, улыма да анлата алмадым...
    Башыңны сакла, балам...
  • 5 август 2022 - 14:06
    Без имени
    Бик дөрес, язса👍
    Ата белән бала
  • 7 август 2022 - 19:14
    Без имени
    Шундый матур язылган! Рәхмәт! Бу язманы күбрәк кеше укысын иде! Бәхетле гаиләләр дә күбрәк булыр иде...
    Ата белән бала
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда