​Бүләк дисәң дә бүләк...

Яңа елны каршы алу мәшәкатьләре белән ашыгып кына өйдән чыгып  бара идем, Суфиякаем туктатты.

— Карале, кичә үк әйтергә җыенган идем, кыюлыгым җитмәде, инде бүген барыбер әйтәм, йөрәгем белән янәшәрәк тагын бер йөрәгем тибенә, ахрысы…
— Малай! Һичшиксез, малай! Ну тешләк тә соң үзең, кайчаннан бирле миннән яшереп килгәнсең. Җә, әйт, җаның ни тели, шул бүләк синеке!
— Бүләгең кирәкми… Минем үрдәк ите ашыйсым килә.
— Һи, кирәк икән — унны алып кайтам!
— Миңа кыр үрдәге кирәк шул.
— Соң, булса ни… Ни-ни-чек, кыр үрдәге, кыш уртасындамы?!
— Баштарак үтеп китәр дип йөрдем, инде түземлегем калмады. Кыздырылган кыр үрдәге ашыйсым килә…
— Бәлки, йорт үрдәге дә ярап торыр?
— Юк, кыр үрдәге булгач, кыр үрдәге!

Яңа ел онытылды. Башымны түбән иеп чыгып киттем. Суфиямны гаепләмим, теләгәч телидер инде. Үрдәкләрне әйтәм әле, нәрсәгә дип шул җылы якларга һушлары китәдер. Әнә, ала каргалар, саесканнар, төлкеләр, куяннар бер дә җылы якка китәбез димиләр. Бу үрдәк дигәне генә ник җылы урын эзләп йөргән буладыр. Мин бит әле, шәһәрдә туып-үскән мөртәт, кыр үрдәге түгел йорт үрдәгенең дә кайда кышлаганын белмим.

Гел мәзәк сөйләп йөргәнгәме, хезмәттәшләрем борчулы йөземне бик тиз күреп алдылар.
— Иртә әле, бик иртә, — ди проф­ком башлыгы Равилә, — өйләнешүегезгә ике ел тулмаган, сез инде үпкәләшкәнсез дә.

Ни дисәң дә, хезмәттәшләр — киңәшчеләр, хәлне чәчми-түкми сөйләп бирергә туры килде.
— Ышанам, ышанам, — ди җиде бала анасы икътисадчы Асия ханым. Маратым туасы елны мин дә шулай булдым. Апрель ахыры иде, минем яшел кыяр өзеп ашыйсым килде. Элек теплицаларда үстерү юк иде шул, күпме генә эзләсәм дә, өзә алмадым. Шуңа күрә Маратымның җилкәсендә кыяр хәтле миңе бар.

Өстәлемә капландым. Әгәр мин дә эзләп таба алмасам… Хатыным үрдәк борынлы бер малай алып кайтса, өстәвенә тагын “Ән-нә!” диясенә “Бак-бак!” дип тә кычкырса… Юк, юк, минем үрдәк әтисе буласым килми.
— Син, — ди нормировщик За­кир, — базардан ал да, кыр үрдәге дип тоттыр, бетте-китте вәссәлам, үземнең дә баштан үтте, аучы ич мин…

Танымаслык булса, кыр үрдәге дип аерып әйтмәс иде, күрәләтә алдашу да килешеп бетмәс. Өс­тәл­дәшем Тәүфикъны тыңлап карыйм әле. Аның фикере гел төгәлрәк була, аннан соң ул башваткычларны да бездән күбрәк чишкән кеше, бәлки, үрдәкләрнең кайда кышлаганын да беләдер.
— Австралиягә, кичекмәстән Австралиягә, үрдәкләр артыннан очарга кирәк!
— Әйтергә генә җиңел, Австра­лия­гә кадәр ничәмә-ничә ил аша үтәсе…
— Бер рәхәтнең бер михнәте дә була инде ул, агайне, — дип өстәп куймасынмы Тәүфикъ дус.

Эштән кайтып, юл кирәк-яракларын хәстәрли башлаган идем, Суфиякаем чемоданымны кулымнан алды:
— Кая җыенасың?!
— Мәскәүгә, аннан Австралия­гә…

Ул, минем җитди сөйләшүемне аңлап, көлеп үк җибәрде:
— Хәтерлисеңме, әтинең ризалыгын алган көнне, кызың өчен җиде кат җир астына да төшәрмен, дигән идең. Әллә ничек кенә шул вәгъдәң исемә төште дә, тукта, мин әйтәм, элеккечә ярата микән, сынап карыйм әле үзен, дим… Менә бу, чыннан да, Яңа ел бүләге инде. Рәхмәт, җимешем! Җә, ярар, турсайма инде. Менә бу юлысы чын-чынлап әйтәм: бар, ике генә тозлы кыяр алып кайт әле!..

Мин сөенә-сөенә базарга йөгердем.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8389
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8683
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8398
    8
    67
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4012
    2
    47
Реклама
Соңгы комментарийлар
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
  • 22 июль 2021 - 11:16
    Без имени
    берниге дэ борчылма. ускенем. Вакытында. белгенсен. шунысына. соен. борчвылма. Узеннен чын. тормышын. алда. эле. Андыйларны. Аллахе. тагэлэ. кичерми. жэзасын. алыр. борчылма.
    Егетем... ике бала атасы икән инде
  • 23 июль 2021 - 11:25
    Без имени
    Бик аянычлы,котычкыч хэл.эх өлгермэгэн шул ана.рэхмэт Физэлия,уңышлар сезгэ.
    Киселгән муел  агачы
  • 22 июль 2021 - 20:00
    Без имени
    И это пройдёт.. Дигән бер акыл иясе. Тормыш тәҗрибәсе шулай туплана инде ул. Кешегә ничек ышанмыйсың... Андый подоноклар да бар инде ул. Елама дип әйтү җиңел лә ул. Син ела, ләкин аңардан файда булырмы дип уйла. Шулай булгач, яшеңне әрәм итмә. Ә ул киләчәктә барыбер бер кирәген алачак. Андыйлар гомергә үзгәрми. Бәхет телим сиңа.
    Егетем... ике бала атасы икән инде
  • 19 июль 2021 - 22:04
    Без имени
    Табаң юк мени, әзрәк башын "сафландырып" алырга. Нинди чит хатын белән язышу ул, син дә аның иренең номерын тап та языша башла. Белми дип тыныч кына йөрмәсеннәр. Син әдәп саклаганда алар мәхәббәт уенын башларлар. Котырту түгел, баштан үткәнгә язу. Сөйләшәсе килсә, ире белән сөйләшсен. Чит ир әйбәт инде. Гаилә алып бару түгел бит. Син юганны киеп, ашатып эчертеп чыгарасың,. Тәтиегет тапкан. Үзенекен тәти итеп тотсын да сөйләшсен. Язып җмбәр үзенә, иреңә язам дип.
    Ирем телефоннан башка хатын белән языша
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан