Логотип
Яңалыклар

Акинфеев белән Дзюба гына түгел, үзебезнең татар егетебез Дәлир Хуҗаев да!

Иртәгә, 7 июль көнне, Россия өчен иң кызу көн булыр, ахры. Синоптиклар фаразы буенча түгел, дәрт-дәрман градусының югарылыгын иртәгә Сочиның “Фишт” стадионында Россия һәм Хорватиянең футбол буенча җыелма командалары арасында чирек финал матчы билгеләячәк. Матч кичке 21:00 сәгатьтә башланачак.  

Станислав Черчесов командасының Согуд Гарәпстанын 5:0, Мисырны 3:1 исәбе белән җиңеп, пенальти сериясендә Испанияне  4:3 исәбе белән отып, чирек финалга чыгуын быелгы чемпионатта могҗизага тиңлиләр. Хәер, скептиклар өчен могҗиза, ә чынлап ышанганнар өчен өч тапкыр җиңү – стратегия түгелме? 

Көндәш булачак хорватлар исә чирек финалга Нигерияне 2:0, Аргентинаны 3:0, Исландияне 2:1 исәбе белән җиңеп чыктылар.  

Әлегә кадәр “Фитш” стадионында узачак матчка ставкалар кабул итү бара, ставкалар бик югары, дип хәбәр итә букмекерларның чыганаклары.  

Бүгенге көнгә Россия җыелма командасының йолдызлары Акинфеев белән Дзюба турында белмәгән кеше юк. Шулай ук вакытта командада татар егете Дәлир Әдһәм улы Хуҗаев булуын да онытмыйк.  

 “Кузяев Далер Адьямович” дигәч, аның аның исем-шәрәфләре милләте турында әллә ни кычкырып тормый. Еш кына аны, әти-әнисе Таҗикстанда туып-үсү сәбәпле, таҗик милләтеннән дип тә уйлыйлар.   

Дәлир Әдһәм улы  - Россия 1993 елның 15 гыйнварында Яр Чаллы шәһәрендә туган. Петербургның “Зенит”, Россия җыелма командасы уенчысы.  

Дәлиргә ике-өч яшь вакытта алар гаиләсе белән Оренбург шәһәренә күчеп китә, әтисе Әдһәм андагы “Газовик” клубында тренер була. Дәлир башта Оренбургта, аннан соң Санкт-Петербургта футбол беән шөгыльләнә. Россия җыелма командасына аны Станислав Черчесов 2017 елда чакырып китерә.  

Дәлир – өченче буын футболчы, аның бабасы да әтисе дә Таҗикстан өчен футбол уйнаган. Абыйсы Руслан да футболчы булган, ләкин травмалар аркасында, спорт карьерасын ташлап, бизнес белән шөгыльләнә башлаган.  

Футболчы карьерасыннан тыш, Дәлир 2017 елда Санкт-Петербургның Икътисад университетында магистратура тәмамлап, аспирантурага укырга кергән.  

Җыелма команда  составында уйнаган арада, Дәлирнең әле голлар кеткәне юк. Милләшттәш егетебезгә уңышлар теләп, аның өчен җан атып утырыйк! Чемпионатта җанатарларның теләктәшлеге һәм ышанычы да бик мөһим бит.  

 

Следите за самым важным и интересным в Telegram-каналеТатмедиа

Комментарийлар

  • аватар Без имени

    0

    0

    Җыелмабыз җиңелсә дә, милләттәшебез пинәлтидән булса да гол кертте!

    Хәзер укыйлар