Тәмле күмәч


Казанның Бауман урамында урнашкан “Чәй йорты” җитештерү бүлеге мөдире булган, танылган аш-су остасы Зөмәрә Юныс кызы ГАЛИМОВА укучыларыбызны тәмле- тәмле ризыклар пешерергә өйрәтәчәк. Шул уңайдан аңа берничә соравыбыз да бар.
- Зөмәрә ханым, тәмле ризык пешерүнең сере нәрсәдә?
- Ризык тәмле булсын өчен, иң мөһиме, эшеңне җан җылыңны биреп, зур теләк белән башкару.
Мин үзем һәр гамәлемне Бисмилладан башлыйм. Пешергән ашларым да шуңа күрә кешеләргә ошый.
- Белгәнемчә, Сез камыр ризыкларын аеруча яратып пешерәсез икән. Камырны ничек куясыз?
- Камырның уңуы күбесенчә оннан һәм чүпрәдән тора. Бу очракта иләнгән коры он белән коры чүпрә зарур. Мин эшемне түбәндәгечә башкарам:
Башта ярты литр җылы сөткә күпертелгән чүпрә, бер уч шикәр комы, ике чеметем тоз салып болгатам. Аннары шунда 2 бөтен йомырка белән 3 йомырка сарысын туглап өстим. Барысын бергә яхшылап болгаткач, иләнгән он салып камыр ясыйм.
Бары тик шуннан соң гына камырга 300 г атланмай һәм 1 аш кашыгы көнбагыш мае салып кабаттан басам.
Мин үзем камырны өч тапкыр күпертеп алам. Табага ясалган бәлешләрне күпергәч кенә мичкә куям.
- Әлбәттә, аш-су осгасының табыны һәрчак күркәм буладыр дип беләм. Шулай да әйтегез әле, гаиләгез нинди ризыкны яратыбрак ашый?
- Бөтнек сибелгән токмачлы ит ашын ирем Рафаэль да, улым Айрат та ошаталар. Аш безнең көндәлек туклануда зур роль уйный, дисәм һич тә ялгышмам.
- Аш шулпасын Сез ничек пешерәсез ?
- Гадәттәгечә. Әмма юылган итне салкын суга салып кына кайнатам, токмачны күпертеп кенә алам.
- Зөмәрә ханым, “Сөембикә” журналын укучыларга ниндиерәк ризык рецептлары тәкъдим итәсез?
- Тәмле күмәч — бу минем үз иҗатым җимешләре.
- Хуҗабикәләргә тагын нинди кидәшегез бар?
- Бар. Мәсәлән, мин үзем гаилә иминлеге хатын-кызның аш-су әзерләвенә, уңганлыгына да бәйләнгән, дип саныйм. Шунлыктан, якыннарыгызны хәзинәгездән чыгып тәмле-тәмле ризыклар белән сыйлап яшәргә тырышыгыз. Осталык ул пешерә-пешерә килә. Ризыкларыгыз куаныч китерсен!
РЕЦЕПТ:
Әлеге күмәч эчлегенә иң элек 10 г корт, 10-15 г шикәр комы, 20 г туралган караҗимеш, 6 г төелгән чикләвек төше салыгыз.

Аннан соң фоторәсемдәгечә бөрегез дә, шул бөрелгән ягы белән майлы табага каплап тезегез. Соңыннан өстен майлап, баллы валчык (крошка) сибегез. Ул түбәндәгечә әзерләнә. Бераз эретелгән атланмайга, куерганчы, шикәр комы белән он салып уыгыз. Аннары шуны иләк аша үткәреп ваклагыз.

Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
-
Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
-
Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
-
Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
-
Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде...
Соңгы комментарийлар
-
30 июнь 2022 - 11:34Без имениМонда язып утырганчы, узе белян сойляшергя киряк. Оч ел эчендя хаманда оялып торасыз мени. Сузне башлап китсягез ул узе суляп бирер барсында. Болай итеп билгесезлектя йореп булмай инде.Егетемне үземә ничек өйләндерергә икән?
-
30 июнь 2022 - 15:51Без имениКэжэмогезгэ ышанабыз - Иделгэ таяну белэн бер, э менэ Сукояр белэн Игезэклэр бик тэ ышанычлы кешелэрИң ышанычлысы кем? (йолдызнамә)
-
28 июнь 2022 - 10:56Без имениСез язманы игътибар белән укымаган, ахры, иптәшләр. Монда бит колхозчы баласының кеше була алмавы турында бармый сүз! Ә ата-ананың баланы аралавы, башкаларга караганда, начаррак мөнәсәбәттә булуы турында сүз бара. Әгәр шартлар булса, бу өлкән кыз да, кече сеңлесе кебек, врач була алыр иде!Врач буласы урынга авылда әбиләр карыйм
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.