Антуан де Сент-Экзюпери әсәре татар сәхнәсендә!

«Нур» татар балалар театр студиясе Антуан де Сент-Экзюпериның “Нәни принц” спектакль-лирик әкиятен тәкъдим итә. Спектакльне Г.Камал театрының кече сәхнәсендә 12 май көнне 18.00 сәгатьтә тамаша кылырга мөмкин булачак.

“Нәни принц” – «Нур»  студиясенең 2015-2016 уку еллары нәтиҗәсе, әсәр татар телендә әзерләнгән, дип хәбәр итә проект авторлары. Бу театраль сезонда нурлылар Экзюпериның үзенең үлеме алдыннан иҗат иткән һәм үзе үк иллюстрацияләгән, башка бер әсәргә дә ошамаган акыллы һәм кешелекле фәлсәфи әкиятен сайлаган.

“Нәни принц” – олылар өчен спектакль моделендә куелган балалар әкияте. Аның максаты кешелекнең мәңгелек хәзинәләре турында балалар белән җитди диалог төзү. Спектакльнең үзенчәлеге – балалар өчен балалар уйнауда, бу спектальнең төп идеясен ачык һәм җиңел итеп аңлатуда ярдәм итә, чөнки пьесаның геройлары һәм тамашачы бер телдә сөйләшәләр. “Нәни принц” намус һәм җаваплылык, яхшылык һәм яманлык, мәхәббәт һәм тугрылык турында.

Рәзил Вәлеев тәрҗемә иткән әлеге музыкаль-драматик спектакль гаилә белән карау өчен сәхнәләштерелгән.

Режиссер – Марсель Мәхмутов, Казан театр училищесында һәм “Нур” студиясендә актерлык осталыгы буенча педагог. Рәссам – Ленар Гыйльметдинов, Татарстанның атказанган сәнгать эшлеклесе, Казан яшь тамашачылар театрының (ТЮЗ) баш рәссамы. Студиянең сәнгать җитәкчесе – Наилә Гәрәева, Россиянең атказанган, Татарстанның халык артисткасы, Г.Камал театры артисты. Проект җитәкчесе – Адилә Хәйбуллина, ТР Театр эшлекләре берлегенең әйдәп баручы белгече, Казан театр училищесы педагогы.

“Нур” студиясе 2012 елның гыйнварында М.Сәлимҗанов исемендәге Актерлар йортында Татарстан Республикасы Театр эшлекләре берлеге инициативасы белән оештырылды. Дүрт ел дәвамында балалар студиясенә йөрүче нәни артистлар Г.Камал театры сәхнәсендә куелган “Мулла”, “Хан кызы Турандык”, “Минем исемем Кызыл” спектакльләрендә, Г.Тукай исемендәге Бөтенроссия шигырь укучылар конкурсында, танылган татар эстрада җырчылары (Гөлназ Сираева, Артур Салихов һ.б.) клипларында һәм Казан шәһәрендә узган төрле бәйрәм чараларында катнашып үзләрен танытырга өлгерделәр һәм уңышларга ирештеләр.

2015 елның март аенда Г.Камал исемендәге Татар дәүләт академия театрының кече сәхнәсендә “Нур” татар балалар студиясенең “Сертотмас үрдәк” (Абдулла Алиш) музыкаль спектакленең премьерасы булды.

Белешмә:

“Нур” татар балалар театр студиясендә 7-12 яшьтәге татар телен белгән балалар шөгыльләнә. Уку процессы берничә юнәлештә оештырыла: “Актерлык осталыгы”, “Хореография”, “Ансамбль”. Ел дәвамында укучылар белән нәтиҗә эше буларак спектакль куела.

Фәрит Бикчәнтәев, Татарстан Республикасы Театр эшлекләре берлеге рәисе:

– Бүген Казанда рус телендә белем бирүче театраль мәктәпләр күп. Ә без Татар балалар театр студиясен оештыруны үзебезнең бурычыбыз итеп санадык. Студиядә республикабызның күренекле артистлары һәм әйдәп баручы театраль уку йортлары педагоглары белем бирәчәкләр. “Нур” балалар театр студиясен оештыруның төп максаты – милли театрлар өчен тамашачы тәрбияләү, үз мәдәниятен яраткан, тоя белгән, аңлаган һәм төрле өлкәләрдә иҗади хезмәткә әзер балалар тәрбияләү.
сылтама: http://intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 29 октябрь 2020 - 12:06
    Без имени
    Алланын кахаресе тошкэн нэрсэ ул сихерчелэр йорэк бэгерлэргэ утте алар ..тэмуг кисэулэре..узлэре ясый белмэгэне ясатып кайта белмэгэне улэ бетэ интт..ан ойрэнэ ..
    «Сихер бозды...»
  • 29 октябрь 2020 - 09:35
    Без имени
    Әдәби. Әсәр шундый була ул. Кайберәүләр көнаралаш гаибәт язалар да, оялмыйча хикәя дип куялар. Укыган, талантлы кеше язган әдәби әсәр ичмасам. Рәхәтләнеп укыдым. Ике авыл хатыны көтү куганда сөйләшеп торган гаибәт тибындагы нәрсәләрне чыгармасагыз яхшы булыр иде. Менә шушындый әсәрләр чыгарыгыз!
    Умырзая
  • 29 октябрь 2020 - 17:45
    Без имени
    Уйлый белмилэрдер, Уйлый белсэлэр энилэре бауга менмэс иде.
    Үкенечләр - урман...
  • 29 октябрь 2020 - 20:22
    Без имени
    Аллага тапшырдык донья ни кадэр рэхэт булса да кешелэр каты бэгъерле
    Үкенечләр - урман...
  • 29 октябрь 2020 - 21:32
    Без имени
    Сез нигэ балаларын гына гаеплисез олы кешенен акылыда китергэ момкин бит Белмичэ кешегэ гаеп ташламагыз елауларында гаепкэ алмагыз узегезне алар урыны на куеп карагыз башта
    Үкенечләр - урман...
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...