Синең әти – минем әти

Киң күңелле булу җиңел түгел, әмма үз-үзен җиңә алганнар бәхетле булу җаен таба.

Урамнан Исәр Фатыйх җырлап узды:
Карлыгачлар килгән безгә,
Китәрләр микән көзгә...


Фатыйх авылның кыңгыравы – бөтен яңалык аңарда. Дивана теленә кергәннән соң инде авыл авызына яулык ябам димә! Бүгенге яңалыгы ел саен кабатлана торганы. Һәр яз саен кайта торган карлыгачлар сыманы. 
Димәк, Зәйтүнә апа кайтып, кыш буе аны зарыгып көткән өенең тәрәзә капкачларын ачкан. Һәр ел саен шулай – май азагында кайта да Зәйтүнә апа, көз кергәч кенә китә. Зәйтүнә апа кайткан көнне үк Югары очның тракторчы Гайҗан абый аның янына күченә. Алар яшь чакларында вәгъдәләшкән булганнар икән дә, сугыш чыгу аркасында кавыша алмый калганнар икән дип сөйлиләр.

Гайҗан абыйның Фәрхебану исемле никахлы хатыныннан туган җиде баласы да Зәйтүнә апаларга ияләшә. Казан апаның өендә шәһәрчә нәзакәтле итеп хәстәрләнгән пәрәмәчләр, вак бәлешләр еш пешә иде бугай. Аш-суның тәмле исе дә бала-чаганы ымсындырмый булмагандыр инде. Җиде бала Зәйтүнә апаларның капка төбенә вакытлыча өйдән бизгән аталарын гына эзләп килмәгәндер. Апа үзе дә бик бала җанлы иде булса кирәк. Гайҗан абыйга мәхәббәте дә көчле булгандыр. Бала-чага кырын карашны бик тиз сизә бит ул. Кая, ди, ул кырын караш! Казан апа тегү машинасы көйләп куеп, аш-су пешерүдән бушаган вакытында, келтер-келтер кием тегә. Балаларның җидесе дә җәй ахырына өр-яңадан киенгән була торган иде.

Гайҗан абый белән Зәйтүнә апаның җәйге мәхәббәте билгесе булып уллары да туды. Ул бала да җәйгә кайта башлады. Әтисенең Фәрхебанудан туган балларына иш янына куш булып үсте. Аларның туганлык җылылыгына күпләр көнләшерлек иде. Балалар, шулай, авыл күз алдында үсте. Үсә-үсә егет булды Зәйтүнә ападан туган малай да. Сафиулла исемле иде. Сафиулла өйләнгәндә Гайҗан абзый, сиртмәле арбада, Зәйтүнә белән Фәрхебану уртасына утырып, башкода булып күрше авылга кыз сорарга барды. Ике хатынның исе китмәгәч, авыл кешеләре дә, болай яшәүдә бернинди сәерлек тә юк дип, килеште. 

Аннары бер-бер артлы оныклар туа башлады. Гайҗан абзый гүр иясе булды. Зәйтүнә апа, Казандагы фатирын Сафиулласына калдырып, бөтенләйгә авылга күченде. Фәрхебану белән Зәйтүнәнең – ике көндәшнең ашы да, мунчасы да бергә булды. Аларга карап, авыл халкы: «Көнле көндәшнең башы 
бер түшәккә сыяр, килен-килендәшнеке сыймас», – ди торган иде.

Шушы ике ахирәтнең күркәм үрнәге икенче бер гаиләгә дә четерекле хәлдән бәхетле чишелеш табарга ярдәм итте кебек. Шулай берчакны күптән вафат булган Нуретдин абзыйны эзләп, авылга өч хатын – молдаваннар иде болар – кайтып төште. Әби, аның кызы һәм оныгы. Нуретдин абзый яшьлегендә гаярь генә түгел, мут егет тә булган, күрәсең. Кайткан хатын-кызларның өлкәне Нуретдин абзыйның сугыш аз вакытка гына кавыштырып, озак вакытка аерган мәхәббәте булып чыкты. Элеонора исемле икән. Нуретдин абзыйның тол калган хәләле аңа шундук матур итеп исем дә кушып куйды: Лиянур! «Әй урысчам шәп булса, Лиянур белән сөйләшеп туймас идек», – дип уфтанды Җамал апа. Молдаван хатыннарын бөтен нәсел-нәсәп кунакка алды. Яшь буын тәмам туганлашты. Әти берәү, аның каруы, әниләр икәү. Юкка караганда, «бар» күпкә әйбәтрәк бит. 

Сугыш аеры-чөере китергән насыйп ярларның соңлаган бәхетләре әнә шул рәвешле дә әйләнеп кайта икән. Авыл апаларының киң күңелле, зирәк, сабыр, чын мөслимә була белүләре йөрәккә әрем әчесе булып төшәргә мөмкин язмыш сынавын савыктыргыч бал итәргә сәләтле, күрәмсең.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4109
    10
    111
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12343
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2514
    9
    86
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    12859
    4
    72
  • Гомерем усал кайнана, исерек ир белән үтте 7 Туасы сабый дөньяга барыбер туа, дип юкка гына әйтмәгәннәрдер. Хәзер узган гомеремне уйлыйм да, җүләрлегемә исем-акылым китеп утырам…
    15870
    1
    69
Реклама
Соңгы комментарийлар
  • 23 сентябрь 2022 - 03:35
    Без имени
    Ати анисе бирган акчагада хужа булмый а, биграк инде. Ул хадаре йыуаш булып ни. Ати анисе, акча бирган е, лучше диваны узларе алып бирсен нар иде дип та уйлап куйдым. Ул бианай оялмыйча шул акчаны алып, узена Яна диван алган что-ли? Ансын анламадым.
    Гомерем усал кайнана, исерек ир белән үтте 11
  • 23 сентябрь 2022 - 11:05
    Без имени
    25 яшендэ кияугэ чыккан, 10 ел баласыз торган, бэхетен 35 яшьтэ тапкан, а Айнурга 30 яшь. Барда дорес язылган бит?)))
    Бәхетле булырга хакым бар!
  • 23 сентябрь 2022 - 11:17
    Без имени
    шулай мыскыл итәләр шул үзләреннән артык уңган, булган киленне. Мине кайната белән кайнана малайлары үлгәнче, малайларыннан мыскыллатып тордылар. Малайларын аракы эчереп миңа каршы котырталар иде. Нормальный кеше малаен аракы эчәргә өйрәтми бит инде?! Малайлары эчеп кайтып тавыш чыгара иде, мин тормышны тартып яшәдем. Мин аллага шөкер, намазлы булып гомеремне дәвам итәм, малайлары үлде. Мин котылдым аллага шөкер, алар баласыз калды.
    Гомерем усал кайнана, исерек ир белән үтте 11
  • 22 сентябрь 2022 - 22:32
    Без имени
    Фагыйлэ остэп тэ жибэрэ ахры, купертеп арттырып жибэргэн урыннары бар.
    Гомерем усал кайнана, исерек ир белән үтте 11
  • 23 сентябрь 2022 - 18:07
    Без имени
    Автор "ыштанга ябышып " узен генэ мэсхэрэлэу тугел, балаларнын да жэллэмэгэн. Балалары кимсетелеп, комплексы булып ускэннэрдер. Авторы жэллэмим, отвращение.
    Гомерем усал кайнана, исерек ир белән үтте 11
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда