Кәбестәдән, фасольдән, кишер белән помидордан... кышка салатлар

Хуҗабикәләрнең «урак өсте». Кыярларны тозлап бетердек, инде хәзер чират төрле-төрле салатларга. Иң-иң тәмле салат рецептлары менә монда.

 

Кәбестә салаты

5 литр чыга

1 кг помидор;

1 кг баллы борыч;

1 кг ак башлы кәбестә;

1 кг кишер;

500 г суган;

1 баш сарымсак;

1 аш кашыгы тоз;

1 стакан үсемлек мае;

4 аш кашыгы 9 процентлы аш серкәсе (уксус);

1/3 чәй кашыгы төелгән борыч;

2 канәфер (гвоздика);

2 дәфнә яфрагы (лавр);

1 уч петрушка.

Бөтен яшелчәләрне дә саламлап турыйбыз, сарымсакны изәбез, петрушканы ваклыйбыз. Сарымсак белән петрушкадан кала, барлык яшелчәләрне дә кәстрүлгә салып, тоз, май, канәфер белән дәфнә яфрагын да кушып, кайнатып чыгарабыз да, утны киметеп, 30 минут томалап пешерәбез.

Сүндерергә 5 минут кала аш серкәсен ярты стакан җылымса су белән сыеклап, салатка кушабыз.

Салатны парланган банкаларга тутырып, калай капкач белән томалыйбыз да, өстен аска әйләндереп каплап, 1-2 тәүлек тотабыз. Аннары караңгы, салкынча урынга куябыз.

 

Фасоль салаты

(5,5-6 литр чыга)

1 кг фасоль (агы да, кызылы да ярый. Корысын алырга кирәк);

3 кг помидор;

1 кг кишер;

1 кг баллы борыч;

500 г суган;

1 стакан шикәр комы;

3 аш кашыгы тоз;

1 стакан үсемлек мае;

1 чәй кашыгы төелгән борыч;

1 чәй кашыгы 70 процентлы уксус кислотасы яки 5 аш кашыгы 9 процентлы аш серкәсе.

Фасольне юып, 10-12 сәгать салкын суда чылатабыз.

Помидорны – телемләп, борычны – саламлап, суганны ярымбоҗралап турыйбыз, кишерне эре угычтан уабыз.

Яшелчәләрне һәм фасольне, тоз, борыч, шикәр, майны кәстрүлгә салып 2 сәгать сүрән утта пешерәбез. Гел болгаткалап торабыз. Сүндерергә 5 минут кала аш серкәсен кушабыз да, салатны парланган банкаларга тутырып, калай капкач белән томалыйбыз.

 

Томат соусындагы фасоль

1 кг чистартылган фасоль;

4 кг помидор;

350 г үсемлек мае;

1/2 стакан шикәр комы;

3 аш кашыгы тоз;

1 зәһәр борыч;

6 тырнак сарымсак;

1/2 стакан аш серкәсе.

Фасольне бер тәүлек чылатабыз (бакчадан яңа өзгән фасоль булса, берничә сәгать тә җитә). Һәм йомшарганчы пешерәбез.

Помидорны һәм орлыгыннан чистарткан зәһәр борычны иттарткычтан чыгарабыз. Сарымсакны издерәбез яки вак угычтан уабыз.

Фасоль белән аш серкәсеннән кала барысын да кәстрүлгә салып, кайнатырга куябыз. Кайнап чыккач, фасольне салып, әзер булганчы пешерәбез. Сүндерер алдыннан гына аш серкәсен өстибез.

Әзер салатны парланган банкаларга тутырып, калай капкач белән каплыйбыз. Астын өскә әйләндереп, бер тәүлек тотабыз.

 

Гөмбәле ташкабак салаты

(3-4 литр чыга)

1,5 кг ташкабак (чистарткач);

1 кг баллы гөмбә (опята, катырылганы да ярый);

500 г кишер;

500 г суган;

бер уч укроп белән петрушка;

3 тырнак сарымсак;

4-5 данә хуш исле борчак;

1 чәй кашыгы лимон кислотасы;

1,5 стакан үсемлек мае (1 стаканы кыздырыр өчен, 0,5 стакан салатка кушарга);

1 аш кашыгы тоз;

1 чәй кашыгы шикәр комы.

 

Баллы гөмбәне суга салып, кайнатырга куябыз. Кайнап чыккач, суын түгеп тагын бер кат чайкатабыз һәм кабат чиста су салып, 20 минут пешерәбез. Аннары майлы табада кыздырып алабыз.

Ташкабакның кабыгын чистартып, төшләрен алып, шакмаклап турыйбыз да, кәстрүлгә салып, йомшарганчы пешерәбез. Пешкәч, аны да майда кыздырабыз. Суган белән кишерне дә аерым-аерым кыздырып алабыз.

Сарымсакны издерәбез.

Кыздырган яшелчәләрне гөмбә белән бергә иттарткычтан чыгарып, калын төпле кәстрүлгә салабыз да, сарымсакны, туралган үләннәрне, тоз белән шикәр комын, лимон кислотасын, үсемлек маен салып, 10 минут пешерәбез.

Кайнар килеш парланган банкаларга тутырып, астын-өскә әйләндереп 1 тәүлек төреп тотабыз. Аннары салкынча, караңгы урында саклыйбыз.

 

 

 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 21 апрель 2021 - 11:49
    Без имени
    И аллакаем, Тәрбия газетасын чыгарган Газинур дип аңладым инде. мин укытучы кеше бик күп ачык дәресләремне 10-15 еллап шул гэзетада бастырдым бит. ирле-хатынлы газета чыгардылар алар. Раббым сабырлык бирсен сезгә, балаларыгызга.
    Кияүгә сүз әйтмәгез!
  • 21 апрель 2021 - 11:44
    Без имени
    Әллә ничә кат укыдым да укыдым. Шулай искә төшергәләп тору киорәк икән дип уйладым тормыш һәм яшәү турында. бу турыда язып яхшы иткәнсез.
    Үреләм дә карыйм күңел түрләремә...
  • 21 апрель 2021 - 23:40
    Без имени
    Бик авыр хэллэр,ачы хэсрэт.Бу турыда укыганым булган икэн,исемэ тошердем.Куз яшьлэре ирексездэн ага гына.Бала хэсрэтлэрен курсэтмэсен,ходаем.
    ​Күбәләк булып очты...
  • 22 апрель 2021 - 05:54
    Без имени
    Бездэ энкэй дип йорет алар энинен энтченрахмат
    Якын ерак әбекәем
  • 22 апрель 2021 - 06:13
    Без имени
    Бик авыр хэл,Аллам сакласын ,куз яшьлэрсез укып булмый!!!
    ​Күбәләк булып очты...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»