Гади йоннан оригиналь шарф

Зәркән дизайнеры булып эшләгән Татьяна көннәрдән бер көнне кибеттә киез келәм күргән дә, шул келәмне үзе ясап карарга булган. Әлбәттә, башта берни дә килеп чыкмаган. Әмма, эшләгән кул остара дигәндәй, бераздан Татьяна да остарган, катлаулырак әйберләр ясауга күчкән. Бүген ул йон киемнәр басу белән шөгыльләнә. Татьянаның баш киемнәре, жилет-җиләннәре, шарф-палантиннары — һәрберсе үзенчәлекле, бер-берсен кабатламас матурлыкка ия. Чынлап та, киез басу эше бик мавыктыргыч. Әмма безнең сарыкларның йоны киемнәр ясау өчен яраксыз. Иң яхшысы — Австралия мериносының йоны. Аны «Леонардо» кибетеннән сатып алырга була.
 

Кирәк:

* 60 г ак йон;
* 3-4 г ачык күк төсле йон,
* 2-3 г ачык һәм куе зәңгәр йон;
* бер тотам зәңгәр төсле җитен сүс;
* бер тотам зәңгәр һәм ак төсле вискоза сүс;
* бер тотам кара сүс;
* зәңгәрсу-аксыл юка гына ефәк тукыма кисәге (газ ефәк);
* зәңгәр төсле йон йомгак (букле);
* ак төсле йон йомгак (кружевница);
* «ратионель» келәм («Икеа»да сатыла);
* «шадра» полиэтилен җәймә (көнкүреш техникасын төрә торган);
* тәрәзәгә кора торган капрон сетка;
* кечкенә лейка (капкачы тишкәләнгән литр ярымлы су шешәсе дә ярый);
* тастымал;
* бер тамчы «Fairy» («Фейри») тамызылган җылымса су;
* уклау.
 

Эш барышы:

Өстәлгә «ратионель» келәме, аның өстенә «шадра» полиэтилен җәелә. Акбур белән полиэтиленга өлге сызыла. Йон шул өлге буенча түшәлә.

Түшәргә керешкәнче, йонның эш барышында 50% ка утыруын исәпкә алырга кирәк. Мәсәлән, әзер шарф­ның озынлыгы – 76 см, киңлеге – 21 см. Утыру өлешен истә тотып, өлгене 114 см озынлыкта, 31 см киңлектә итеп сызабыз.

Хәзер иң мөһиме – тигез итеп йон түшәү. Ак йоннан кечкенә генә тотам тартып алабыз да, өлге читенә тигезләп куябыз. Беренче тотамны яртылаш каплый төшеп, шуның янына икенче тотамны, аннан соң өченчесен тезәбез. Йон әйләнә буенча түшәлә. Башта – беренче рәте, аннан соң беренче рәтне яртылаш каплап – икенчесе. Уртасын түшәгәндә йон тотамнарын буй юнәлештә тезәбез (алдан түшәлгән рәтләргә аркылы итеп).

Икенче каты аз гына үзгәрәк түшәлә. Ак йоннан әйләнә буйлап ике рәтне түшәгәч, ачык күк төсле йоннан әйләнә буйлап өченче рәтне түшибез. Кыл уртага исә аз гына куерак төсле зәңгәр йон түшәлә. Беренче катта уртаны буй юнәлештә түшәгән булсак, бу юлы инде – аркылыга.

Куе зәңгәр төсле йоннан бер тотам йолкып алып, ике очын юешлибез һәм чак кына бөтерәбез. Болар яфрак булачак. Аларны шахмат тәртибендә тезеп, өсләренә чеметеп кенә ак һәм зәңгәр вискоза сүс салабыз. Буш урыннарга ефәк тукыма кисәкләре, ак һәм зәңгәр вискоза сүс, зәңгәр җитен сүс куябыз. Иң ахырдан йомгактагы җепләрне һәм кара сүсне бизәкләр өстенә сарылдырабыз.

 Болар өстенә лейкадан мул итеп «Фейри»лы су коябыз. Йон тулысынча чыланырга, әмма күлдәвекләр булмаска тиеш.
 
Шарф өстенә капрон сетка каплап, 10-15 минут буена түгәрәк хәрәкәтләр белән сак кына ышкып, йонны керештерәбез (вибро-шлифоваль машинагыз булса, аның белән 1-2 минут эчендә дә керештерергә мөмкин).

Шарфны «шадра» полиэтилен белән бергә уклауга чорнап, шактый озак – 10 минут чамасы тәгәрәтәбез. Уклау урынына поли-этилен су торбасын кулланырга мөмкин.
Агып чыккан суны тастымал белән корыта барабыз. Тәгәрәтә торгач бушап киткән шарфны әледән-әле сүтеп, уклауга яңадан чорнарга кирәк булачак. Икенче очыннан да нәкъ шулай чорнап, 10 минут тәгәрәтәбез.

Уклауны сүтеп алгач, бизәген эчтә калдырып, шарфны башта урталай, аннан шуны тагын урталай бөклибез.

Бу шакмакны торба сыман итеп төрәбез дә, 100 тапкыр кул белән тәгәрәтәбез. Сүтеп, икенче читеннән төрәбез, янә 100 тапкыр тәгәрәтәбез. Инде аскы ягын әйләндереп, башта бер читеннән, аннан соң икенче читеннән 100 мәртәбә тәгәрәтәбез.

Бизәкләрне тышкы якта калдырып та шушы ук эшне кабатларга кирәк булачак. Тик бу юлы 100 түгел, ә 50 тапкыр гына тәгәрәтәбез.

Шарфны сүтеп, камыр баскан кебек кул белән басабыз. Басуы җиткән киез җыерчыклана, шадралана башлый.

Шарфны җылымса суда чайкап, җиңелчә генә кыскалап сыгабыз. Җәеп, чит-читләрен кул белән тарткалап, бераз сузабыз. Воланнары ныграк беленеп торсын!

Шарф әзер. Салкын көздә ул сезне җылытыр да, бизәр дә. Матур брошь белән каптырып, сез аны пальто­ның тышкы ягына чыгарып та кия аласыз.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8249
    0
    82
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7478
    2
    75
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3625
    1
    41
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4445
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3527
    0
    26
Реклама
Соңгы комментарийлар
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
  • 26 май 2022 - 09:29
    Без имени
    Бу ир сезне хор мэт итэ, Лилияне ярата кебек тоела, монда Лилиягэ акыллы булып, кеше тормышын бозмаска иде, Аллахы Хидэят бирсен бик авыр хэл
    «Сине дә яратам, аны да», – ди...
  • 26 май 2022 - 12:13
    Без имени
    Мина бик ошады
    Җаным жәл түгел сиңа...
  • 25 май 2022 - 12:23
    Без имени
    Мэчет юк иде диеп, язучыга бэйлэнергэ кирэкми, документ тутырмаган ла, ул! Бер ялгыз апа-эби йортында жыелып намаз укыйлар иде, анда йоруче бабайлар да байтак иде. Олылардан ишетеп белэбез Талип бабай турында. Булдырасын, Фагилэ!
    «Фәрештәләр төшемдә дога өйрәтте»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда