Учакта пешкән чахохбили

Мастер-классны Булат БӘЙРӘМОВ белән Ләйсән ГЫЙМАЕВА үткәрә.

Татар тамашачысына «Татар радио-сы»ның иң беренче һәм бүгенгәчә иң популяр ди-джее, шоумен, ТМТVда – «Музыкаль хит-парад» тапшыруын әзерләүче һәм алып баручы Булат Бәйрәмовны күпләр «Тәмле көрәш» тапшыруы аша да беләдер. Ә Мөслим кызы Ләйсән Гыймаева – барыбызга да таныш җырчы, 8 мәртәбә «Алтын Барс» премиясе лауреаты. Журнал укучыларыбыз арасында аларның «Хатын+Ир» концертын тамаша кылучылар да бардыр.
Йолдызлы гаилә белән «Сөембикә» журналына мастер-класс әзерләү хакында сүз чыккач, Булат «Тәмле көрәш»тә отып алып, үзенчә үз-гәрткән, камилләштергән рецептын тәкъдим итәргә булды. Гадәти генә түгел ул – кояш нурын, җәй җылысын, учак тәмен сеңдергән ризык. Әзерләп карагыз әле, тәгаен ошар ул сезгә.


Кирәк:



(4 кешелек гаилә өчен)
- 2 кг чамасындагы тавык;
- 1 кг помидор (артыграк булса да ярый);
- 1 баллы борыч (тәм өчен генә, яратмасагыз, салмаска да мөмкин);
- 1 кг суган;
- ярты лимон;
- 1 чәй кашыгы «Хмели-сунели»
- аш тәмләткече;
- 1 чәй кашыгы аджика (кыркурак яратучылар күбрәк тә сала ала);
- берәр тотам рәйхан, кинза, петрушка (кинзаның тәме көчле, саграк булыгыз);
- 6 тырнак сарымсак;
- тәменчә тоз;
- үсемлек мае.

Эш барышы:
Тавыкны зур булмаган кисәкләргә турыйбыз (бик вак та булмасын).



Казан төбенә үсемлек мае салып, эрерәк кенә итеп туралган суганны алтынсу төскә керә башлаганчы кыздырабыз.



Булат белән Ләйсән чахохбилины учакка асылган казанда пешерә. Андый мөмкинлек булмаса, газ өстендә чуенда да пешерергә була. Ул очракта итне ваграк итеп турасаң яхшы.
Суган өстенә ит салабыз һәм болгата-болгата кыздырабыз.



Капкачын япмый торабыз. Ит ике яклап кызарырга тиеш.
Аннары ит өстенә туралган помидор белән туралган борычны салабыз, сарымсак өстибез.







Барысын бергә болгатып, помидорның суы чыкканын көтәбез.



Әгәр дә помидорлар бик сусыл булып, чыккан суы итне күмәрлек булса, башкача су салырга кирәк түгел, әгәр кимрәк икән, итне күмәрлек итеп кенә кайнаган су салабыз һәм казан өстен капкач белән томалап торабыз. Учакны да бераз сүрәнләтергә кирәк. Йомшарганчы талгын гына пешсен ул шулай.
Казанга аджика белән «Хмели-сунели» тәмләткечен салабыз, аннары тәменчә тоз сибәбез. Учактан алырга 5-10 минут чамасы калгач, туралган яшел үләннәрне кушабыз, ярты лимонның сутын сыгабыз.





Әзер чахохбилины зур тәлинкәгә түшәлгән салат яфраклары өстенә өеп, табынга бирәбез, янына ярып кына пешерелгән бәрәңге тезеп чыгарга була.



Ә инде шулпасын, һәркем итне үз тәлинкәсенә бүлеп алганнан соң, ит өстеннән сибәләр. Ашларыгыз тәмле, җәйләрегез ямьле булсын!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 5 август 2022 - 21:22
    Без имени
    Хикәянең теле матур.Минемчә,төп тема--мәхәббәт.Ул яшәешнең нигезе. Яратмаган кеше белән гомер кичерү--бәхет түгел инде. Шулай ук яшьләр белән өлкән буынның аңлашып яшәве дә мөһим.Балалар да алар үрнәгендә тәрбия ала.
    Кешенеке – кештәктә
  • 7 август 2022 - 06:12
    Без имени
    Сокланып ,соенеп укыдым. Алдагы гомерегездэ бэхеттэ ,тынычлыкта утсен.
    Бәхет йорты
  • 7 август 2022 - 17:50
    Без имени
    Узебез белу турында суз дэ юк, улыма да анлата алмадым...
    Башыңны сакла, балам...
  • 5 август 2022 - 14:06
    Без имени
    Бик дөрес, язса👍
    Ата белән бала
  • 7 август 2022 - 19:14
    Без имени
    Шундый матур язылган! Рәхмәт! Бу язманы күбрәк кеше укысын иде! Бәхетле гаиләләр дә күбрәк булыр иде...
    Ата белән бала
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда