​Кырыктан соң йөклелек

Гомер озынлыгы арткан саен, бала табуга мөнәсәбәт тә үзгәрә. Бик күп хатын-кызлар карьера ясагач кына бәби табу турында уйлана башлый. Ләкин һәрчак син теләгәнчә генә барып чыкмаска да мөмкин шул әле. Югары категорияле акушер-гинеколог-эндокринолог, репродуктолог Елена Борисовна Капицкая әнә шулай ди.
 
Күп нәрсә нәселдәнлектән тора. Әбиләрегезнең һәм әниләрегезнең күреме ника­дәр соң тәмамланса, ба­ла­га узуга шансыгыз шулкадәр зуррак. Һәр хатын-кыз күкәйлегендә тумыштан ук күкәй күзәнәкләр запасы була, медиклар аны күкәйлек резервы дип йөртә. 37 яшьләр тирәсендә ул кисәк кими башлый, җенес күзәнәк­ләренең сыйфаты түбәнәя. Аналык һәм күкәй­лек ялкынсынулары, эндометриоз, корсак куышлыгына, аеруча аналыкка, күкәйлек өстәлмәләренә ясалган операцияләр тискәре йогынтысын сиздерми калмый. Еш кына бу яшь­тә аналыкта балага узарга комачаулый торган зур төеннәр барлыкка килә.

! Яшь барган саен, сәламәтлек тә үзен сиздерә. Хроник авырулар фонында йөклелек авыр уза. Бу бигрәк тә гипертония, диабет, хроник пиелонефрит, симерү, калкансыман биздәге тайпылышлар, холецис­тит, аз канлылык, ревматизм авырулы хатын-кызларга кагыла. 


! Яралгының генетик тайпылыш ихтималы да зур. Даун синдромы, мәсә­лән, ананың яше белән турыдан-туры бәйләнгән. Әгәр 20 яшьтә бу патология ешлыгы 1500 очракка берәү туры килсә, 30 яшьтә инде 
900 гә, ә 40 яшьтә 100 гә бер туры килергә мөмкин.

! Тагын шунысы: йөклелек өзелү куркынычы да бар (30-70% чамасы), һәр өч хатын-кызның берсенең баласы төшү яки җитлекми туу очраклары да күзәтелә. Кырыктан соң бәби көткән әниләрнең 40 проценты йөклелекнең икенче яртысында соңарган токсикоз белән җәфалана. Югары кан басымы, шешенү, сидек­тәге аксым карындагы яралгы үсешен тоткарлый. Вакытсыз су китүләр күзәтелә, организмның тудыру эшчән­леге зәгыйфьләнә. Шулай булуга да карамастан, бала табасы килү теләге бөтен «куркынычларны» узып китә.

Йөклелек мөмкин кадәр җиңел узсын өчен ниләр эшләргә соң?

* Хроник авыруларны дәваларга, тешләрне дәвалап бетерергә, кызылча (краснуха), токсоплазмоз һәм хламидиозга тикшерү узарга, мам­мологка сөт бизләрен күрсәтергә, кал­кансыман биз гормоннарын тик­шертергә, кан басымын нормага китерергә, артык авырлыктан котылырга, сәламәт яшәү рәвешенә кү­чәргә. Балага узар алдыннан өч ай буе флюорография ясатмаска – җе­нес күзәнәкләре өлгерсен өчен 70-90 көн вакыт кирәк. Аларны нурлан­дырырга ярамый!


* Чираттагы күрем килмәсә (сез шуны көтәсез инде), УЗИ га барырга ашыкмагыз. Сидек буенча гына да йөклелеккә тест үткәреп була. Тоткарлык өч көннән артса, ике буй сызык чыгар. Икесе дә бердәй ачык төстә икән, димәк, балага узгансыз! Тест шикле тоелса, өч көннән соң тагын кабатлап карагыз. Сызыкның берсе ачык, ә икенчесе сизелер-сизелмәс төстә килеп чыкса, аналыктан тыш йөклелекне булдырмас өчен, табибка ашыгыгыз. Йөклелек нормаль узган очракта, аның башлангыч чорында ясалган УЗИ яралгының аналык стен­ка­­сыннан кубуын һәм канлы бүлен­теләр китереп чыгарырга мөмкин. Шиккә урын калса, ХГЧ га кан анализы тапшырыгыз. Аны гадәттә 3-5 көн аралыгында ике тапкыр тапшыралар.

* Икенчедән, 7-8 атналык йөклелек белән исәпкә басыгыз. Прогестерон һәм эстрадиол кебек җенси гормоннарга карап, кайчак саклану терапиясе билгеләүләре бар. 

* Акушер-гинеколог киңәшләрен төгәл үтәгез. Карындагы бала 8-13 яки 20-22 атналык булганда, 37 яшьтән өлкәнрәк ханымнарга яралгының генетик авырулары буенча тикшерү узарга тәкъдим ителә. 
Кендек каны яки хорион төк бөртеге яралгыда авыру бармы-юкмы икән­леккә 100% җавап бирә. 


Гомер озынлыгы арткан саен, бала табуга мөнәсәбәт тә үзгәрә. Бик күп хатын-кызлар карьера ясагач кына бәби табу турында уйлана башлый. Ләкин һәрчак син теләгәнчә генә барып чыкмаска да мөмкин шул әле. Югары категорияле акушер-гинеколог-эндокринолог, репродуктолог Елена Борисовна Капицкая әнә шулай ди.

фото: pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кар патшабикәсе Билгеләнгән вакытта кафеда иде инде кыз. Ишекне ачып керде дә, ярым буш залга күз йөртеп, үзенә кирәкле кешене эзләде. Гомерендә беренче күрүе булса да, ул аны әллә каян таныды. «Снежная королева!» – дигән уй сызылып үтте кабат. Ханбикәләрдәй затлы иде ханым.
    8488
    1
    113
  • Хәшәрәт – Әни, без Фәридә белән өйләнешергә булдык. Син каршы түгелсең бит, әйеме? Зөлфия, улының бу хәбәренә күптән әзер булса да, каушап калды. Бу минутта теленнән нинди генә сүз төшсә дә, ничектер урынсыз, ялгыш булыр кебек тоелды.
    7462
    1
    108
  • Тапшырылмаган имтихан Без еш кына: «Күргәннәрдән китап язырлык, кино төшерерлек», – дибез. Беркемнең дә язмышы ал да гөл түгел. Тик кайберәүләр, аның кире якларын оста итеп яшерә,
    5496
    4
    78
  • Гомернең ике яры Бездә бүген – дебют! Гөлнур Сафиуллинаның дебюты! Ниһаять!.. Аның хикәяләр яза башлавын бик көткән идек без. Хәер, Гөлнурның журналист язмалары ук чын хикәя итеп кабул ителә: йә елмаеп, йә күз яшьләрен тыярга тырышып укыйсың... Ә геройлары үзенә охшаган: тыйнак, акыллы, сизгер күңелле, серле... Кечкенә генә бер сүзе, карашы, хәрәкәте белән дөньяларны үзгәртә, гап-гади тормышны ямьгә төрә белгән... Менә шулай! Хикәяләрендә – фәлсәфә, хисләр, сизгер хатын-кыз йөрәге, тагын әллә ниләр – кыскасы, өр-яңа халәт!
    4606
    6
    49
  • Карындашым – көндәшем  Язын чәчәк аткан алмагачның чәчәкләре ап-ак, бик матур. Ләкин нигә соң алмаларының тәме бертөрле түгел? Берсе баллы, ә икенчесе, карар күзгә матур булса да, эчендә – корт. 
    8025
    2
    48
Реклама
Соңгы комментарийлар
  • 5 март 2021 - 19:29
    Без имени
    Балага 40 конда юк,азырак саклау карактер ул
    Гүзәл Уразова сабые белән хастаханәдә
  • 5 март 2021 - 20:03
    Без имени
    Куз тиядер тугач та фотасын куя башлыйлар бит 40 консез чит кешегэ курсэтмилэр иде бит элек
    Гүзәл Уразова сабые белән хастаханәдә
  • 5 март 2021 - 21:25
    Без имени
    Нинди генә җуләрлекләр эшләми адәм баласы.
    Җиңгәм: «Чибәр ирләр уртак булалар», – диде...
  • 5 март 2021 - 10:20
    Без имени
    Минем кызым да кияүнең беренче хатыны 2 яшьтә ташлап киткәнбаласын тәрбияли (икенче баласын икенче иренә ташлап китте). Ташлап китсә дә интернет челтәрендәге сайтларда "Минем өчен иң кадерле кешеләрем -улларым. Алар өчен генә яшим",-дип яза. Ә үзе бер ирдән икенче иргә йөри. Менә шундый тормыш.
    Әллә?!
  • 5 март 2021 - 11:13
    Без имени
    Мокшы икенче торле эйткэндэ мордва буламы?
    Мокшыларда туйда булдык
Реклама
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...