Коймаклы пирог

Дусларыгызны һəм якыннарыгызны сөендерəсегез килсə, эчлеге эремчекле, хуш исле тəм кертүче ванильле шоколадлы коймак пирогын табынга, һичшиксез, яңа пешкəн чəй һəм яхшы кəеф белəн чыгарырга кирəк.
 

Кирəк:

(коймак өчен)
* 400 мл кефир;
* 1 аш кашыгы шикəр комы;
* пычакның очында гына – тоз;
* 1 бал кашыгы чəй содасы;
* 300 г он;
* 100 мл кайнар су;
* 2 йомырка;
* 2 аш кашыгы үсемлек мае;
* 3 аш кашыгы какао порошогы.

(эчлек өчен)
* майлылыгы 5% булган 500 г эремчек;
* 2 аш кашыгы шикəр комы;
* 15 г ванильле шикəр комы;
* бер уч төшсез йөзем.

(заливка өчен)
* майлылыгы 25% булган кибет каймагы;
* 3 йомырка;
* 2 аш кашыгы шикəр комы;
* 2 аш кашыгы кукуруз крахмалы.

Бу пирог өчен башта коймаклар коярга кирəк. Коймакларны телəгəн рецепт буенча коя аласыз. Мин тəкъдим иткəн рецепт болайрак: əчегəн җылы кефирга 1 йомырка, бераз шикəр комы, бер чеметем тоз, 1 бал кашыгы чəй содасы, үсемлек мае, он салып, төерлəр калмаслык итеп миксер белəн əйбəтлəп туглыйбыз. Аннары, какао салып, тагын бертөрле катнашмага килгəнче туглыйбыз. Шул ук арада миксерны сүндермичə, 100 мл кайнар су салып җибəрəбез. Камыр əзер.

Коймак коя торган табаны кыздырып, коймак коя башлыйбыз. Башта – бер ягын, аннан – икенче ягын. Унбишлəп коймак килеп чыгарга тиеш.

Эремчек янына шикəр комы белəн ванильле шикəр салып, бутыйбыз. Юылган йөзем өстибез. Тагын бутыйбыз.

Шуннан соң һəрбер коймакның уртасына 1 аш кашыгы эремчекле эчлек салып чыгабыз, ə өстеннəн бөрмə кебек итеп сызып алабыз.

Төбе майланган табага коймак салабыз, ə аның өстенə – эремчекле коймакны.

Хəзер заливканы əзерлибез. Аның өчен каймак белəн шикəр комын, крахмал белəн йомырканы миксер белəн күпертəбез. Эремчекле коймак өстенə тигез итеп заливканы агызабыз да өстенə тагын бер коймак урнаштырабыз. 20-25 минутка 200 градуска кадəр кызган духовкага тыгабыз. Аннан соң, духовканы сүндереп, пирогны суынганчы духовкада тотабыз.

Духовкадан алганнан соң да пирогны 1-2 сəгатькə суыткычка куеп торырга киңəш итəр идем.

Шуннан соң гына кырыйларыннан пычак белəн йөртеп чыгып, коймак пирогын сай тəлинкəгə əйлəндереп куябыз.

Менə хəзер инде лəззəтлəнə-лəззəтлəнə чəй эчəргə дə була.
Чəйлəрегез тəмле булсын!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9041
    10
    105
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9110
    8
    74
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4848
    4
    57
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6070
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан