​Заманча милли башлык

Кирәк: 

* Төп өлешне бәйләү өчен – 100 г 
* 260 метрлы бер йомгак җеп;
* Бизәк бәйләү өчен шундый ук калынлыктагы куе сары һәм куе яшел төстәге җепләр. Хәер, үзегезгә ошаган төсләрне үзегез сайлый аласыз;
* 2,5 һәм 3,5 номерлы бәйләү энәләре, нечкә ыргак.

Башта өлге бәйлибез. 

Безнең очракта: 15 см = 36 күз, 
15 см = 48 рәт.
Бизәк тәртибе: 46 күздән торган 
60 рәт бәйләнә. Рәсемдәге бер шакмак бер күзәнәккә тәңгәл.
 


Эш барышы:

* 56-58 үлчәмле башлык өчен 
2,5 номерлы бәйләм энәсенә 100 күз җыеп, 2 х 2 резинка белән, 12 рәт бәйлибез. Унөченче рәтне исә, 3,5 номерлы энәләргә күчеп, уң белән бәйләп чыгабыз. 

* Ундүртенче рәттән интарсия ысулы белән бизәк бәйләнә башлый. Аны схемага карап бәйлибез. 

* 80 рәт бәйләгәннән соң, күзләр санын киметә барабыз – башлыкның авыш өлеше шул рәвешле бәйләнә. Безгә 60 күз киметергә кирәк: һәр биш рәт саен ике яктан да икешәр күз киметелә. Башкача да мөмкин: һәр икенче һәм өченче рәттә ике яктан да берәр күз киметелә. Нәтиҗәдә, 40 күз калырга тиеш. 

* 150 нче рәтне бәйләгәндә күзләрне ябабыз. 

* Бәйләмне юеш тукыма аша үтүклибез, башлыкның ике кырыен тегеп тоташтырабыз. (Без ыргак белән тоташтырдык.) Ничек тегәргә икәнен рәсемнән карап белегез. 

* Ике почмагын эчке яктан бергә тоташтырабыз. Җебеннән генә бәйләп куеп та була.



Интарсия ысулы белән бәйләү

Зуррак бизәкләр бәйләгәндә кулланыла. Бер генә төс белән бәйләнүче һәр өлеш өчен аерым йомгак кирәк. Һәрбер өлешнең – үз йомгагы. Мәсәлән, бер төстәге җеп белән бәйләп килдек тә, бизәк бәйләнә торган урынга килеп җиткәч, куе яшел төс белән бәйләп киттек, ди. Беренче йомгак шул урында калып тора. Бизәкне бәйләп чыккач, янә баягы төс белән бәйлисе. Бизәк бәйләүгә күчкәндә калган теге йомгакны тартып китермибез, ә шул ук төстәге икенче йомгакны алабыз. 

Бер җептән икенчесенә күчкәндә бәйләмдә тишек барлыкка килмәсен өчен җепләрне сул якта тыгыз итеп чалыштырып алырга кирәк. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4556
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13172
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2825
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11331
    13
    75
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13780
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда