Әни безне әтине зурларга өйрәтте

Минем өчен әти белән әни аерылгысыз бер җан. Әтием турында сөйләргә кушсалар, һичшиксез, әниемне дә мактап туя алмаячакмын. Ә бүген әнием турында сөйлисем килә, ләкин әти турында да дәшми кала алмыйм. Аллага мең шөкер, хәзерге көндә бәхетебез әти-әнинен тигез картлыгында. Алар исән-сау булганда без бәхетле! Әнием Гыйльметдинова Фәүзия әтиебез Госман белән 40 елдан артык бергә Аксубай районы Яна Ибрай авылында гомер кичерәләр. Әтием Чирмешән районы Кармыш авылыннан.
Әтисе – Сафиулла бабам сугышка киткәндә әнием берничә айлык кына булып калган. Бабам сугыш кырыннан әйләнеп кайтмаган... Яшьли ятим калган әниемә тормышның әчесен дә, төчесен дә бик күп татырга туры килгән...
Әтием белән икәү 3 бала тәрбияләп үстерделәр. Әтием һәрвакыт гаилә өчен җаваплы булса, әнием балаларның тәрбиясе өчен җаваплы булды. Әнием иң беренче чиратта әтигә – йорт башына ихтирам тәрбияләгән. Шуңадырмы безнең өчен иң беренче урында – әти, әти киңәше, әти фикере. Бу гомер буена шулай дәвам итеп килә.
Шул ук вакытта кырыс та, йомшак та, мәрхәмәтле дә әни тормышның бөтен авырлыкларына каршы торырлык сабырлык та, көч тә, күәт тә, акыл да тәрбияли алган. Кешеләргә булган мәрхәмәтлелек, кайгыртучанлык, ихтирам – барысы да әниемнең тәрбия орлыкларыннан шытып чыккан.
Кечкенәдән эшкә өйрәтеп үстерде әни. Әле дә хәтеремдә, әни белән иртәдән кичкә хәтле чөгендер кырында эшләүләр... (Эш арасында сиздерми генә тормыш итәр өчен иң кирәкле киңәшләрне дә баш миенә сеңдереп калдырган ул!) Кайвакыт әни янына килеп утырам да: «Әни, сез ничек безгә шундый итеп тәрбия бирә алдыгыз? Уйлап карасаң, алдыңа утыртып акыл өйрәтергә вакыт та булмаган бит. Утын кис, мичкә як, су керт, абзар тулы терлек...» – дим.
Хәзерге көнгә хәтле алар безнең ныклы терәгебез, киңәшчебез, укытучыбыз, тәрбиячебез. Олы юлга чыгар алдыннан да, зур эшләргә тотынсак та, нинди генә хәлдә булсак һәрвакыт әнигә: «Догаңнан калдырма безне, әни! Сезнен догаларыгыз саклап, юл күрсәтеп йөртә. Әтигә дә әйт, зинһар», – дибез.
Үз әнием белән берлектә бөтен әниләрне дә Әниләр бәйрәме белән тәбрик итәм. Бәхетле булсыннар, исән-сау булсыннар, мәңге яшь булсыннар!
Татар хатын-кызлары өчен кызыклы язмаларны Сөембикә Telegram-каналында укыгыз
-
Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
-
Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
-
Ул миңа исәндер шикелле... Әнкәй! Килен булып төшкән беренче көнемнән үк шулай дип эндәштем мин аңа. Хәзерге киленнәр «әткәй-әнкәй» дими инде, «әти-әни» диләр. Миңа калса, «әнкәй» сүзе тагын да матуррак, җылырак кебек.
-
«Исерек ир, усал кайнана белән гомерем узды» Кайнанам үлгәнгә август аенда биш ел була. Үлгән кеше турында начар сөйләмиләр йә бөтенләй дәшмиләр, дисәләр дә, күңелемә җыелганнарны бушатасым килә.
-
Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән?
-
5 август 2022 - 21:22Без имениХикәянең теле матур.Минемчә,төп тема--мәхәббәт.Ул яшәешнең нигезе. Яратмаган кеше белән гомер кичерү--бәхет түгел инде. Шулай ук яшьләр белән өлкән буынның аңлашып яшәве дә мөһим.Балалар да алар үрнәгендә тәрбия ала.Кешенеке – кештәктә
-
7 август 2022 - 06:12Без имениСокланып ,соенеп укыдым. Алдагы гомерегездэ бэхеттэ ,тынычлыкта утсен.Бәхет йорты
-
7 август 2022 - 17:50Без имениУзебез белу турында суз дэ юк, улыма да анлата алмадым...Башыңны сакла, балам...
-
7 август 2022 - 19:14Без имениШундый матур язылган! Рәхмәт! Бу язманы күбрәк кеше укысын иде! Бәхетле гаиләләр дә күбрәк булыр иде...Ата белән бала
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.