​Әнисез гаиләдә әтигә нишләргә?

Икенче әни алып кайту турында сүз башлау бик мөһим һәм бик катлаулы сөйләшү ул. Әти кеше белән бала арасындагы ышаныч һәм дуслык хисләре  хәлне беркадәр җиңеләйтергә мөмкин әле. Әмма сөйләшү көн тәртибеннән үк алып ташлана алмый. Монда булачак әнинең үзеннән дә  күп нәрсә тора. Балалар белән мөнәсәбәте моңарчы ничегрәк формалашкан? Дусларча аралашканнармы, әллә инде бала аны гаиләнең иминлегенә яный торган бер дошман итеп кабул иткәнме?

Яңа әни алып кайту турында ничек сүз башларга? 
Ир кешегә җитди булмаган мөнәсәбәтләрен балаларына күрсәтмәскә киңәш итәр идем. Кемне дә булса үзенең булачак хатыны, балаларының әнисе итеп күрә икән инде – аны балалар белән дә таныштырырга кирәк. «Әгәр ул хатын-кыз балаңа ошамаса?» – дип сорый кайбер ир-атлар. Балага ошау-ошамау күп очракта өлкәннәрнең үзен­нән тора. Беренче очрашу бала өчен көтелмәгән хәл була күрмәсен! Әти кеше бала белән сак кына сөй­ләшергә (баланың яшенә карап, ул киңәшләшү формасында да булырга мөм­кин), аңлашырга тиеш. Те­лә­гән нәтиҗәгә ирешер өчен, бәлки, берничә тапкыр сөйләшү кирәктер әле – ашыгу, кабалану һич ярамый. Әгәр бала кызып китсә, теш-тырнагы белән каршы торса, сабырлык сорала. Күпмедер вакытка бу мәсьәләне калдырып торып, бераз вакыттан кабат әйләнеп кайтырга туры килер. Һәрхәлдә, бу мәсьәләне балага җайлап аңлатырга кирәк, басым ясау, аның фикерен санга сукмау зур хата булыр. Гаиләдә бер-береңә юл кую, үзара хөрмәт сакланса, һичшиксез, бала әтисен аңлар. Әти кеше дә, үз чиратында, балага аны яратуын, бу хисләрнең беркайчан да сүрелмәячәген, бу яңалык әти белән бала мөнәсәбәтләренә берничек тә комачау итмәя­чәген ышандырырлык итеп аңлатсын. Балалар бит, кайберәүләр уйлаганча, бер­ни аңламый торган эгоистлар түгел, күп очракта сабый күңеле бик сизгер, ул өлкәннәр игътибар итмә­гән үтә нечкә хис-кичереш­ләрне дә аңларга сәләтле. Инде югарыда әйтелгән бар шартлар үтәлгәннән соң да бала катгый каршы икән – ашыгудан файда юк. Тагын бер тапкыр уйлап, үлчәп карагыз – сайлаган ярыгыз чыннан да сез күзаллаган кешеме? Баланың дәлиллә­рен уегыздан үткәрегез, акыл белән анализлагыз – бу каршылыкның сәбәбе нидә? Берәр тәҗрибәле кеше белән (педагог, психолог, гаиләгезне, балагызны якыннан белгән ышанычлы кеше) киңәшеп карау да комачауламас. Читтән бар да яхшырак күренә бит!


Сорау арты сорау туып кына тора. Әйтик, өйдәге киеренкелекне ничек җайларга? Ничек депрессиягә бирешмәскә? Баланы ничек тынычландырырга?

Әйткәнемчә, гаилә ни сәбәптән генә әнисез калмасын – бу бик авыр кичерешләр чыганагы. Бар кеше дә мондый хәлне үзе генә җиңеп чыга алмый. Әгәр сез үзегез яки балагыз озакка сузылган депрессиядә, инде шактый вакыт узуга карамастан, кичерешләрегез әле кичә генә булган югалтудагыча көчле икән – һичшиксез белгечкә барырга кирәк. Шушындый катлаулы тормыш сынавына дучар булган ир-атларга берничә киңәш бирәсе килә:
 – Чыгу юлы булмаган гадәттән тыш хәлдә итеп хис итмәгез үзегезне. 

Андый кешеләр (ирләр дә, хатын-кызлар да) шактый. Алар яшәргә көч таба бит – димәк, сез дә булдыра аласыз.

Хатын-кыз эшендә тәҗрибәгез юкка күңелегез төшмәсен - бик күп хатын-кызларның кияүгә чыкканда шулай ук бернинди тәҗрибәсе булмый, алар да күп нәрсәгә яши-яши өйрәнә. Димәк, сез дә өйрәнерсез! Аның бер кыенлыгы да юк, һәр эш тырышлык һәм көч кенә сорый.

– Хуҗалык эшләрендә, аеруча баштагы чорда, якыннарыгызның, дусларыгызнын, күршеләрегезнең ярдәменнән баш тартмагыз. Сезгә һәм балаларга аеруча кирәк булган аралашу чарасы, эмоциональ теләктәш­лек билгесе дә әле ул.

– Балаларга дусларыгыз, киңәшчеләрегез итеп карагыз – бары тик өйдәге жылы мөнәсәбәтләр, якын аралашу гына гаиләгезне саклап кала. Тормышта нинди генә хәлләр килеп чыкса да, ата белән бала арасындагы мөнәсәбәтләргә җил үтми. Балалар – төп ярдәмчеләрегез, ә сез аларның иң ышанычлы якын кешесе булып калырсыз.

 – Көндәлек эшләрне генә түгел, ялны да дөрес оештыра белү зарур. Бергәләп спорт белөн шөгыльләнү, сәяхәткә чыгу, кино-театрларга йөрү гаиләгезне ныгытыр, уртак шөгыльләр артуга китерер. Бу, үз чиратында, баланы үзен кимсетелгән итеп хис итүдән саклый, аның күңеленә матур истәлек булып кереп кала. Ин катлаулы тормыш сынаулары вакытында кеше нәкь менә шул матур балачак хатирәләренә таянып, үзенә көч ала, психологик яктан эмоциональ тотрыклыкка ирешә.

фото: pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14207
    1
    83
  •  Гомер бер генә килә 8 6 нчы палатага күчтәнәчләр салган пакетын күтәргән таныш булмаган хатын-кыз килеп кергәч, барысы да тын калды. Бибиниса апа ятагына утырган килеш пычак белән кискәләп алма ашый иде. Палатага килеп кергән затлы ханым Бибиниса апада да гаҗәпләнү катыш кызыксыну уятты: бер мәлдә алма кабыгы тамагына тыгылды бугай, очкылык тота башлады.
    9228
    6
    68
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    10566
    1
    57
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5096
    3
    47
Реклама
Соңгы комментарийлар
  • 26 гыйнвар 2023 - 11:48
    Без имени
    Рэхмэт сезгэ! Елый елый укыдым. Кире кайтмыйлар шул. Исэн чагында кадерен белеп бетереп булмады.
    Синсез рәхәт түгел, әни...
  • 26 гыйнвар 2023 - 14:53
    Без имени
    Тормышта нинди хэллэр очрамый! Рэхмэт!
    Сабырлык чиге 4
  • 26 гыйнвар 2023 - 17:37
    Без имени
    Танышым икенче баласын 40 тирэсендэ тапты. Тоже 1 яичнигы гына. Шатланып, яратып устерэлэр. Эгэр таба алсагыз табыгыз, баласы кеше чын яратуны белми дип уйлыйм.
    Бала кирәкме миңа?
  • 26 гыйнвар 2023 - 19:34
    Без имени
    Бик тә фәһемле,күңелләрне нечкәртерлек шигырьләрегез өчен сезгә зур рәхмәт.Иҗат чишмәгез саекмасын,киресенчә,язгы ташкыннардай ургылсын
    Җанымның бураннары
  • 25 гыйнвар 2023 - 10:45
    Без имени
    Балалар - ул яратып туймаслык Ходай бүләкләре, Аларның йомшак нәни куллары, матур елмаюлары, "әни, мин сине яратам" диюләре дә күңелгә әйтеп бетергесез рәхәтлек бирә бит, тормышка ямь өсти. Табыгыз бер бала, үзегезгә иптәш булыр, әти-әниегезнең ялгышларын кабатламыйча үстерегез, үзегезне шушы бәхеттән мәхрүм итмәгез.
    Бала кирәкме миңа?
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр