Илсөя Бәдретдинова әйтсә, каты әйтә!

Илсөя Бәдретдинованың  фикерләре 

 

 

1.    Мин әби белән үстем. Әби гаярь иде безнең, Иске Шөгер музееның яртысы аннан тора дисәм дә, ялганчы булмамдыр. Ул – легендар шәхес. Бер әйтә – берәгәйле әйтә. Ялагайланмый, төчеләнми, әйтәсен туры бәрә. Мин – гаиләдәге өченче кыз, күбрәк аның белән үстем. Шуңа аның сүзләре, төпле фикерләре канга сеңгән. Ул – 25 яшендә сиксәннән узган, урын өстендә ятучы кайнана, ике бала белән (кечкенә баласы – безнең Ядкәр әти 9 айлык) ирсез калып, аркан белән берәмтекләп урманнан бүрәнә ташып өй күтәргән хатын. Иске Шөгердәге ул ишле-сыңарлы агачлардан күтәрелгән өенең бүрәнәләрен уч төбе белән сыпырып сөйләшеп тә йөри иде канатым – «аааһ, каһәр, сине атна буе сөйрәдем бит мин...» Горур иде әби, затлы иде, үз фикерле. Бер шулай хәтерлим әле – киңәш сорарга урта яшьләрдәге хатын килде аңа. Ирем өстемнән йөри, нишлим, ди. Әби моның күзенә текәлеп карап утырмый, чәй куеп йөри, өстәл хәстәрли. Шунда сорауларын да биреп куя. Күптән йөриме? Ничек белдең? Кем белән йөргәнен беләсеңме? Беләм, шуның-шуның олы кызы, ди елап шешенеп беткән апаң. “Кызын белмим, анасын беләм, – ди Зәйнәп әби. – Гәүдәгә сылу, гомер бакый чиста-пөхтә йөрүче, уңган хатын. Әнисенә охшаса, кызы да шундыйдыр. Ирең – молодец, лачын икән!” Теге яклау-киңәш эзләп килгән хатынкай тынсыз кала. “Син хәзер тынычлан, өеңә кайт та, көзгегә кара. Җитешмәгән якларыңны үзең күрерсең дә төзәтерсең”. Юкса бит инде, кара инде, кабахәт, ничек шулай итә ала, дип, комедия дә куеп утыра алган булыр иде әби. Ул сүзне кыска, асылы буенча гына, төгәл тотарга ярата. Шуның өчен хөрмәт тә итәләр иде. 

2. Һәр концертымны башлар алдыннан Аллаһыма, әти-әниемә, Илфакка, тамашачыларыма рәхмәт әйтеп, белгән догаларымны укыйм. Меңләгән халык хәләл акчасына билет алып, вакытын жәлләми, сине хөрмәт итеп концертка килеп утырсын әле... Күпме күчтәнәч, бүләк, чәчәкләр... Аяк үрә басып алкышлаулар... Уйланам да, күңел тулып уңайсызланып куям... “Лаекмы соң син моңа? Кем соң син шулкадәр?” – дип үземә сорау бирәм.
Мин – гап-гади гаиләдән... Гап-гади Ядкәр белән Гөлсинәнең төпчек "малае”...

3. Яратып карарга кирәк.
Бу  – минем девиз! Мәсәлән: кайчакта бик күңелгә ятмаган кешеләр була... Ә яратып карасаң? Яратып карасаң... җайлана... “И-и-и нормальный кеше инде”, – дип уйлап куясың!
Кайчакта яңа җырны кабул итеп бетереп булмый. Төркемне утыртам да аңлатам. Мин әйтәм, ә хәзер бу җырга яратып карагыз. Шундук башка төрле яңгырый башлый. Без яратып эшләгәч, тамашачылар да башкача кабул итә.
Улыма өйләр җыештырырга кушам.. Уфылдый башласа, "Яратып кара" девизы ярдәмгә килә. һәм мин әйтәм, жыярга өебез булмаса нишләр идек? Өебез булып сәламәтлегең булмаса нишләр идек?
Бик озак дәвам итеп була...
Яратып карап карале...


4.  "Бәйрәмең белән, әни". Казаннан улым шалтыратып бәйрәм белән котлады бүген! Бер яктан, шундый рәхәт күңелгә, икенче яктан моңсу. Моңсу, чөнки бәйрәм саен, ул – тегендә, мин – монда...
Гел уйланам... Бер карасаң, үз-үзен тәрбияли торган: ашарга пешерә, керләрен юа, үтүкли, үзе уяна, өйләрне чиста тота торган малаем үсеп җитте кебек... Су алып кайту, чүп түгү кебек өй эшләре соңгы елларда бөтенләй аның өстендә. Иртән шыпырт кына уяна да, мине уятмаска тырышып, тыныч кына юынып чыгып китә ул... Карыйм да горурланам!
Ә икенче яктан карасаң, "Мин иртән уянып, ботка пешереп , матур теләклэр әйтеп озатырга тиештер инде бу баланы”, – дип уйлап куям. Юк...менә гел шул хакта уйлыйм.
Мин бик начар әни микән? Әллә киресенчәме?
Улым, өзелеп яратам мин сине! Сагынам...
Син минем горурлыгым!!!


5.    

1. Ир-ат кеше эчсә... –  була торган хәл, хатынының кыланмышларына түзә алмагангадыр. Хатыны карамады... айныта алмады... Начар хатынга эләкте. Ә хатын-кыз эчсә ...бетте баш!
2. Ир-ат гулять итсә... – була торган хәл, хатыны канәгатьләндермидер. Хатын-кыз  гулять итсэ?..
3. Ир-ат өйдән чыгып китсә.. .аптырарлык урын юк. Ирләр шундый була инде... Хатын-кыз чыгып китсә... димәк ул Б....
4. Ир-ат алимент түләми... Нуууу нишләсен инде... акчасы юктыр...
Хатын- кыз баланы ничек тә үстерергә тиеш! Тапмасын иде...
5. Ир-ат эшләми өйдә ята. Нишләтәсен инде... нормальный эше дә юк бит аның. Хатыны эшли. 
6. Хатын-кыз бала таба – чөнки башка эше юк. И-и-и мескен ире... Ә тапмаса? Кысыр бит ул... Тагын мескен ире! Ә иң кызыгы: беркем дә, беркайчан да хатын-кызны жәлләми. Ир-ат жәл... 
 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 17 август 2022 - 08:30
    Без имени
    Гел дорес сузлэр генэ сойлисен
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4390
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12870
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2718
    9
    87
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10850
    13
    74
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13434
    4
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда