Алма бәлеше

Сүз дә юк, алма бәлешен пешергәнегез  дә, ашаганыгыз да бардыр. Ә менә без бүген тәкъдим итә торганнарын юктыр мөгаен, чөнки алар өр-яңа рецептлар буенча пешерелгән. Тәме турында әйтеп тә торасы юк. Хәер,  сүз куертып торганчы, “Бисмилла”бызны әйтеп, тотыйк та пешерик. Күрегез дә торыгыз, алма бәлеше табыныгыз күрке булачак.

Иң элек атланмайга шикәр комы, ванилин, тоз, йомырка салып тугла­гыз. Шуңа он белән камыр күперткеч (разрыхлитель) кушып, камыр басы­гыз. Камырны майланган табага җәеп салыгыз да, 180 градус кызулыкта­гы мичтә 10—15 минут пешерегез.

Алманы юка телемләп турап, өстенә лимон согы сибегез.

Ә эремчеккә пудинг порошогы, үсемлек мае, шикәр комы, йомырка, уылган лимон кабыгы һәм төшсез кара йөзем салып, туглагыз.

Яртылаш пешкән табадагы камыр өстенә иң элек алма катламы, ан­нары эремчек катнашмасы җәеп салыгыз. Өстенә угычта уылган мин­даль чикләвеге сибегез. Бәлешне 170 градус кызулыктагы мичтә 35-45 минут пешерегез. Өстенә шикәр оны сибеп, суытыгыз.

Камыр өчен: 60 г атланмай, 40 г шикәр комы, бер кечкенә пакет ванилин, бер чеметем тоз, 1 йомырка, 100 г он, 1 чәй кашыгы ка­мыр күперткеч кирәк.

Эчлек һәм бизәү өчен: 800 г алма, 2 аш кашыгы лимон, 500 г майсыз эремчек, 1 пакет ванильле пудинг, 3 аш кашык үсемлек мае, 3 йомырка, 1 чәй кашыгы уылган лимон кабыгы, 20 г төшсез кара йөзем, 50 г уылган миндаль чикләвеге һәм шикәр оны кирәк.

Алма бәлеше

Сөткә чүпрә белән бер чәй кашыгы шикәр комы салып, болга­тыгыз һәм 15 минут тотыгыз. Шуңа он, лимон кабыгы, тоз, калган шикәр комы, атланмай һәм йомырка кушып камыр басыгыз. Ка­мырны 45 минутлап каплап тотыгыз.

Орлыгыннан чистартылган алманы телемләп турап, өстенә ли­мон согы сибегез.

Йомырка сарысын агыннан аерып алыгыз. Сарысына ванилин һәм 100 г шикәр комы салып туглагыз. Шуңа эремчек белән крахмал кушып болгатыгыз. Аерым тугланган йомырка агын да әлеге катнаш­мага салып крем ясагыз.

Күтәрелгән камырны майланган табага җәеп салыгыз. Өстенә эрем­чекле крем ягып алмалар тезегез. Ун минут тотканнан соң, бәлеш өстенә шикәр комы, уылган миндаль һәм атланмай кисәкләре сибеп, 180 градус кызулыктагы мичтә 40 минут пешерегез.

Камыр өчен: 20 г чүпрә, 75 г шикәр комы, 250 г сөт, 500 г он, 1 чәй кашы­гы уылган лимон кабыгы, бер чеметем тоз, 75 г эретелгән атланмай, 1 йомыр­ка кирәк.

Эчлек өчен: 1,5 кг алма, 5 аш кашыгы лимон согы, 3 йомырка, бераз ва­нилин, 150 г шикәр комы, 500 г эремчек, 30 г крахмал, 2 аш кашыгы уылган миндаль, 50 г атланмай кирәк.

Алма үрмәсе

Иң элек камырны урталай бүлеп, 22-30 см зурлыкта туры- почмаклап җәегез. Берсен майланган табага салыгыз.

Телемләп туралган алмага чикләвек, бал һәм уылган ли­мон кабыгы салып болгатыгыз.

Камырның берсенә, кырыйларын ачык калдырып, турал­ган алма тезегез. Кырыен тугланган йомырка агы белән май­лагыз. Алма өстенә икенче камыр каплап, кырларын бармак белән баскалап ябыштырыгыз.

Аннары өске камырны 1 см киңлектә аркылыга тасмалап кискәләгез һәм тасмаларны бер-берсеннән эчлеге күренерлек итеп аерып куегыз. Алма үрмәсен 200 градус кызулыктагы мичтә 20—25 минут пешерегез.

Пешкән үрмә өстенә иң элек эретелгән конфитюр, аннары шикәр ширбәте сибегез.

Алма үрмәсе өчен: 400 г яңа ясалган һәм суыткычта бераз ка­тырып алынган камыр кирәк.

Эчлек өчен: 500 г вак алма, 1 аш кашыгы төелгән чикләвек, 1 аш кашыгы бал, бер аш кашыгы лимон яисә әфлисун кабыгы, 1 йомыр­ка агы кирәк.

Шикәр ширбәте өчен: 3 аш кашыгы шикәр оны, 2 аш кашыгы аб­рикос яисә әфлисун конфитюры кирәк.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  •  Гомерем усал кайнана, исерек ир белән үтте 5 Бер көнне иртән торып бәлеш пешерергә уйладым. Бәрәңге турадым, суган әрчедем, камыр бастым. Духовкада кургаш кәгазь астында ике сәгать ярым эчендә бәлешем изелеп пеште. Ләкин хуш исе урамга кадәр чыккан итле бәлешемне ашарга насыйп булмады.
    13391
    4
    112
  •  Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
    12145
    5
    80
  • Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
    9799
    1
    55
  • Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән? 
    9133
    1
    55
  • Уеннан уймак Барысы да бәхәсләшүдән башланды. Хатын-кызлар, бигрәк тә йөрәкләре янып торган яшь кызлар бәхәсләшмәсен икән ул. Аларның яшьлек дәрте егетләрне үзләренә карату гына түгел, дөньяны әйләндереп бастыра ала... 
    4632
    0
    49
Реклама
Соңгы комментарийлар
  • 18 август 2022 - 06:47
    Без имени
    Сезнен барлык язмаоарыгыз да тормыштан алып языла.искиткеч гыйбрэтле язмышлар
    Үкенечле ялгыш
  • 18 август 2022 - 08:24
    Без имени
    Эйе,бар инде шундый кешелэр,минем дэ 88 яшьлек Энкэйне алдап,бал дип,сироп сатканнар,...кайтып керсэм,Энкэй эйтэ,кызым сина бал алып куйдым эле ди,мин аптырап киттем,ачып карасам бал урынына сироп сатканнар,2 мен сум б-н,3 банка алган,сине алдаганнар бит Энкэй дигэн идем,нишлэп алдасыннар ди,бер яшь кенэ матур егет сатып йорде машинасы б-н,даже банкаларны ойгэ кертеп бирде ди,таба идем миндэ ул алдакчыны,Энкэй туктатты,кирэкми кызым,эзлэмэ дип,харам бер кешегэ дэ бэхет китерми дип......
    Алдашу
  • 16 август 2022 - 10:44
    Без имени
    Нинди киңәш көтеп утырасыз инде? Барып алып кайтыгыз, әле соң түгел... Соңга калуыгыз бар, үкенерсез аннары. Бер кул күтәрсә, гөмер буе кыйныячак.. Сезнең бердәнбер кызыгызны ниндидер бер килмешәк кыйнап ятсын инде. Үзләре өйдә юкта видео камера куярга җае юкмы соң? Доказательство да булыр иде. Сез ана кеше, коткарыгыз балагызны, ул ярдәмгә мохтаҗ
    Кияү кызыбызны кыйный?
  • 17 август 2022 - 18:15
    Без имени
    Бердә аптырарлык түгел аерылышуыгыз.Кырыкны куган балаларыгызны "җитәкләп"йөрүне героизм итеп күрәсез бит.Ә ирегез тыныч кына пенсиядә икәүләшеп гөмер көзеннән атларга уйлагандыр.Арымадыгызмы бала тормышы белән яшәп?Үз парларын да табулары икеле бит,маменькины сынок и дочь....
    38 елдан соң аерылыштык...
  • 16 август 2022 - 16:07
    Без имени
    Таныш кына дисеңме?Великовозрастный балалары ипотека түли бит диеп 65 кә җитсә дә эшләп йөриләр.Ике балагада первый взноска бирдек,булды,хәзер үзләре тырышсын.Көчкә көчкә иртән торып эшкә китә ата аналары,алар өчен,совесть дигән нәрсә юк.Шулай өйрәткәннәр инде.Җилкәдән бәреп төшерергә кирәк әллә кайчан да бит....
    Әти-әнисе иремнән чын ялкау ясый
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда