Яшибез әле, шулай бит?

Кичә аптекада чират торганда берәүгә бик ачуым килде. Эштән соң арып-талып басып торам шулай, әле өйгә кайткач та никадәр эш, кичкә нәрсә пешерергә дип уйлыйм, ә ул этә-төртә алдыма кереп бара. «Сез яшьләр, безнең кебек аякларыгыз авыртмыйдыр» Каян белә ул минем кайсы җирем авыртканны?! Бәлки, менә хәзер егылырга әзер булып басып торамдыр... Ачу белән аның кызылга буялган утыз бөртек чәченә текәлдем. «Хәзерге яшьләр хөрмәт дигәнне белми. Без күргәнне күрмәделәр шул...» Кызыл чәчле апа үзеннән алдарак торганына яшьләрдән зарланып алды.  «Бәхетсез, – дип уйладым эчтән генә. – Мөгаен, сезне балаларыгыз да, оныкларыгыз да яратмыйдыр, шуңа күрә эчегез тулы яшьләргә нәфрәттер сезнең». Күз алдыма беркемне дә сөймәс сөйкемсез ханым образы килеп басты.
Кызыл чәчле апа кирәкле даруларын алып, кырыйгарак күчте. «Чәчкә сөртә торган фәлән маска бармы?» – дип сорадым фармацевтан. Сатып алганымны сумкага урнаштырып ятканда, кырыема кабат теге апа килеп басты: «Әйбәт мәллә бу?»  «Әйбәт...» – дип мыгырдандым авыз эчемнән. Баягынак аның яшьләрне сүккәне өчен ачуым басылып бетмәгән иде әле. «Гафу итегез инде кызыксынганым өчен. Минем дә чәчләргә бераз файдасы булмас микән», – диде ул ниндидер бер самимилек белән, башындагы утыз бөртек чәчен сыйпап. «Элек куе иде ул. Стресслардан шундый булды...» – апа кабат чәчен сыйпады. Аның бу самимилеге такта алдында акланып торган малайны хәтерләтте. Күңелемнең ниндидер бер кылы зыңлап куйды: «Алып карагыз, кыйммәт түгел. Миңа файдасы бар шикелле», – минем апага чын-чынлап ярдәм итәсем килә башлаган иде.
Аптекадан чыккач, базарга кадәр бергә кайттык. «Улым үлде минем, – диде апа бераз атлагач. – Утыз гына яшьлек иде әле. Баласына бер яшь тә тулмаган иде. Сукыр эчәгесе шартлаган булган. Үтәр әле дип, авыртуына түзеп йөргән. Алып кала алмадылар. Бер-ике айдан килен башка кешегә кияүгә чыкты. Кияүгә чыгар алдыннан торт күтәреп килгән. «Яңа ирем баланы үз исеменә яздырып, үз баласы итеп үстерергә тели. Без аңа әтисе турында әйтмәскә булдык. Зинһарлап сорыйм, сез аны онытыгыз инде», – ди. Бердәнбер балабызның бердәнбер кыйпылчыгын – безнең бердәнбер юанычыбызны шулай тартып алды. Чәчем шуннан соң бик каты коелды».
Әйтүе буенча, ниләр генә эшләп карамаган, әрекмән мае да сылаган, кычыткан суы белән дә юган. Әле илле генә яшь булган аның үзенә. Шул җәйдә ирен ток сугып үтергән. Дачада янган электр чыбыгын алыштырырга дип тотынган булган. Ирен җирләп кайткач, бер атна урыннан тора алмый яткан. Бер атнадан соң башын мендәрдән күтәрсә, мендәр тышы кап-кара – ярты башында чәч юк...
«Озак та тормады, әни авырып китте. Юан эчәгесендә яман шеш таптылар. Аның сызлануларыннан, ярдәм итә алмавымнан кайгырып, үзем дә ярты үлеп беттем. Ул вакытта үземне карарга вакыт та булмады, чәч кайгысы түгел иде. Ә беркөнне көзге каршына бассам, баш түбәм күренеп тора – чәч калмаган да. Иптәш хатыннар: «Синең үзеңдә дә рак түгел микән?» – дип коткы салды. Ачуым килеп, ярты пенсиямә кыйммәтле шампуньнәр, бәлзәмнәр сатып ала башладым. Суган уып та сыладым. Аның исе, фу! Аннары парик сатып алдым».
Апаның баш түбәсендәге пеләшенә бераздан чәч үскән үсүен, ләкин пеләшләнүдән куркуы күңеленә сеңеп калган. Чәчен дә шуңа күрә кына белән генә буяп йөри икән. «Ак чәч белән йөрүе матур түгел. Ә болай бераз булса да хатын-кызга охшыйм кебек». Апа сабый бала кебек кыенсынып кына күземә карый.
Аның күзләреннән миңа нәүмиз генә ялгызлык бага. Ничек бар шулай – бераз гына сәеррәк, бераз гына юанрак, алай да үзенең беркемгә дә кирәксезлеге белән килешергә теләмәгән, ничек итеп булса да бу дөньяда әле үзенең дә барлыгын белдерергә омтылган гасаби ялгызлык. «Әле бирешергә исәп юк. Менә аякларымны да дәвалыйсым бар», – апа иелеп, артрит бирчәйткән кулы белән чалбар балагын күтәрә. Күзем аяк  балтырындагы шеш-шеш булып бүрткән кан тамырларына, тырнаклары кызылга буялган кәкре бармакларга төшә. Юк, ул инде беркемне дә очратырга өметләнми. Тырнакларын буявы да хатын-кыз үз-үзен карап йөртергә тиеш дип уйлавыннан гына. «Кызым, рәхмәт сиңа. Яшибез әле, Алла кушса, шулай бит?» – ди апа. Шушы урында безнең юллар аерыла. Апа ялгызлыгы белән җитәкләшеп урам караңгылыгында гаип булганчы, урынымнан кымшанмыйм. Аның аксыл плащы караңгыда тоныклана, тоныклана, тоныклана...
Ә мин бая күңелемдә тудырган ямьсез образ өчен хәзер оялам.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (5)
Cимвол калды:
  • 25 июнь 2021 - 17:43
    Без имени
    Яулык бәйләү кирәк! Намазга басу,тәүбәләр әйтү,динебезне өйрәнү кирәк.Аллаһ үзе ярдәмнәрен бирер.Ин шээ Ллаһ!
  • 21 март 2020 - 19:48
    Без имени
    Анын башына маска сыларга тугел, яулык бэйлэргэ кирэктер инде узе! Колеп эйтмим, анын очен борчылып язуым! Намазга басса да буладыр!
  • 21 гыйнвар 2020 - 09:32
    Без имени
    Анда аста перевод дип чыга сары белэн,шуна отменага басыгыз
  • 20 гыйнвар 2020 - 21:29
    Без имени
    Нишлэп укып булмый сон, русча бутала?
  • 29 сентябрь 2022 - 07:49
    Без имени
    Лилия Гәрәеваның язмалары бик фәһемле, бик кызыксынып укыйм. Рәхмәт авторга!
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4198
    10
    111
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12525
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2596
    9
    86
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13107
    4
    72
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10298
    12
    72
Реклама
Соңгы комментарийлар
  • 23 сентябрь 2022 - 03:35
    Без имени
    Ати анисе бирган акчагада хужа булмый а, биграк инде. Ул хадаре йыуаш булып ни. Ати анисе, акча бирган е, лучше диваны узларе алып бирсен нар иде дип та уйлап куйдым. Ул бианай оялмыйча шул акчаны алып, узена Яна диван алган что-ли? Ансын анламадым.
    Гомерем усал кайнана, исерек ир белән үтте 11
  • 23 сентябрь 2022 - 11:05
    Без имени
    25 яшендэ кияугэ чыккан, 10 ел баласыз торган, бэхетен 35 яшьтэ тапкан, а Айнурга 30 яшь. Барда дорес язылган бит?)))
    Бәхетле булырга хакым бар!
  • 23 сентябрь 2022 - 11:17
    Без имени
    шулай мыскыл итәләр шул үзләреннән артык уңган, булган киленне. Мине кайната белән кайнана малайлары үлгәнче, малайларыннан мыскыллатып тордылар. Малайларын аракы эчереп миңа каршы котырталар иде. Нормальный кеше малаен аракы эчәргә өйрәтми бит инде?! Малайлары эчеп кайтып тавыш чыгара иде, мин тормышны тартып яшәдем. Мин аллага шөкер, намазлы булып гомеремне дәвам итәм, малайлары үлде. Мин котылдым аллага шөкер, алар баласыз калды.
    Гомерем усал кайнана, исерек ир белән үтте 11
  • 22 сентябрь 2022 - 22:32
    Без имени
    Фагыйлэ остэп тэ жибэрэ ахры, купертеп арттырып жибэргэн урыннары бар.
    Гомерем усал кайнана, исерек ир белән үтте 11
  • 23 сентябрь 2022 - 18:07
    Без имени
    Автор "ыштанга ябышып " узен генэ мэсхэрэлэу тугел, балаларнын да жэллэмэгэн. Балалары кимсетелеп, комплексы булып ускэннэрдер. Авторы жэллэмим, отвращение.
    Гомерем усал кайнана, исерек ир белән үтте 11
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда